| ᠮᠣᠩᠭᠤᠯ ᠭᠠᠵᠠᠷ ᠤᠨ ᠣᠪᠣᠭᠠ ᠳᠠᠬᠢᠯᠭᠠ ᠶᠢᠨ ᠠᠩᠬᠠ ᠡᠭᠦᠰᠦᠯᠲᠡ ᠶᠢᠨ ᠲᠤᠬᠠᠢ ᠨᠣᠮ ᠰᠤᠳᠤᠷ ᠪᠠ | ᠪᠤᠭᠤᠷᠤᠯᠴᠤᠳ ᠤᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠡᠷᠲᠡ ᠳᠡᠭᠡᠳᠦ ᠴᠠᠭ ᠲᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ | ᠨᠡᠭᠦᠳᠡᠯ ᠮᠠᠯᠵᠢᠯ ᠶᠠᠪᠤᠬᠤ ᠳᠤᠳᠤᠮ ᠪᠠᠭᠠᠰᠴᠤ᠂ ᠰᠠᠭᠤᠷᠢᠰᠢᠨ ᠮᠠᠯᠵᠢᠬᠤ ᠪᠣᠯᠵᠤ ᠴᠥᠭᠡᠨ ᠲᠣᠭᠠᠨ ᠤ ᠮᠣᠩᠭᠤᠯᠴᠤᠳ | ᠭᠡᠷ ᠤᠨ ᠢᠶᠠᠨ ᠠᠷᠤ ᠬᠤᠶᠢᠨᠠ ᠵᠦᠭ ᠲᠤ ᠪᠠᠶᠢᠭᠠ ᠥᠨᠳᠥᠷ ᠣᠷᠣᠢ ᠪᠤᠶᠤ ᠭᠦᠳᠦᠭᠦᠷ ᠳᠣᠪᠣᠴᠠᠭ ᠳᠡᠭᠡᠷᠡ ᠰᠢᠷᠣᠢ | ᠨᠡᠮᠡᠵᠦ ᠭᠠᠯ ᠰᠢᠲᠠᠭᠠᠨ ᠴᠤᠭ ᠭᠠᠷᠭᠠᠵᠤ᠂ ᠠᠷᠴᠠ ᠪᠣᠯᠣᠨ ᠠᠬᠢ ᠬᠢᠯᠠᠭᠠᠨᠠ ᠮᠡᠲᠦ ᠶᠢᠨ ᠠᠷᠢᠭᠤᠨ ᠰᠠᠶᠢᠬᠠᠨ | ᠦᠨᠦᠷ ᠲᠠᠢ ᠡᠪᠡᠰᠦ ᠤᠷᠭᠤᠮᠠᠯ ᠢ ᠰᠢᠲᠠᠭᠠᠵᠤ᠂ ᠲᠡᠭᠷᠢ ᠳᠤ ᠮᠥᠷᠭᠦᠵᠦ ᠣᠷᠴᠢᠨ ᠠᠬᠤᠢ ᠪᠠᠨ ᠠᠷᠢᠭᠤᠳᠬᠠᠵᠤ | ᠪᠠᠶᠢᠪᠠ ᠭᠡᠳᠡᠭ᠃ ᠥᠨᠳᠥᠷ ᠣᠷᠣᠢ ᠳᠤ ᠥᠷᠯᠥᠭᠡ ᠶᠢᠨ ᠨᠠᠷᠠ ᠡᠷᠲᠡ ᠳᠤᠰᠴᠤ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ | ᠬᠡᠷᠡᠯᠳᠦᠭᠦᠯᠳᠡᠭ ᠪᠣᠯᠬᠤᠷ᠂ ᠮᠣᠩᠭᠤᠯᠴᠤᠳ ᠶᠡᠷᠦ ᠳᠤ ᠪᠠᠨ ᠥᠨᠳᠥᠷ ᠭᠠᠵᠠᠷ ᠢ ᠬᠦᠨᠳᠦᠳᠬᠡᠨ᠂ ᠥᠨᠳᠥᠷ | ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠶᠢᠨ ᠳᠡᠭᠡᠷᠡ ᠭᠠᠷᠴᠤ ᠠᠯᠤᠰ ᠢ ᠪᠠᠷᠠᠯᠠᠬᠤ᠂ ᠥᠨᠳᠥᠷ ᠣᠷᠣᠢ ᠶᠢᠨ ᠡᠩᠭᠡᠷ ᠲᠤ ᠨᠤᠲᠤᠭᠰᠢᠨ | ᠰᠠᠭᠤᠬᠤ ᠪᠠ ᠭᠡᠷ ᠤᠨ ᠠᠷᠤ ᠶᠢᠨ ᠥᠨᠳᠥᠷ ᠣᠷᠣᠢ ᠣᠷᠣᠢ ᠪᠠᠨ ᠤᠢ ᠮᠣᠳᠣ ᠲᠠᠷᠢᠵᠦ ᠬᠠᠮᠠᠭᠠᠯᠠᠬᠤ᠂ ᠴᠠᠭᠠᠰᠢᠯᠠᠪᠠᠯ | ᠵᠠᠷᠢᠮ ᠨᠢ ᠣᠪᠣᠭᠠ ᠪᠣᠰᠬᠠᠵᠤ ᠳᠠᠬᠢᠬᠤ ᠮᠡᠲᠦ ᠶᠢᠨ ᠦᠢᠯᠡ ᠶᠠᠪᠤᠳᠠᠯ ᠢ ᠬᠢᠵᠦ ᠪᠠᠶᠢᠵᠠᠢ᠃ ᠴᠢᠩ ᠤᠯᠤᠰ ᠤᠨ | ᠦᠶᠡ ᠪᠤᠯᠬᠤ ᠳᠤ᠂ ᠮᠣᠩᠭᠤᠯ ᠭᠠᠵᠠᠷ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠰᠦᠮᠡ ᠬᠡᠶᠢᠳ ᠤᠨ | ᠣᠪᠣᠭᠠ᠂ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠣᠪᠣᠭᠠ᠂ ᠬᠡᠭᠡᠨ ᠬᠤᠪᠢᠯᠭᠠᠨ ᠤ ᠣᠪᠣᠭᠠ ᠪᠣᠰᠬᠠᠭᠳᠠᠵᠤ᠂ ᠪᠠᠰᠠ | ᠮᠣᠩᠭᠤᠯᠴᠤᠳ ᠤᠨ ᠳᠣᠲᠣᠷᠠ ᠪᠠᠶᠠᠨ ᠬᠥᠮᠥᠨ ᠪᠤᠶᠤ ᠨᠣᠶᠠᠨ ᠵᠡᠷᠭᠡᠲᠡᠨ ᠨᠠᠷ ᠪᠤᠶᠠᠨ ᠬᠡᠰᠢᠭ ᠢᠶᠠᠨ ᠨᠡᠮᠡᠭᠳᠡᠭᠦᠯᠵᠦ᠂ | ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠭᠤᠯᠬᠤ ᠶᠢᠨ ᠲᠥᠯᠥᠭᠡ ᠡᠷᠦᠬᠡ ᠭᠡᠷ ᠤᠨ ᠢᠶᠠᠨ ᠠᠷᠤ ᠬᠤᠶᠢᠭᠤᠷ ᠥᠨᠳᠥᠷ ᠭᠠᠵᠠᠷ | ᠳᠡᠭᠡᠷᠡ ᠯᠠᠮᠠ ᠬᠤᠸᠠᠷᠠᠭ ᠵᠠᠯᠠᠵᠤ ᠳᠠᠯᠠᠯᠭᠠ ᠪᠦᠲᠦᠭᠡᠬᠦ᠂ ᠰᠠᠩ ᠰᠡᠷᠵᠢᠮ ᠡᠷᠭᠦᠵᠦ᠂ ᠱᠠᠩ ᠳᠠᠷᠤᠵᠤ ᠣᠪᠣᠭᠠ | ᠪᠣᠰᠬᠠᠵᠤ ᠳᠠᠬᠢᠳᠠᠭ ᠪᠣᠯᠵᠠᠢ᠃ ᠢᠩᠭᠢᠭᠡᠳ ᠣᠪᠣᠭᠠ ᠨᠢ ᠮᠣᠩᠭᠤᠯᠴᠤᠳ ᠤᠨ ᠤᠤᠭᠠᠨ ᠰᠢᠲᠦᠭᠡᠨ ᠪᠣᠯᠤᠭᠰᠠᠨ | ᠭᠡᠳᠡᠭ᠃ ᠭᠡᠪᠡᠴᠦ ᠣᠪᠣᠭᠠ ᠶᠢ ᠡᠷᠦᠬᠡ ᠪᠦᠷᠢ ᠬᠥᠮᠥᠨ ᠪᠦᠬᠦᠨ ᠳᠤᠷᠠ ᠪᠠᠷ ᠪᠣᠰᠬᠠᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ | ᠣᠪᠣᠭᠠ ᠳᠠᠬᠢᠯᠭᠠ ᠨᠢ ᠬᠥᠮᠥᠰ ᠤᠨ ᠲᠣᠭᠲᠠᠪᠤᠷᠢᠵᠢᠭᠰᠠᠨ ᠭᠠᠵᠠᠷ ᠤᠰᠤᠨ ᠤ ᠰᠢᠲᠦᠭᠡᠨ ᠳᠠᠬᠢᠯᠭᠠ ᠪᠤᠯᠬᠤ ᠲᠤᠯᠠ | ᠱᠠᠩ ᠳᠠᠷᠤᠵᠤ᠂ ᠪᠦᠲᠦᠭᠡᠭᠦᠯ ᠪᠦᠲᠦᠭᠡᠵᠦ ᠠᠮᠢᠯᠠᠭᠤᠯᠤᠭᠰᠠᠨ ᠬᠤᠶᠢᠨᠠ ᠰᠠᠶ᠋ᠢ ᠳᠠᠬᠢᠳᠠᠭ᠃ | ︽ᠣᠷᠳᠣᠰ ᠰᠣᠶᠣᠯ ᠵᠠᠩ ᠦᠢᠯᠡ︾ ᠭᠡᠬᠦ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ᠃ |