| ᠫᠠᠺᠢᠨᠰᠤᠨ ᠭᠡᠬᠦ ᠪᠠᠷ ᠭᠠᠷ ᠨᠢ ᠴᠡᠴᠡᠷᠡᠬᠦ ᠨᠠᠰᠤᠳᠠᠶᠢᠴᠤᠳ ᠢ ᠪᠤᠳᠤᠵᠤ ᠤᠯᠤᠨᠠ᠃ ᠲᠤᠰ ᠡᠪᠡᠳᠴᠢᠨ ᠪᠤᠯ | ᠨᠢᠭᠡ ᠵᠦᠢᠯ ᠤᠨ ᠪᠠᠶᠢᠩᠭᠤ ᠳᠤᠬᠢᠶᠠᠯᠳᠤᠬᠤ ᠮᠡᠳᠡᠷᠡᠯ ᠳᠤᠷᠦ᠋ᠢᠳᠠᠬᠤ ᠴᠢᠨᠠᠷᠳᠠᠢ ᠡᠪᠡᠳᠴᠢᠨ ᠪᠠᠶᠢᠵᠤ᠂ | ᠶᠡᠬᠡᠩᠬᠢ ᠳᠡᠭᠡᠨ 65 ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠬᠦᠮᠦᠰ ᠨᠡᠷᠪᠡᠭᠳᠡᠵᠤ᠂ ᠡᠷᠡᠭᠳᠠᠶᠢᠴᠤᠳ ᠤᠨ ᠨᠡᠷᠪᠡᠭᠳᠡᠬᠦ | ᠨᠤᠷᠮᠠ ᠨᠢ ᠡᠮᠡᠭᠳᠠᠶᠢᠴᠤᠳ ᠠᠴᠠ ᠦᠨᠳᠦᠷ ᠪᠠᠶᠢᠳᠠᠭ᠃ ᠭᠡᠪᠡᠴᠤ ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠲᠤᠰ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠬᠦ ᠬᠦᠮᠦᠰ ᠨᠢ ᠵᠠᠯᠠᠭᠤᠵᠢᠬᠤ ᠬᠠᠨᠳᠤᠰᠢ ᠢᠯᠡᠷᠡᠵᠦ ᠪᠤᠢ᠃ ᠲᠤᠰ ᠡᠪᠡᠳᠴᠢᠨ ᠨᠢ ᠡᠳᠦᠷ ᠲᠤᠳᠤᠮ ᠤᠨ | ᠠᠮᠢᠳᠤᠷᠠᠯ ᠳᠤ ᠨᠦᠯᠦᠭᠡ ᠪᠤᠯᠬᠤ ᠲᠡᠳᠦᠢ ᠦᠭᠡᠢ ᠰᠡᠳᠭᠢᠴᠡ ᠶᠢ ᠴᠤ ᠨᠦᠯᠦᠭᠡᠯᠡᠳᠡᠭ ᠢ ᠡ᠊ᠨᠳᠡ ᠰᠠᠨᠠᠭᠤᠯᠵᠤ | ᠪᠠᠶᠢᠨᠠ᠃ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠡᠮ ᠤᠨ ᠵᠦᠢᠯᠡᠰ ᠤᠨ ᠬᠢᠨᠠᠯᠳᠠ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠤᠪᠴᠢᠶᠠ ᠶᠢᠨ | ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠵᠢᠴᠢ ᠡᠮᠴᠢ ᠨᠠᠷ ᠠᠴᠠ ᠦᠢᠯᠠᠭᠠᠭᠰᠠᠨ ᠢᠶᠠᠷ᠂ ︽ᠴᠡᠴᠡᠷᠡᠬᠦ᠂ ᠤᠳᠠᠭᠠᠯᠢᠭ᠂ ᠬᠦᠰᠢᠭᠦᠨ᠂ | ᠤᠢᠢᠴᠢᠬᠤ︾ ᠪᠤᠯ ᠫᠠᠺᠢᠨᠰᠤᠨ ᠡᠪᠡᠳᠴᠢᠨ ᠤ ᠨᠡᠶᠢᠳᠡᠯᠢᠭ ᠢᠯᠡᠷᠡᠯ ᠪᠤᠯᠤᠨᠠ᠃ ᠪᠠᠷᠤᠭ 70% ᠶᠢᠨ | ᠡᠪᠡᠳᠴᠢᠳᠠᠨ ᠳᠤ ᠭᠠᠷ ᠨᠢ ᠴᠡᠴᠡᠷᠡᠬᠦ ᠪᠠᠶᠢᠳᠠᠯ ᠢᠯᠡᠷᠡᠵᠦ᠂ ᠨᠠᠮ ᠵᠢᠮ ᠪᠠᠶᠢᠬᠤ ᠳᠤ ᠴᠡᠴᠡᠷᠡᠬᠦ ᠨᠢ ᠢᠯᠡᠭᠦᠦ | ᠮᠡᠳᠡᠭᠳᠡᠨᠠ᠂ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠬᠤ ᠦᠶᠡᠰ ᠴᠡᠴᠡᠷᠡᠬᠦ ᠨᠢ ᠨᠡᠩ ᠢᠯᠡᠭᠦᠦ ᠪᠠᠶᠢᠳᠠᠭ᠃ ᠤᠳᠠᠭᠠᠯᠢᠭ ᠨᠢ | ᠭᠤᠤᠯᠳᠠᠭᠤ ᠬᠦᠳᠡᠯᠭᠡᠭᠡᠨ ᠳᠡᠭᠡᠷᠠ ᠢᠯᠡᠷᠡᠵᠤ᠂ ᠠᠯᠬᠤᠶᠠ ᠭᠡᠬᠦ ᠳᠤ ᠭᠦᠯ ᠢᠶᠠᠨ ᠵᠦᠭᠡᠭᠡᠬᠦ ᠳᠤ ᠬᠦᠴᠢᠷᠳᠡᠬᠦ᠂ | ᠬᠦᠳᠡᠯᠭᠡᠭᠡᠨ ᠨᠢ ᠤᠳᠠᠭᠠᠯᠢᠭ ᠪᠦᠭᠡᠳ ᠬᠦᠳᠡᠯᠦᠯ ᠨᠢ ᠭᠡᠨᠡᠳᠳᠡ ᠵᠤᠭᠰᠤᠬᠤ ᠪᠤᠶᠤ ᠪᠡᠶᠠ ᠡᠷᠬᠢᠵᠦ ᠳᠡᠶᠢᠯᠬᠦ ᠦᠭᠡᠢ | ᠪᠤᠯᠬᠤ︔ ᠨᠢᠭᠤᠷ ᠴᠢᠷᠠᠢ ᠳᠠᠬᠢ ᠰᠡᠳᠭᠢᠯᠭᠡ ᠶᠢᠨ ᠢᠯᠡᠷᠡᠯ ᠨᠢ ᠪᠠᠭᠠᠰᠴᠤ᠂ ᠪᠠᠭ ᠵᠡᠭᠦᠭᠰᠡᠨ ᠮᠡᠳᠦ ᠪᠤᠯᠬᠤ︔ ᠦᠭᠡ | ᠶᠠᠷᠢᠬᠤ᠂ ᠤᠰᠤ ᠤᠤᠭᠤᠬᠤ ᠳᠤ ᠴᠤ ᠰᠠᠭᠠᠳ ᠲᠠᠢ ᠪᠤᠯᠵᠤ᠂ ᠦᠭᠡ ᠨᠢ ᠲᠤᠳᠤᠷᠬᠠᠢ ᠰᠤᠨᠤᠰᠳᠠᠬᠤ ᠦᠭᠡᠢ᠂ | ᠰᠢᠯᠤᠰᠦ ᠭᠤᠭᠤᠵᠢᠬᠤ︔ ᠤᠬᠢᠶᠠᠵᠤ ᠰᠢᠯᠡᠭᠡᠬᠦ᠂ ᠬᠤᠪᠴᠠᠰᠤ ᠡᠮᠦᠰᠭᠦ ᠬᠦᠳᠡᠯᠦᠯ ᠨᠢ ᠤᠳᠠᠭᠠᠯᠢᠭ ᠪᠤᠯᠬᠤ ᠵᠡᠷᠭᠡ | ᠪᠠᠶᠢᠳᠠᠯ ᠲᠠᠢ᠃ ᠬᠦᠰᠢᠭᠦᠨ ᠨᠢ ᠭᠤᠤᠯᠳᠠᠭᠤ ᠬᠦᠯ ᠭᠠᠷ ᠪᠠ ᠪᠡᠶᠠ ᠨᠢ ᠬᠦᠰᠢᠭᠦᠨ ᠪᠤᠯᠬᠤ ᠳᠡᠭᠡᠷᠠ ᠢᠯᠡᠷᠡᠨᠠ᠃ | ᠫᠠᠺᠢᠨᠰᠤᠨ ᠤ ᠡᠬᠢᠨ ᠤ ᠬᠤᠭᠤᠴᠠᠭᠠ ᠳᠠᠬᠢ ᠡᠶᠢᠨ ᠬᠦ ᠢᠯᠡᠷᠡᠯ ᠢ ᠬᠦᠮᠦᠰ ᠠᠮᠠᠷᠬᠠᠨ ᠤᠮᠳᠤᠭᠠᠶᠢᠯᠠᠳᠠᠭ ᠪᠢᠯᠡ᠃ | ᠤᠢᠢᠴᠢᠬᠤ ᠭᠡᠳᠡᠭ ᠨᠢ ᠡᠪᠡᠳᠴᠢᠳᠠᠨ ᠤ ᠪᠡᠶᠠ ᠪᠠᠨ ᠲᠡᠩᠴᠡᠭᠦᠷᠢᠰᠢᠭᠦᠯᠬᠦ ᠴᠢᠳᠠᠪᠤᠷᠢ ᠨᠢ ᠳᠤᠷᠦ᠋ᠢᠳᠠᠵᠤ᠂ ᠠᠮᠠᠷᠬᠠᠨ | ᠤᠢᠢᠴᠢᠬᠤ ᠶᠢ ᠬᠡᠯᠡᠨᠠ᠂ ᠡᠨᠡ ᠨᠢ ᠫᠠᠺᠢᠨᠰᠤᠨ ᠤ ᠳᠤᠮᠳᠠ ᠪᠠ ᠰᠡᠭᠦᠯᠴᠢ ᠶᠢᠨ ᠬᠤᠭᠤᠴᠠᠭᠠ ᠪᠤᠯᠤᠭᠰᠠᠨ ᠢ | ᠬᠠᠷᠠᠭᠤᠯᠤᠨᠠ᠃ | ᠳᠡᠭᠡᠷᠠ ᠳᠤᠷᠠᠳᠤᠭᠰᠠᠨ ᠬᠦᠳᠡᠯᠦᠯ ᠤᠨ ᠴᠢᠨᠠᠷᠳᠠᠢ ᠢᠯᠡᠷᠡᠯ ᠠᠴᠠ ᠭᠠᠳᠠᠨᠠ᠂ ᠫᠠᠺᠢᠨᠰᠤᠨ ᠡᠪᠡᠳᠴᠢᠳᠠᠨ ᠳᠤ | ᠪᠠᠰᠠ ᠦᠨᠦᠷᠯᠡᠬᠦ ᠰᠡᠷᠡᠯ ᠨᠢ ᠮᠠᠭᠤᠳᠠᠬᠤ᠂ ᠤᠨᠳᠠᠵᠤ ᠪᠠᠶᠢᠭᠠᠳ ᠪᠠᠷᠬᠢᠷᠠᠬᠤ ᠪᠤᠶᠤ ᠰᠠᠷᠪᠠᠯᠵᠠᠨ ᠬᠦᠳᠡᠯᠬᠦ᠂ | ᠬᠤᠷᠭᠤᠰᠤᠯᠠᠬᠤ᠂ ᠵᠤᠪᠠᠨᠢᠬᠤ᠂ ᠭᠤᠨᠢᠷᠬᠠᠬᠤ᠂ ᠪᠡᠶᠠ ᠶᠢᠨ ᠪᠠᠶᠢᠷᠢᠰᠢᠯ ᠤᠨ ᠴᠢᠨᠠᠷᠳᠠᠢ ᠴᠢᠰᠦᠨ ᠳᠠᠷᠤᠯᠳᠠ ᠳᠤᠤᠷᠠ | ᠪᠤᠯᠬᠤ ᠵᠡᠷᠭᠡ ᠬᠦᠳᠡᠯᠦᠯ ᠤᠨ ᠪᠤᠰᠤ ᠢᠯᠡᠷᠡᠯ ᠲᠠᠢ᠃ ᠡᠨᠡ ᠨᠢ ᠶᠡᠬᠡᠩᠬᠢ ᠳᠡᠭᠡᠨ ᠡᠪᠡᠳᠴᠢᠨ ᠤ ᠠᠩᠬᠠᠨ ᠤ | ᠬᠤᠭᠤᠴᠠᠭᠠ ᠳᠤ ᠢᠯᠡᠷᠡᠨᠠ᠃ | ᠫᠠᠺᠢᠨᠰᠤᠨ ᠡᠪᠡᠳᠴᠢᠨ ᠢ ᠡᠭᠦᠰᠭᠡᠬᠦ ᠰᠢᠯᠳᠠᠭᠠᠨ ᠢ ᠤᠳᠤᠬᠠᠨ ᠳᠤ ᠬᠠᠷᠠᠬᠠᠨ ᠳᠤᠳᠤᠯᠠᠭᠠ ᠦᠭᠡᠢ᠂ ᠶᠡᠭᠡ | ᠲᠦᠯᠦᠪ ᠤᠳᠤᠮᠯᠠᠯ ᠤᠨ ᠰᠢᠯᠳᠠᠭᠠᠨ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠰᠢᠯᠳᠠᠭᠠᠨ ᠪᠠ ᠨᠠᠰᠤᠨ ᠤ ᠰᠢᠯᠳᠠᠭᠠᠨ ᠯᠤᠭᠠ | ᠬᠤᠯᠪᠤᠭᠠ ᠲᠠᠢ᠃ ᠲᠤᠰ ᠡᠪᠡᠳᠴᠢᠨ ᠢ ᠡᠮᠨᠡᠬᠦ ᠳᠤ ᠡᠪᠡᠳᠴᠢᠳᠡᠨ ᠤ ᠲᠤᠰ ᠪᠡᠶᠠ ᠶᠢᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠨ᠂ | ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠡᠮᠨᠡᠬᠦ ᠲᠦᠰᠦᠪ ᠳᠤᠭᠳᠠᠭᠠᠬᠤ ᠬᠡᠷᠡᠭᠳᠠᠢ᠃ ᠤᠳᠤᠬᠠᠨ ᠳᠤ ᠡᠮ ᠢᠶᠠᠷ ᠵᠠᠰᠠᠬᠤ᠂ ᠹᠢᠽᠢᠺ ᠵᠠᠰᠠᠯ᠂ | ᠮᠡᠰᠡ ᠵᠠᠰᠠᠯ᠂ ᠡᠷᠡᠭᠦᠯᠵᠢᠭᠦᠯᠬᠦ ᠵᠠᠰᠠᠯ ᠵᠡᠷᠭᠡ ᠠᠷᠭᠠ ᠪᠠᠷ ᠡᠮᠨᠡᠵᠦ ᠪᠤᠢ᠃ | ᠫᠠᠺᠢᠨᠰᠤᠨ ᠡᠪᠡᠳᠴᠢᠳᠠᠡ ᠢ ᠤᠳᠤᠬᠠᠨ ᠳᠤ ᠪᠦᠷᠢᠮᠦᠰᠦᠨ ᠡᠳᠡᠭᠡᠷᠡᠭᠦᠯᠵᠦ ᠳᠡᠶᠢᠯᠬᠦ ᠦᠭᠡᠢ ᠲᠤᠯᠠ | ᠢᠳᠡᠪᠬᠢᠳᠠᠢ ᠰᠡᠷᠭᠡᠶᠢᠯᠡᠬᠦ ᠨᠢ ᠮᠠᠰᠢ ᠴᠢᠬᠤᠯᠠ ᠶᠤᠮ᠃ ᠡᠭᠦᠨ ᠳᠤ ᠡᠳᠦᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠳᠠᠭᠠᠨ | ᠬᠤᠤᠷᠳᠤ ᠪᠤᠳᠠᠰ ᠲᠠᠢ ᠦᠢᠷᠠᠳᠬᠤ ᠦᠭᠡᠢ᠂ ᠲᠠᠷᠢᠬᠢ ᠲᠤᠯᠤᠭᠠᠢ ᠪᠠᠨ ᠭᠡᠮᠳᠦᠭᠡᠬᠦ ᠦᠭᠡᠢ᠂ ᠪᠡᠶᠠ ᠪᠠᠨ ᠦᠷᠭᠦᠯᠵᠢ | ᠳᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠡᠷᠡᠭᠦᠯ ᠰᠠᠷᠠᠭᠤᠯ ᠠᠮᠢᠳᠤᠷᠠᠯ ᠤᠨ ᠵᠠᠩ ᠳᠠᠳᠬᠠᠯ ᠲᠠᠢ ᠪᠤᠯᠬᠤ᠂ ᠳᠠᠷᠤᠯᠳᠠ ᠪᠠᠨ | ᠬᠦᠩᠭᠡᠷᠡᠭᠦᠯᠬᠦ ᠵᠡᠷᠭᠡ ᠠᠷᠭᠠ ᠪᠤᠢ᠃ ︵︽ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠭᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ | ᠰᠦᠯᠵᠢᠶᠠ︾ ᠠᠴᠠ ᠰᠢᠯᠵᠢᠬᠦᠯᠪᠡ︶ |