| ● ᠰᠤᠷᠪᠤᠯᠵᠢᠯᠠᠬᠴᠢ ᠡᠤ ᠰᠡᠷᠬᠦᠯᠡᠩ | ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠦᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠬᠳᠤ ᠨᠡᠶᠢᠬᠡᠮ ᠲᠤᠭᠤᠷᠢᠭ ᠤᠨ ᠬᠦᠳᠡᠯᠬᠡᠬᠡᠨ ᠤ | ᠦᠷᠦᠬᠡᠨ ᠳᠤ᠂ ᠡᠳᠦᠷ ᠪᠦᠷᠢ ᠶᠢᠨ ᠦᠳᠡ ᠶᠢᠨ ᠡᠮᠦᠨᠡ᠂ ᠭᠤᠴᠢᠭᠠᠳ ᠨᠠᠰᠦᠳᠠᠨ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ | ᠬᠦᠭᠵᠢᠮᠳᠡᠨ᠂ ᠲᠠᠭᠤᠤ ᠲᠠᠭᠤᠯᠠᠵᠠᠭᠠᠵᠦ᠂ ᠪᠦᠵᠢᠭ ᠪᠦᠵᠢᠭᠯᠡᠨ ᠬᠦᠷ ᠨᠠᠶᠢᠷ ᠢᠶᠠᠷ ᠪᠢᠯᠬᠠᠵᠦ ᠪᠠᠶᠢᠳᠠᠭ᠃ ᠡᠳᠡᠭᠡᠷ | ᠬᠦᠮᠦᠰ ᠤᠨ ᠲᠤᠮᠳᠠ᠂ ᠠᠳᠤᠷᠢᠭᠤᠯᠤᠬᠰᠠᠨ ᠬᠡᠵᠢᠬᠡ ᠲᠠᠢ᠂ ᠲᠤᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠨᠢᠳᠦᠨ ᠰᠢᠯ ᠵᠡᠬᠦᠭᠰᠡᠨ | ᠡᠯᠢᠬᠡᠰᠡᠭ ᠲᠤᠳᠤᠨᠤᠰᠤᠭ ᠨᠢᠬᠡᠨ ᠨᠠᠰᠦᠳᠠᠨ ᠪᠠᠶᠢᠳᠠᠭ᠃ ᠨᠠᠰᠦᠳᠠᠨ ᠤ ᠨᠡᠷᠡ ᠶᠢ ᠪᠤᠤ ᠶᠢᠨ ᠢᠤᠢ ᠬᠡᠳᠡᠭ᠃ ᠲᠡᠷᠡ | ᠡᠪᠦᠬᠡᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠠᠳ᠂ ᠡᠳᠦᠷ ᠪᠦᠷᠢ ᠡ᠊ᠨᠳᠡ ᠢᠷᠡᠵᠦ᠂ ᠤᠯᠠᠨ ᠲᠠᠢ | ᠬᠠᠮᠳᠤ ᠨᠠᠶᠢᠷᠠᠯᠳᠤᠨ᠂ ᠦᠳᠡᠯᠦᠬᠡ ᠨᠠᠰᠦ ᠪᠠᠨ ᠪᠠᠶᠠᠷ ᠬᠦᠷ ᠵᠤᠯ ᠵᠢᠷᠭᠠᠯ ᠲᠠᠢ ᠦᠡᠭᠭᠡᠷᠡᠬᠦᠯᠵᠦ ᠶᠠᠪᠤᠨᠡ᠃ | ᠪᠤᠤ ᠶᠢᠨ ᠢᠤᠢ ᠨᠠᠰᠦᠳᠠᠨ ᠪᠤᠯ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠦᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠬᠦᠢᠯᠡᠷ | ᠪᠠᠯᠭᠠᠰᠦ ᠶᠢᠨ ᠮᠠᠨᠳᠤᠬᠤ ᠭᠠᠴᠠᠭᠠ ᠪᠠᠷ ᠨᠤᠳᠤᠬᠳᠠᠢ᠃ ᠲᠡᠷᠡ ᠮᠠᠨᠳᠤᠬᠤ ᠭᠠᠴᠠᠭᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ 28 | ᠵᠢᠯ ᠪᠠᠭᠰᠢᠯᠠᠵᠦ᠂ 2005 ᠤᠨ ᠳᠤ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠬᠰᠠᠨ ᠤ ᠲᠠᠷᠠᠭᠠ᠂ ᠡᠪᠦᠬᠡᠨ ᠲᠠᠢ ᠪᠠᠨ ᠬᠠᠮᠳᠤ | ᠬᠡᠷᠬᠢᠨ ᠦᠳᠡᠯᠦᠬᠡ ᠨᠠᠰᠦ ᠪᠠᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠦᠡᠭᠭᠡᠷᠡᠬᠦᠯᠬᠦ ᠪᠢᠯᠡ ᠬᠡᠵᠦ ᠪᠤᠳᠤᠵᠦ᠂ ᠰᠡᠬᠦᠯᠡᠷ ᠨᠢ ᠪᠡᠶᠠ | ᠮᠠᠬᠠᠪᠦᠳ ᠢᠶᠠᠨ ᠪᠤᠯᠪᠠᠰᠦᠷᠠᠭᠤᠯᠬᠤ ᠶᠢᠨ ᠲᠠᠭᠠᠤ ᠰᠡᠳᠬᠢᠯ ᠢᠶᠠᠨ ᠪᠠᠶᠠᠰᠬᠠᠬᠤ ᠬᠡᠳ 2007 ᠠᠴᠠ ᠡᠬᠢᠯᠡᠨ᠂ | ᠡᠬᠦᠳᠡᠨ ᠪᠦᠮᠪᠦᠭᠡ ᠨᠠᠭᠠᠳᠤᠬᠰᠠᠨ ᠪᠦᠭᠡᠳ ᠲᠢᠶᠠᠨᠵᠢᠨ ᠬᠤᠳᠠ᠂ ᠾᠧᠪᠸᠢ ᠮᠤᠵᠢ᠂ ᠬᠠᠷᠠᠮᠦ᠋ᠷᠡᠨ ᠮᠤᠵᠢ ᠬᠦᠷᠳᠡᠯᠡ | ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠦ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠵᠠᠢ᠃ ᠲᠡᠷᠡ ᠬᠤᠶᠠᠭᠤᠯᠠ ᠡᠬᠦᠳᠡᠨ ᠪᠦᠮᠪᠦᠭᠡ ᠠᠷᠪᠠᠭᠠᠳ ᠵᠢᠯ | ᠨᠠᠭᠠᠳᠤᠭᠠᠳ ᠲᠠᠬᠢᠨ ᠨᠢᠳᠦᠨ ᠬᠠᠷᠠᠭᠠ ᠪᠠᠨ ᠰᠠᠶᠢᠵᠢᠷᠠᠭᠤᠯᠤᠶᠠ ᠬᠡᠳ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠤ ᠴᠠᠭᠠᠰᠤᠨ ᠰᠢᠪᠠᠭᠤ | ᠨᠠᠭᠠᠳᠦᠵᠦ ᠡᠬᠢᠯᠡᠪᠡ᠃ 2017 ᠤᠨ ᠤ 7 ᠰᠠᠷᠠ ᠳᠤ᠂ ᠲᠠᠭᠤᠤ ᠲᠠᠭᠤᠯᠠᠵᠦ᠂ ᠪᠦᠵᠢᠭ ᠪᠦᠵᠢᠭᠯᠡᠨ᠂ ᠤᠯᠠᠨ | ᠨᠠᠶᠢᠵᠠ ᠨᠦᠬᠦᠳ ᠲᠠᠢ ᠲᠠᠨᠢᠯᠴᠠᠶᠠ ᠬᠡᠳ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠦᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠲᠦᠷᠪᠡᠨ | ᠤᠳᠠᠰᠤᠳᠤ ᠬᠤᠭᠤᠷ ᠤᠨ ᠨᠡᠶᠢᠬᠡᠮᠯᠢᠭ ᠤᠨ ᠵᠠᠰᠠᠬᠳᠤ ᠬᠤᠪᠢᠶᠠᠷᠢ ᠨᠡᠶᠢᠬᠡᠮᠯᠢᠭ ᠲᠤ ᠭᠤᠶᠤᠴᠢᠯᠠᠨ ᠨᠡᠷᠡ ᠮᠡᠳᠡᠬᠦᠯᠵᠦ᠂ | ᠨᠡᠶᠢᠬᠡᠮᠯᠢᠭ ᠤᠨ ᠭᠤᠴᠢᠭᠠᠳ ᠬᠡᠰᠢᠬᠦᠨ ᠲᠠᠢ ᠪᠠᠨ ᠬᠠᠮᠳᠤ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠬᠦᠭᠵᠢᠮᠳᠡᠨ᠂ ᠲᠠᠭᠤᠤ | ᠲᠠᠭᠤᠯᠠᠵᠦ᠂ ᠬᠤᠯᠪᠤᠭᠠ ᠬᠡᠯᠡᠵᠦ ᠡᠳᠦᠷ ᠪᠦᠷᠢ ᠶᠢ ᠪᠠᠶᠠᠷ ᠪᠠᠶᠠᠰᠦᠯᠳᠡᠢ ᠦᠡᠭᠭᠡᠷᠡᠬᠦᠯᠬᠦ ᠪᠤᠯᠪᠠ᠃ | ᠪᠤᠤ ᠶᠢᠨ ᠢᠤᠢ ᠨᠠᠰᠦᠳᠠᠨ ᠡᠨᠡ ᠵᠢᠯ ᠲᠠᠯᠠᠨ ᠵᠢᠷᠭᠤᠭᠠᠳᠠᠢ᠂ ᠡᠪᠦᠬᠡᠨ ᠨᠢ ᠲᠠᠯᠠ ᠵᠢᠰᠦᠳᠡᠢ ᠪᠤᠯᠪᠠᠴᠦ | ᠬᠤᠶᠠᠭᠤᠯᠠ ᠪᠠᠨ ᠵᠠᠯᠠᠭᠤ ᠬᠦᠮᠦᠨ ᠠᠳᠠᠯᠢ ᠴᠤᠭ ᠵᠢᠪᠬᠤᠭᠠ ᠲᠠᠢ ᠬᠠᠷᠠᠭᠳᠠᠵᠦ ᠪᠠᠶᠢᠯᠠ᠃ ᠤᠶᠢᠷᠠ ᠶᠢᠨ ᠬᠡᠳᠦᠨ | ᠵᠢᠯ᠂ ᠲᠡᠳᠡ ᠬᠤᠶᠠᠭᠤᠯᠠ ᠪᠠᠨ ᠡᠳᠦᠷ ᠪᠦᠷᠢ ᠶᠢᠨ ᠦᠳᠡ ᠶᠢᠨ ᠡᠮᠦᠨᠡ ᠵᠠᠰᠠᠬᠳᠤ ᠨᠡᠶᠢᠬᠡᠮ ᠲᠤᠭᠤᠷᠢᠭ ᠤᠨ | ᠬᠦᠳᠡᠯᠬᠡᠬᠡᠨ ᠤ ᠦᠷᠦᠬᠡᠨ ᠳᠤ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠤᠨ ᠨᠡᠶᠢᠬᠡᠮᠯᠢᠭ ᠤᠨ ᠬᠡᠰᠢᠬᠦᠳ ᠲᠠᠢ ᠬᠠᠮᠳᠤ | ᠬᠤᠭᠤᠷ ᠲᠠᠳᠠᠵᠦ᠂ ᠬᠤᠯᠪᠤᠭᠠ ᠬᠡᠯᠡᠵᠦ ᠰᠡᠳᠬᠢᠯ ᠢᠶᠠᠨ ᠪᠠᠶᠠᠰᠬᠠᠵᠦ ᠪᠠᠶᠢᠳᠠᠭ᠃ | ᠪᠤᠤ ᠶᠢᠨ ᠢᠤᠢ᠄ ︽ᠬᠦᠮᠦᠨ ᠴᠢᠨᠢ ᠦᠳᠡᠯᠵᠡᠢ ᠬᠡᠳ ᠬᠤᠶᠢᠰᠢ ᠤᠬᠤᠷᠢᠵᠦ ᠪᠤᠯᠬᠤ ᠦᠬᠡᠢ᠃ ᠨᠡᠩ ᠴᠤ | ᠡᠳᠦᠷᠵᠢᠨ ᠬᠡᠷ ᠲᠡᠭᠡᠨ ᠰᠠᠭᠤᠵᠦ ᠪᠤᠯᠬᠤ ᠦᠬᠡᠢ᠃ ᠭᠠᠳᠠᠨᠠ ᠭᠠᠷᠴᠦ ᠪᠡᠶᠡ ᠮᠠᠬᠠᠪᠦᠳ ᠢᠶᠠᠨ ᠪᠤᠯᠪᠠᠰᠦᠷᠠᠭᠤᠯᠤᠨ᠂ | ᠪᠤᠰᠤᠳ ᠲᠠᠢ ᠢᠯᠡᠬᠦᠦ ᠬᠠᠷᠢᠯᠴᠠᠪᠠᠯ᠂ ᠰᠡᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠷᠠᠨ᠂ ᠶᠠᠪᠤᠵᠦ ᠰᠠᠭᠤᠬᠤ ᠳᠤ ᠴᠤ ᠬᠦᠡᠭᠭᠡᠨ | ᠪᠤᠯᠴᠢᠬᠠᠨᠠ︕︾ ᠬᠡᠵᠦ ᠶᠠᠷᠢᠵᠦ ᠪᠠᠶᠢᠪᠠ᠃ | 2018 ᠤᠨ ᠳᠤ᠂ ᠪᠤᠤ ᠶᠢᠨ ᠢᠤᠢ ᠨᠠᠰᠦᠳᠠᠨ ᠡᠪᠦᠬᠡᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ︽ᠵᠠᠰᠠᠬᠳᠤ ᠶᠢᠨ | ᠮᠠᠬᠳᠠᠭᠠᠯ︾ ᠬᠡᠬᠦ ᠠᠷᠪᠠᠨ ᠨᠠᠢᠮᠠᠨ ᠪᠠᠳᠠᠭ ᠬᠤᠯᠪᠤᠭᠠ ᠶᠢᠨ ᠦᠬᠡ ᠶᠢᠨ ᠬᠦᠨ ᠤᠳᠬᠠ ᠶᠢ ᠪᠢᠰᠢᠷᠡᠨ ᠪᠠᠭ᠋ᠠᠷᠬᠠᠵᠦ᠂ | ᠵᠠᠪᠠᠯ ᠡᠨᠡ ᠬᠤᠯᠪᠤᠭᠠ ᠶᠢ ᠴᠡᠭᠡᠵᠢᠯᠡᠵᠦ᠂ ᠬᠤᠶᠠᠭᠤᠯᠠ ᠰᠠᠶᠢᠬᠠᠨ ᠬᠡᠯᠡᠶᠡ ᠬᠡᠳ ᠵᠤᠷᠢᠭ ᠰᠢᠭᠤᠳᠴᠠᠢ᠃ ᠨᠠᠶᠠ ᠶᠢᠨ | ᠲᠠᠪᠠᠭᠠ ᠶᠢ ᠲᠦᠬᠦᠵᠦ ᠶᠠᠪᠤᠭᠠ ᠪᠤᠤ ᠶᠢᠨ ᠢᠤᠢ ᠨᠠᠰᠦᠳᠠᠨ ᠳᠤ ᠠᠪᠴᠦ ᠬᠡᠯᠡᠪᠡᠯ ᠠᠷᠪᠠᠨ ᠨᠠᠢᠮᠠᠨ ᠪᠠᠳᠠᠭ | ᠬᠤᠯᠪᠤᠭᠠ ᠶᠢᠨ ᠦᠬᠡ ᠶᠢ ᠴᠡᠭᠡᠵᠢᠯᠡᠨᠡ ᠬᠡᠳᠡᠭ ᠴᠢᠨᠢ ᠲᠡᠶᠢᠮᠦ ᠬᠢᠯᠪᠠᠷ ᠠᠵᠤ ᠪᠢᠰᠢ ᠪᠠᠶᠢᠯᠠ᠃ ᠲᠡᠷᠡ | ᠡᠪᠦᠬᠡᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠡᠳᠦᠷ ᠪᠦᠷᠢ ᠲᠤᠰᠬᠠᠢ ᠴᠠᠭ ᠭᠠᠷᠭᠠᠨ ᠬᠤᠯᠪᠤᠭᠠ ᠴᠡᠭᠡᠵᠢᠯᠡᠨᠡ᠂ ᠬᠡᠷ | ᠵᠠᠭᠤᠷᠠ ᠶᠢᠨ ᠠᠵᠢᠯ ᠬᠢᠬᠦ ᠦᠶᠡᠰ ᠳᠠᠬᠢᠨ ᠴᠡᠭᠡᠵᠢᠯᠡᠨᠡ᠂ ᠭᠠᠳᠠᠨᠠ ᠰᠡᠯᠡᠬᠦᠦ ᠠᠯᠬᠤᠬᠤ ᠦᠶᠡᠰ ᠴᠡᠭᠡᠵᠢᠯᠡᠨᠡ᠃ | ᠢᠡᠭᠬᠢᠵᠦ ᠬᠤᠶᠠᠭᠤᠯᠠ ᠬᠤᠶᠠᠷ ᠵᠢᠯ ᠤᠨ ᠴᠠᠭ ᠵᠠᠷᠦᠴᠠᠭᠤᠯᠤᠨ ︽ᠵᠠᠰᠠᠬᠳᠤ ᠶᠢᠨ ᠮᠠᠬᠳᠠᠭᠠᠯ︾ ᠬᠡᠬᠦ ᠬᠤᠯᠪᠤᠭᠠ ᠶᠢ | ᠤᠷᠤᠰᠤᠮᠠ ᠰᠠᠶᠢᠬᠠᠨ ᠴᠡᠭᠡᠵᠢᠯᠡᠵᠦ᠂ ᠰᠢᠩ ᠺᠧ ᠨᠡᠶᠢᠬᠡᠮ ᠲᠤᠭᠤᠷᠢᠭ ᠤᠨ ᠲᠤᠰᠬᠠᠢ ᠤᠷᠠᠨ ᠰᠠᠶᠢᠬᠠᠨ ᠤ | ᠲᠤᠬᠯᠠᠯᠳᠠ ᠳᠤ ᠲᠤᠰ ᠬᠤᠯᠪᠤᠭᠠ ᠪᠠᠨ ᠬᠡᠯᠡᠵᠦ᠂ ᠦᠵᠡᠭᠴᠢ ᠤᠯᠠᠨ ᠢᠶᠠᠨ ᠪᠠᠶᠠᠰᠬᠠᠵᠠᠢ᠃ |