| ︽ᠠᠯᠲᠠᠨ ᠳᠡᠯᠡᠬᠡᠢ ᠳᠤ ᠲᠦᠷᠦᠭᠰᠡᠨ ᠮᠢᠨᠢ ᠤᠴᠢᠷᠲᠠᠢ ᠠᠪᠤ ᠶᠢᠨ ᠭᠡᠷ ᠤᠨ ᠠᠮᠤᠷ ᠲᠠᠶᠢᠪᠤᠩ ᠢ ᠡᠪᠳᠡᠭᠡᠳ | ᠪᠢ ᠠᠴᠢᠲᠦ ᠡᠬᠡ ᠪᠠᠨ ᠠᠷᠪᠠᠨ ᠰᠠᠷᠠ ᠵᠤᠪᠠᠭᠠᠭᠰᠠᠨ ᠤ ᠡᠴᠦᠰ ᠲᠤ ᠠᠯᠠᠭ ᠦᠷᠡ ᠨᠢ ᠪᠤᠯᠵᠤ ᠪᠠᠶᠠᠷᠯᠠᠭᠤᠯᠬᠤ | ᠭᠡᠰᠡᠨ ᠶᠤᠮ ᠪᠢ︾ ᠭᠡᠵᠤ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠰᠠᠶᠢᠨ ᠢᠶᠠᠷ ᠠᠯᠠᠭ ᠳᠡᠯᠡᠬᠡᠢ ᠳᠤ ᠠᠩᠬᠠ ᠨᠢᠯᠬᠠ ᠶᠢᠨ | ᠳᠠᠭᠤᠨ ᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠠᠴᠠ ᠠᠪᠤᠭᠠᠳ ᠤᠯᠠᠨ ᠵᠦᠢᠯ ᠤᠨ ᠬᠠᠶᠢᠷᠠ ᠳᠤ ᠪᠦᠪᠠᠶᠢᠯᠡᠭᠳᠡᠨ ᠬᠤᠷᠸᠠ ᠶᠢᠨ | ᠡᠨᠡᠦᠬᠡᠨ ᠵᠠᠢ ᠳᠤ ᠡᠰᠡᠨᠢᠨ ᠪᠤᠶᠢᠵᠢᠵᠤ ᠪᠤᠢ᠃ ᠡᠴᠢᠭᠡ ᠡᠬᠡ ᠶᠢᠨ ᠬᠠᠶᠢᠷᠠ᠂ ᠪᠠᠭᠰᠢ ᠨᠦᠬᠦᠳ ᠤᠨ ᠬᠠᠶᠢᠷᠠ ᠁ | ᠨᠠᠳᠠ ᠳᠤ ᠡᠴᠢᠨᠡᠨ ᠤᠯᠠᠨ ᠬᠠᠶᠢᠷᠠ ᠬᠦᠷᠲᠡᠭᠡᠭᠰᠡᠨ ᠤ ᠬᠠᠷᠢᠭᠤ ᠳᠤ ᠠᠯᠢ ᠨᠢ ᠴᠤ ᠦᠴᠦᠬᠡᠨ ᠵᠢᠷᠦᠬᠡᠨ ᠳᠤ | ᠬᠠᠳᠠᠩᠰᠢᠬᠤ ᠴᠢᠬᠤᠯᠠᠲᠠᠢ᠃ ᠠᠯᠢᠪᠠ ᠶᠢ ᠤᠯᠭᠤᠭᠰᠠᠨ ᠠᠭᠤᠤ ᠡᠬᠡ ᠶᠢᠨ ᠬᠠᠶᠢᠷᠠ ᠮᠠᠨᠢ ᠠᠮᠢ ᠨᠠᠰᠤᠨ ᠤ ᠮᠢᠨᠢ | ᠠᠯᠲᠠᠨ ᠠᠶᠠᠯᠭᠤ ᠪᠤᠯᠬᠤ ᠶᠤᠰᠤᠲᠠᠢ᠃ ︽ᠡᠵᠢ ᠮᠢᠨᠢ ᠨᠠᠮᠠᠢᠢ ᠲᠦᠷᠦᠬᠦ ᠳᠤ ᠪᠠᠨ ᠬᠠᠨᠠ ᠶᠢᠨ ᠦᠳᠡᠭᠡᠷᠢ ᠶᠢ ᠲᠠᠰᠤ | ᠦᠰᠦᠷᠲᠡᠯᠡ ᠪᠠᠵᠠᠵᠤ᠂ ᠡᠷᠡᠳᠡᠭᠦᠨ ᠰᠢᠷᠭᠠᠯ ᠴᠤᠬᠢᠶᠠ ᠶᠢ ᠡᠩᠭᠡᠷ ᠠᠴᠠ ᠨᠢ ᠮᠡᠭᠰᠢᠲᠡᠯᠡ ᠶᠤᠤᠯᠠᠭᠰᠠᠨ︾ ᠭᠡᠳᠡᠭ᠃ | ᠭᠠᠯᠪᠠ ᠳᠡᠯᠡᠬᠡᠢ ᠶᠢᠨ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠤ ᠡᠬᠢ ᠪᠤᠯᠤᠭᠰᠠᠨ᠂ ᠠᠷᠢᠭᠤᠨ ᠴᠠᠭᠠᠨ ᠬᠠᠶᠢᠷᠠ ᠶᠢᠨ ᠦᠨᠡᠨ | ᠪᠦᠷᠢᠯᠸᠠ ᠪᠤᠯᠤᠭᠰᠠᠨ ᠡᠵᠢ ᠳᠤ ᠪᠠᠨ ᠪᠢ ᠦᠨᠢᠳᠡ ᠲᠠᠯᠠᠷᠬᠠᠬᠤ ᠶᠤᠰᠤᠲᠠᠢ᠃ ᠮᠤᠳᠤᠨ ᠦᠯᠦᠭᠡᠢ ᠳᠤ ᠪᠠᠨ ᠤᠬᠢᠯᠠᠨ | ᠰᠡᠷᠡᠬᠦ ᠳᠤ ᠮᠤᠷᠢ ᠶᠢ ᠤᠶᠠᠷᠠᠲᠠᠯᠠ ᠵᠦᠭᠡᠯᠡᠨ ᠪᠦᠪᠠᠶᠢᠯᠡᠭᠰᠡᠨ ᠡᠵᠢ᠂ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠦᠢᠲᠡᠨ ᠳᠤ ᠪᠠᠨ | ᠦᠵᠡᠵᠤ ᠠᠩᠬᠠᠷᠤᠭᠰᠠᠨ ᠡᠵᠢ ᠮᠢᠨᠢ᠂ ᠪᠤᠭᠴᠤ ᠪᠠᠨ ᠡᠭᠦᠷᠦᠭᠡᠳ ᠠᠯᠤᠰ ᠲᠤ ᠶᠠᠪᠤᠬᠤ ᠳᠤ ᠪᠤᠷᠪᠢ ᠪᠠᠨ ᠴᠢᠯᠡᠲᠡᠯᠡ | ᠪᠠᠷᠠᠯᠠᠵᠤ ᠬᠤᠴᠤᠷᠤᠭᠰᠠᠨ ᠡᠵᠢ᠂ ᠠᠳᠬᠤ ᠰᠢᠬᠢᠷ ᠬᠡᠳᠦᠬᠡᠨ ᠪᠤᠷᠠᠮ ᠢᠶᠠᠨ ᠤᠯᠴᠢᠬᠠᠭᠠᠳ ᠦᠷᠡ ᠪᠠᠨ ᠬᠦᠯᠢᠶᠡᠳᠡᠭ | ᠡᠵᠢ ᠁ ᠡᠨᠡ ᠪᠦᠬᠦᠨ ᠢ ᠪᠤᠳᠤᠬᠤ ᠲᠠᠢ ᠵᠡᠷᠭᠡ ᠡᠯᠢᠭᠡ ᠵᠢᠷᠦᠬᠡ ᠳᠤᠭᠳᠤᠯᠵᠤ᠂ ᠪᠠᠶᠠᠷᠯᠠᠵᠤ ᠲᠠᠯᠠᠷᠬᠠᠭᠰᠠᠨ | ᠨᠢᠯᠪᠤᠰᠤᠨ ᠳᠤᠰᠤᠯ ᠬᠠᠮᠠᠷ ᠢ ᠬᠠᠪᠴᠢᠨ ᠤᠷᠤᠰᠤᠨᠠ ᠁ ︽ᠪᠤᠲᠤᠩ ᠲᠠᠢ ᠶᠦ ᠪᠤᠭᠤᠷᠤᠯ ᠬᠤᠷᠸᠠ ᠳᠤ ᠪᠠᠨ | ᠪᠦᠪᠠᠶᠢᠯᠡᠵᠤ ᠦᠰᠭᠡᠭᠰᠡᠨ ᠡᠵᠢ ᠮᠢᠨᠢ ᠳ᠋ᠠ ᠪᠤᠷᠤᠭᠤ ᠶᠦ ᠵᠦᠪ ᠬᠤᠶᠠᠷ ᠢ ᠤᠬᠠᠭᠠᠷᠠᠭᠤᠯᠵᠤ ᠦᠰᠭᠡᠭᠰᠡᠨ ᠡᠵᠢ ᠮᠢᠨᠢ | ᠳ᠋ᠠ︾ ᠭᠡᠬᠦ ᠳᠠᠭᠤᠤ ᠶᠢ ᠰᠤᠨᠤᠰᠬᠤ ᠪᠦᠷᠢ ᠪᠤᠭᠤᠷᠤᠯ ᠡᠵᠢ ᠪᠠᠨ ᠰᠠᠨᠠᠭᠠᠯᠵᠠᠳᠠᠭ᠃ ᠠᠶᠢᠯ ᠭᠡᠷ ᠢᠶᠠᠨ ᠦᠭᠡᠳᠡ | ᠲᠠᠲᠠᠬᠤ ᠭᠡᠵᠤ ᠠᠮᠢᠳᠤᠷᠠᠯ ᠤᠨ ᠬᠦᠨᠳᠦ ᠠᠴᠢᠶᠠ ᠶᠢ ᠠᠷᠤ ᠨᠢᠷᠤᠭᠤᠨ ᠳᠤ ᠪᠠᠨ ᠪᠦᠭᠲᠦ᠋ᠢᠲᠡᠯᠡ ᠡᠭᠦᠷᠦᠭᠰᠡᠨ ᠬᠦᠮᠦᠨ | ᠪᠤᠯ ᠡᠵᠢ᠃ ᠠᠰᠬᠠᠨ ᠨᠢᠷᠤᠭᠤ ᠪᠠᠨ ᠬᠦᠰᠢᠲᠡᠯᠡ ᠠᠷᠪᠠᠨ ᠬᠤᠷᠤᠭᠤ ᠪᠠᠨ ᠡᠪᠡᠷᠰᠢᠲᠡᠯᠡ ᠶᠠᠪᠤᠭᠰᠠᠨ ᠬᠦᠮᠦᠨ ᠪᠤᠯ | ᠡᠵᠢ᠃ ᠮᠠᠶᠢᠵᠢᠬᠢ ᠭᠤᠷᠪᠠᠨ ᠲᠠᠰᠤᠯᠭᠠ ᠸᠠᠭᠠᠷ ᠤᠨ ᠭᠡᠷ ᠲᠠᠢ᠂ ᠨᠢᠳᠤᠨ ᠤ ᠬᠢᠨᠢ ᠪᠤᠯᠤᠷ᠂ ᠵᠢᠷᠦᠬᠡᠨ ᠤ ᠬᠢᠨᠢ | ᠰᠤᠯᠢᠷ ᠪᠤᠯᠤᠭᠰᠠᠨ ᠦᠷᠡ ᠶᠢᠨ ᠭᠠᠭᠴᠠ ᠬᠦᠦ ᠲᠠᠢ᠂ ᠬᠦᠮᠦᠨ ᠤ ᠳᠤᠮᠳᠠ ᠬᠦᠷᠦᠩᠭᠡ ᠴᠤᠭᠯᠠᠭᠤᠯᠬᠤ ᠶᠢ | ᠬᠦᠰᠡᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠲᠦᠢᠳᠭᠡᠷ ᠦᠷᠡ ᠲᠠᠢ ᠪᠠᠨ ᠪᠠᠶᠠᠰᠴᠤ ᠶᠠᠪᠤᠭᠰᠠᠨ ᠬᠦᠮᠦᠨ ᠪᠤᠯ ᠮᠢᠨᠦ ᠡᠵᠢ᠃ ᠬᠠᠨ | ᠠᠭᠤᠯᠠ ᠶᠢ ᠴᠠᠰᠤ ᠳᠠᠷᠤᠵᠤ᠂ ᠬᠠᠶᠢᠷᠠᠨ ᠡᠵᠢ ᠶᠢ ᠨᠠᠰᠤ ᠳᠠᠷᠤᠵᠤ ᠰᠢᠤ︕ ᠭᠠᠭᠴᠠ ᠦᠷᠡ ᠶᠢᠨ ᠢᠶᠠᠨ ᠲᠦᠯᠦᠭᠡ | ᠭᠠᠯ ᠵᠠᠯᠠᠭᠤ ᠨᠠᠰᠤ᠂ ᠭᠠᠩᠭᠠᠩ ᠰᠠᠶᠢᠬᠠᠨ ᠪᠡᠶᠡ ᠪᠠᠷ ᠢᠶᠠᠨ ᠵᠢᠳᠭᠦᠭᠰᠡᠭᠡᠷ ᠢᠷᠡᠭᠰᠡᠨ ᠰᠢᠤ︕ ᠡᠵᠢ ᠮᠢᠨᠢ᠂ | ᠠᠮᠢᠳᠤᠷᠠᠯ ᠤᠨ ᠠᠶᠠᠨ ᠳᠤ ᠮᠦᠩᠬᠡ ᠶᠢᠨ ᠨᠠᠷᠠ ᠪᠤᠯᠵᠤ ᠭᠡᠷᠡᠯᠲᠦᠭᠰᠡᠨ᠃ ︽ᠠᠪᠤ ᠶᠢᠨ ᠭᠡᠷ ᠲᠤ ᠲᠦᠷᠦᠭᠰᠡᠨ ᠬᠦᠦ | ᠠᠪᠤ ᠶᠢᠨ ᠭᠡᠷ ᠲᠤ ᠦᠲᠡᠯᠳᠡᠭ ᠦᠭᠡᠢ︾ ᠭᠡᠵᠤ ᠤᠬᠠᠭᠠ ᠤᠷᠤᠮᠠᠭᠴᠠ ᠠᠷᠤ ᠭᠡᠷ ᠠᠴᠠ ᠪᠠᠨ ᠰᠠᠯᠵᠤ ᠪᠢᠴᠢᠭ | ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠬᠦ ᠪᠤᠯᠤᠯᠠ᠃ ︽ᠲᠦᠭ ᠲᠦᠮᠡᠨ ᠬᠦᠮᠦᠨ ᠤ ᠲᠡᠭ ᠳᠤᠮᠳᠠᠭᠤᠷ ᠨᠢ ᠪᠢᠰᠢ | ᠲᠡᠷᠢᠭᠦᠨ ᠳᠤ ᠨᠢ ᠴᠡᠭᠡᠵᠢ ᠲᠦᠷᠢᠨ ᠶᠠᠪᠤ ᠡ᠂ ᠮᠢᠨᠦ ᠬᠦᠦ᠂ ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠤᠭᠠᠷᠠᠢ᠂ ᠬᠡᠭᠡᠷᠡ ᠶᠢᠨ | ᠭᠠᠯᠠᠭᠤ ᠨᠢᠰᠦᠭᠡᠳ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠠᠴᠠ ᠬᠦᠮᠦᠨ ᠤ ᠬᠦᠦ ᠡᠷᠳᠡᠨᠢ ᠡᠪᠦᠷᠯᠡᠵᠤ ᠢᠷᠡᠨᠡ ᠰᠢᠤ᠂ ᠮᠢᠨᠦ ᠬᠦᠦ | ᠴᠢᠷᠮᠠᠶᠢᠭᠠᠷᠠᠢ︕︾ ᠭᠡᠵᠤ ᠵᠠᠬᠠ ᠶᠢᠨ ᠬᠦᠬᠡ ᠮᠦᠴᠢᠷ ᠢ ᠨᠠᠮᠠᠰᠬᠢᠲᠡᠯᠡ ᠡᠨᠡᠷᠢᠯᠲᠦ ᠡᠵᠢ ᠮᠢᠨᠢ ᠵᠠᠬᠢᠭᠰᠠᠨ᠃ | ᠭᠡᠲᠡᠯᠡ᠂ ᠡᠷᠢᠶᠡᠨ ᠪᠠᠷᠠᠭᠠᠨ ᠬᠤᠷᠸᠠ ᠶᠢᠨ ᠡᠯᠡ ᠪᠤᠯᠭᠠᠨ ᠦᠭᠶᠦᠭᠡᠲᠦᠯ ᠢ ᠬᠦᠦ ᠴᠢᠨᠢ ᠲᠡᠰᠴᠤ ᠴᠢᠳᠠᠭᠰᠠᠨ ᠦᠭᠡᠢ | ᠲᠠᠨ ᠢ ᠪᠠᠨ ᠵᠤᠪᠠᠭᠠᠯᠠ᠃ ᠦᠳᠡᠰᠢ ᠶᠢᠨ ᠴᠡᠩᠭᠡᠬᠦᠨ ᠤ ᠭᠠᠵᠠᠷ ᠦᠶᠡ ᠶᠢᠨ ᠬᠤᠩᠭᠤᠷ ᠲᠠᠢ ᠪᠠᠨ ᠨᠠᠭᠠᠯᠢᠩᠬᠠᠶᠢᠳᠤᠨ | ᠴᠡᠩᠭᠡᠵᠤ ᠶᠠᠪᠤᠭᠰᠠᠨ ᠨᠢ ᠪᠤᠷᠤᠭᠤ᠃ ᠬᠦᠴᠦ ᠪᠠᠨ ᠰᠢᠪᠬᠠᠨ᠂ ᠬᠦᠯᠦᠰᠦ ᠪᠠᠨ ᠤᠷᠤᠰᠬᠠᠨ ᠤᠯᠵᠤ ᠪᠠᠶᠢᠭᠠ | ᠬᠡᠮᠵᠢᠶᠡᠲᠠᠶᠢᠬᠠᠨ ᠵᠤᠭᠤᠰ ᠢ ᠴᠢᠨᠢ ᠤᠰᠤ ᠴᠠᠰᠤ ᠰᠢᠬ ᠪᠦᠷᠢᠯᠭᠡᠵᠤ ᠪᠠᠶᠢᠬᠤ ᠨᠢ ᠮᠢᠨᠦ ᠪᠤᠷᠤᠭᠤ᠃ ᠰᠦᠨᠢᠵᠢᠨ | ᠨᠠᠭᠠᠳᠤᠮ ᠳᠤ ᠰᠢᠨᠤᠵᠤ᠂ ᠡᠳᠦᠷᠵᠢᠨ ᠰᠦᠨᠡᠰᠦ ᠦᠭᠡᠢ ᠭᠡᠶᠤᠷᠡᠵᠤ ᠶᠠᠪᠤᠬᠤ ᠨᠢ ᠮᠢᠨᠦ ᠪᠤᠷᠤᠭᠤ᠃ ᠪᠠᠶᠢᠨ ᠪᠠᠶᠢᠨ | ᠤᠲᠠᠰᠤᠴᠢᠬᠠᠭᠠᠳ ︽ᠬᠦᠦ ᠴᠢᠨᠢ ᠪᠤᠯᠵᠤ ᠪᠠᠶᠢᠨᠠ︾ ᠭᠡᠵᠤ ᠡᠷᠭᠢᠭᠦᠦ ᠳᠤᠩᠭᠤᠳᠤᠭᠰᠠᠨ ᠨᠢ ᠮᠢᠨᠦ ᠪᠤᠷᠤᠭᠤ᠃ | ᠠᠷᠪᠠᠨ ᠵᠢᠯ ᠪᠢᠴᠢᠭ ᠰᠤᠶᠤᠯ ᠤᠨ ᠵᠠᠮ ᠮᠦᠷ ᠢ ᠬᠦᠭᠡᠭᠡᠭᠰᠡᠨ ᠴᠤ ᠰᠠᠨᠠᠭᠠᠨ ᠳᠤ ᠪᠠᠨ ᠲᠤᠯᠲᠠᠯᠠ ᠠᠮᠵᠢᠯᠲᠠ | ᠤᠯᠤᠭᠠ ᠦᠭᠡᠢ ᠨᠢ ᠮᠢᠨᠦ ᠪᠤᠷᠤᠭᠤ᠃ ᠡᠨᠡ ᠪᠦᠬᠦᠨ ᠢ ᠪᠤᠳᠤᠬᠤ ᠲᠠᠢ ᠵᠡᠷᠭᠡ ᠭᠡᠮᠰᠢᠯ ᠬᠠᠷᠠᠮᠰᠠᠯ ᠤᠨ ᠨᠢᠯᠪᠤᠰᠤ | ᠬᠤᠶᠠᠷ ᠨᠢᠳᠦ ᠶᠢ ᠪᠦᠷᠬᠦᠳᠡᠭ᠃ ︽ᠠᠰᠠᠷᠠᠯᠲᠦ ᠠᠪᠤ ᠶᠢᠨ ᠭᠠᠰᠢᠭᠤᠨ ᠰᠡᠭᠦᠷᠡᠰᠦ ᠠᠰᠬᠠ ᠬᠠᠳᠠᠨ ᠤ ᠬᠦᠢᠲᠡᠨ | ᠰᠢᠭᠤᠷᠭᠠ ᠡᠨᠡᠷᠢᠯᠲᠦ ᠡᠵᠢ ᠶᠢᠨ ᠨᠢᠳᠤᠨ ᠤ ᠨᠢᠯᠪᠤᠰᠤ ᠡᠭᠡᠷᠡᠮᠡ ᠲᠠᠯᠠ ᠶᠢᠨ ᠨᠠᠭᠤᠷ ᠴᠦᠬᠦᠷᠤᠮ︾ ᠭᠡᠳᠡᠭᠴᠢᠯᠡᠨ | ᠦᠷᠡ ᠨᠢ ᠲᠠᠨ ᠳᠤ ᠪᠠᠨ ᠠᠮᠠᠯᠠᠵᠤ ᠪᠠᠶᠢᠨᠠ᠃ ᠲᠡᠵᠢᠭᠡᠭᠰᠡᠨ ᠪᠢᠷᠠᠭᠤ ᠲᠡᠷᠭᠡ ᠡᠪᠳᠡᠬᠦ ᠶᠤᠰᠤ ᠦᠭᠡᠢ᠃ ᠤᠷᠴᠢᠯᠠᠩ | ᠳᠡᠯᠡᠬᠡᠢ ᠳᠤ ᠬᠠᠮᠤᠭ ᠤᠨ ᠠᠷᠢᠭᠤᠨ ᠴᠠᠭᠠᠨ᠂ ᠬᠠᠮᠤᠭ ᠤᠨ ᠠᠭᠤᠤ ᠶᠡᠭᠡ ᠬᠤᠯᠢᠰᠢ ᠦᠭᠡᠢ ᠬᠠᠶᠢᠷᠠ ᠶᠢᠨ ᠴᠢᠨᠢ | ᠬᠠᠷᠢᠭᠤ ᠳᠤ ᠦᠷᠡ ᠴᠢᠨᠢ ᠪᠢ ᠴᠢᠷᠮᠠᠶᠢᠬᠤ ᠵᠤᠷᠢᠭ ᠪᠡᠯᠡᠬᠡᠨ ᠪᠠᠶᠢᠨᠠ᠃ | ᠵᠤᠬᠢᠶᠠᠭᠴᠢ᠄ ᠰᠢᠨᠵᠢᠯᠠ ︵ᠤᠯᠠᠭᠠᠨᠬᠤᠲᠠ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠦᠨᠳᠤᠷ ᠬᠤᠶᠠᠷ ᠤᠨ | ᠭᠤᠷᠪᠠ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠵᠧᠦ ᠸᠧᠨ ᠰᠢᠶᠠᠩ | | | | | | |