| ᠤᠷᠳᠤ ᠤᠳᠠᠭᠠᠨ ᠲᠡᠥᠬᠡᠨ ᠶᠠᠪᠤᠴᠠ ᠳᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠠᠵᠤ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ ᠮᠠᠰᠢ | ᠠᠷᠪᠢᠨ ᠶᠤᠰᠤ ᠵᠠᠩᠰᠢᠯ ᠪᠤᠢ ᠪᠤᠯᠵᠤ ᠪᠦᠷᠢᠯᠳᠥᠭᠰᠡᠨ ᠪᠢᠯᠠ᠃ ᠲᠡᠳᠡᠭᠡᠷ ᠶᠤᠰᠤ ᠵᠠᠩᠰᠢᠯ ᠤᠨ ᠲᠤᠳᠤᠷᠠ ᠠᠴᠠ ᠴᠡᠭᠡᠷ | ᠶᠤᠰᠤᠨ ᠨᠢ ᠲᠦᠢᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠤᠬᠦᠨ ᠪᠤᠯᠬᠤ ᠨᠢ ᠲᠠᠮᠵᠢᠭ ᠦᠭᠡᠢ᠃ ᠲᠤᠥᠷᠠ ᠮᠤᠩᠭᠤᠯᠴᠤᠳ ᠤᠨ | ᠴᠡᠭᠡᠷ ᠶᠤᠰᠤᠨ ᠤ ᠲᠤᠬᠠᠢ ᠲᠦᠬᠦᠮ ᠲᠠᠨᠢᠯᠴᠠᠭᠤᠯᠤᠶᠠ᠃ | ᠭᠠᠯ ᠤᠨ ᠲᠤᠬᠠᠢ ᠴᠡᠭᠡᠷ ᠶᠤᠰᠤᠨ᠄ ᠮᠤᠩᠭᠤᠯᠴᠤᠳ ᠭᠠᠯ ᠤᠨ ᠪᠤᠷᠬᠠᠨ᠂ ᠭᠤᠯᠤᠮᠳᠠ ᠲᠤᠯᠭᠠ ᠪᠠᠨ | ᠲᠡᠭᠡᠳᠤᠯᠡᠨ ᠰᠢᠳᠤᠵᠤ᠂ ᠭᠠᠯ ᠢ ᠠᠯᠢᠪᠠ ᠮᠠᠭᠤ ᠮᠠᠭᠤᠬᠠᠢ ᠶᠠᠭᠤᠮᠠ ᠪᠤᠯᠤᠨ ᠭᠠᠢ ᠪᠠᠷᠴᠢᠳ ᠢ ᠵᠠᠶᠢᠯᠠᠭᠤᠯᠳᠠᠭ ᠭᠡᠮᠡᠨ | ᠦᠵᠡᠳᠡᠭ᠃ ᠡᠶᠢᠮᠤ ᠠᠴᠠ ᠮᠤᠩᠭᠤᠯ ᠭᠡᠷ ᠲᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠲᠤᠯᠭᠠ ᠶᠢᠨ ᠲᠡᠭᠡᠷᠠ ᠬᠦᠯ ᠢᠶᠠᠨ ᠡᠬᠡᠬᠦ ᠶᠢ | ᠴᠡᠭᠡᠷᠯᠡᠳᠡᠭ ᠮᠦᠳᠡᠬᠡᠨ ᠲᠤᠯᠭᠠ ᠶᠢᠨ ᠬᠠᠵᠠᠭᠤ ᠳᠤ ᠨᠦᠢᠳᠠᠨ ᠭᠤᠳᠤᠯ ᠱᠠᠬᠠᠢ ᠪᠠᠨ ᠬᠠᠳᠠᠭᠠᠬᠤ ᠶᠢ ᠨᠡᠩ ᠶᠡᠭᠡ | ᠴᠡᠭᠡᠷᠯᠡᠳᠡᠭ ᠶᠤᠮ᠃ ᠪᠠᠰᠠ ᠲᠤᠯᠭᠠ ᠶᠢᠨ ᠲᠡᠭᠡᠬᠦᠷ ᠠᠯᠬᠤᠬᠤ ᠪᠤᠶᠤ ᠲᠤᠯᠭᠠ ᠶᠢᠨ ᠲᠡᠭᠡᠷ ᠠ ᠬᠢᠰᠬᠢᠬᠦ᠂ ᠲᠠᠮᠠᠬᠢᠨ | ᠭᠠᠩᠰᠠ ᠪᠠᠨ ᠲᠤᠯᠭᠠ ᠶᠢᠨ ᠲᠡᠭᠡᠷᠠ ᠬᠦᠪᠢᠬᠦ᠂ ᠶᠠᠭᠤᠮᠠ ᠴᠤᠬᠢᠬᠤ᠂ ᠪᠤᠵᠠᠷ ᠪᠤᠷᠳᠠᠭ ᠶᠠᠭᠤᠮᠠ ᠬᠠᠶᠠᠬᠤ ᠶᠢ | ᠴᠡᠭᠡᠷᠯᠡᠨᠠ᠃ ᠬᠢᠳᠤᠭᠠ ᠪᠠᠷ ᠭᠠᠯ ᠢᠶᠠᠨ ᠰᠢᠯᠡᠭᠡᠬᠦ᠂ ᠭᠠᠯ ᠳᠤ ᠬᠢᠳᠤᠭᠠ ᠤᠷᠤᠭᠤᠯᠬᠤ ᠪᠤᠶᠤ ᠲᠤᠭᠤᠭᠠᠨ ᠠᠴᠠ | ᠬᠢᠳᠤᠭᠠ ᠪᠠᠷ ᠮᠢᠬᠠ ᠠᠪᠬᠤ ᠶᠢ ᠶᠡᠭᠡ ᠴᠡᠭᠡᠷᠯᠡᠳᠡᠭ᠃ | ᠤᠰᠤᠨ ᠤ ᠲᠤᠬᠠᠢ ᠴᠡᠭᠡᠷ ᠶᠤᠰᠤᠨ᠄ ᠮᠤᠩᠭᠤᠯᠴᠤᠳ ᠤᠰᠤ ᠶᠢ ᠷᠠᠰᠢᠶᠠᠨ ᠤ ᠲᠡᠭᠡᠳᠤ ᠭᠡᠵᠤ ᠲᠡᠭᠡᠳᠤᠯᠡᠳᠡᠭ᠃ | ᠡᠶᠢᠮᠤ ᠠᠴᠠ ᠭᠤᠤᠯ ᠮᠦᠷᠡᠨ ᠳᠤ ᠭᠠᠷ ᠪᠤᠶᠤ ᠪᠡᠶᠠ ᠪᠠᠨ ᠤᠬᠢᠶᠠᠳᠠᠭ ᠦᠭᠡᠢ᠃ ᠨᠡᠩ ᠴᠤ ᠭᠤᠥᠯ ᠮᠦᠷᠡᠨ ᠳᠤ | ᠬᠤᠭ ᠨᠤᠪᠰᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠮᠤᠩᠭᠤᠯ ᠨᠤᠳᠤᠭ ᠭᠠᠩ ᠬᠠᠭᠤᠷᠠᠢ᠂ ᠤᠰᠤ ᠲᠤᠳᠠᠮᠠᠭ᠂ ᠤᠰᠤ | ᠡᠪᠡᠰᠤ ᠪᠠᠨ ᠲᠠᠭᠠᠵᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠵᠤ ᠠᠵᠤ ᠲᠦᠷᠤᠳᠡᠭ ᠮᠤᠩᠭᠤᠯᠴᠤᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠤᠰᠤ ᠪᠤᠯ | ᠠᠮᠢ ᠨᠠᠰᠤᠨ ᠤ ᠡᠬᠢ ᠰᠤᠷᠪᠤᠯᠵᠢ ᠪᠤᠯᠬᠤ ᠤᠴᠢᠷᠳᠠᠢ᠃ ᠡᠶᠢᠮᠤ ᠠᠴᠠ ᠮᠤᠩᠭᠤᠯᠴᠤᠳ ᠤᠰᠤᠨ ᠤ ᠴᠡᠪᠡᠷ | ᠲᠤᠩᠭᠠᠯᠠᠭ ᠢ ᠬᠠᠮᠠᠭᠠᠯᠠᠵᠤ᠂ ᠭᠠᠮᠨᠠᠨ ᠠᠷᠪᠢᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠠ᠃ | ᠡᠪᠡᠳᠴᠢᠨ ᠤ ᠲᠤᠬᠠᠢ ᠴᠡᠭᠡᠷ ᠶᠤᠰᠤᠨ᠄ ᠠᠶᠢᠯ ᠳᠤ ᠬᠡᠷᠪᠡ ᠬᠦᠨᠳᠤ ᠡᠪᠡᠳᠴᠢᠡ ᠲᠠᠢ ᠪᠤᠶᠤ ᠠᠶᠤᠯᠳᠤ | ᠠᠷᠬᠠᠭ ᠲᠤ ᠨᠡᠷᠪᠡᠭᠳᠡᠭᠰᠡᠨ ᠬᠦᠮᠤᠨ ᠪᠠᠶᠢᠬᠤ ᠳᠤ ᠬᠦᠷᠪᠠᠯ ᠭᠡᠷ ᠤᠨ ᠢᠶᠠᠨ ᠵᠡᠬᠦᠨ ᠲᠠᠯᠠ ᠳᠤ ᠲᠡᠭᠡᠰᠤ ᠡᠯᠬᠦᠳᠡᠭ᠃ | ᠡ᠊ᠨᠠ ᠨᠢ ᠠᠶᠢᠯ ᠤᠨ ᠭᠡᠷ ᠲᠤ ᠡᠪᠡᠳᠴᠢᠨ ᠲᠠᠢ ᠬᠦᠮᠤᠨ ᠪᠠᠶᠢᠭᠠ᠂ ᠵᠤᠴᠢᠨ ᠵᠤᠴᠢᠯᠠᠬᠤ ᠳᠤ ᠲᠦᠬᠦᠮ ᠦᠭᠡᠢ | ᠭᠡᠳᠡᠭ ᠢ ᠢᠯᠡᠳᠭᠡᠵᠤ ᠪᠠᠶᠢᠳᠠᠭ᠃ | ᠲᠦᠷᠤᠵᠤ ᠮᠡᠨᠳᠤᠯᠡᠬᠦ ᠶᠢᠨ ᠲᠤᠬᠠᠢ ᠴᠡᠭᠡᠷ ᠶᠤᠰᠤᠨ᠄ ᠮᠤᠩᠭᠤᠯ ᠨᠤᠳᠤᠭ ᠠᠭᠤᠳᠠᠮ ᠪᠤᠯᠬᠤᠷ ᠭᠠᠵᠠᠷ | ᠭᠠᠵᠠᠷ ᠤᠨ ᠵᠠᠩ ᠲᠠᠳᠬᠠᠯ ᠶᠡᠬᠡᠩᠬᠢ ᠳᠡᠭᠡᠨ ᠠᠳᠠᠯᠢ ᠪᠤᠯᠪᠠᠴᠤ ᠪᠠᠰᠠ ᠠᠳᠠᠯᠢ ᠦᠭᠡᠢ ᠲᠠᠯ ᠠ ᠴᠤ ᠪᠤᠢ᠃ ᠮᠤᠩᠭᠤᠯ | ᠪᠦᠰᠡᠬᠦ᠋ᠢᠴᠤᠳ ᠬᠡᠥᠬᠡᠳ ᠲᠦᠷᠤᠵᠤ᠂ ᠰᠠᠷᠠ ᠳᠤ ᠰᠠᠭᠤᠭᠰᠠᠨ ᠦᠶᠠ ᠳᠤ ᠭᠠᠳᠠᠨᠠ ᠶᠢᠨ ᠬᠦᠮᠤᠨ ᠢ ᠤᠷᠤᠭᠤᠯᠳᠠᠭ | ᠦᠭᠡᠢ᠃ ᠡᠬᠦᠳᠡᠨ ᠤ ᠲᠡᠷᠭᠡᠳᠠ ᠢᠯᠠ ᠬᠠᠷᠠᠭᠳᠠᠬᠤ ᠲᠡᠮᠳᠡᠭ ᠲᠠᠯᠪᠢᠳᠠᠭ᠃ ᠬᠡᠷᠪᠡ ᠬᠦᠪᠡᠬᠦᠨ ᠲᠦᠷᠥᠭᠰᠡᠨ ᠪᠤᠯ | ᠨᠤᠮᠤ ᠰᠤᠮᠤ ᠡᠯᠬᠦᠬᠦ᠂ ᠦᠬᠢᠨ ᠲᠦᠷᠥᠭᠰᠡᠨ ᠪᠤᠯ ᠤᠯᠠᠭᠠᠨ ᠪᠦᠰ ᠤᠶᠠᠳᠠᠭ᠃ ᠵᠤᠴᠢᠨ ᠡ᠊ᠨᠡᠬᠦ ᠲᠡᠮᠳᠡᠭ ᠢ ᠬᠠᠷᠠᠪᠠᠯ | ᠡ᠊ᠨᠠ ᠠᠶᠢᠯ ᠤᠨ ᠪᠦᠰᠡᠬᠦᠢ ᠰᠠᠶ᠋ᠢ ᠬᠡᠥᠬᠡᠳ ᠲᠦᠷᠤᠵᠤ ᠰᠠᠷᠠ ᠳᠤ ᠰᠠᠭᠤᠭᠰᠠᠨ ᠶᠤᠮ ᠪᠠᠶᠢᠨᠠ ᠭᠡᠵᠤ ᠮᠡᠳᠡᠭᠡᠳ | ᠭᠡᠷ ᠲᠤᠨᠢ ᠤᠷᠤᠳᠠᠭ ᠦᠭᠡᠢ᠃ | ᠡᠬᠦᠳᠡᠨ ᠪᠤᠱᠤᠭᠠᠨ ᠤ ᠲᠤᠬᠠᠢ ᠴᠡᠭᠡᠷ ᠶᠤᠰᠤᠨ᠄ ᠡᠬᠦᠳᠡᠨ ᠪᠤᠱᠤᠭᠠ ᠲᠡᠭᠡᠷᠠ ᠬᠢᠰᠬᠢᠳᠡᠭ ᠦᠭᠡᠢ᠂ ᠭᠡᠷ ᠲᠤ | ᠤᠷᠤᠵᠤ ᠭᠠᠷᠬᠤ ᠦᠶᠡᠰ ᠡᠬᠦᠳᠡᠨ ᠪᠤᠱᠤᠭᠠ ᠶᠢ ᠶᠠᠭᠠᠬᠢᠭᠰᠠᠨ ᠴᠤ ᠬᠢᠰᠬᠢᠵᠤ ᠪᠤᠯᠳᠠᠭ ᠦᠭᠡᠢ᠃ ᠲᠠᠷᠢᠶᠠᠯᠠᠬᠤ | ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠪᠤᠶᠤ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠬᠠᠭᠠᠰ ᠮᠠᠯᠵᠢᠬᠤ ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠴᠤ ᠡᠨᠡᠬᠦ | ᠴᠡᠭᠡᠷ ᠢ ᠶᠡᠬᠡᠳᠠ ᠡᠷᠬᠢᠮᠯᠡᠳᠡᠭ᠃ ᠡᠷᠳᠠ ᠳᠤ ᠵᠠᠷᠢᠮ ᠬᠦᠮᠤᠨ ᠬᠢᠴᠢᠶᠡᠮᠵᠢ ᠦᠭᠡᠢ ᠠᠴᠠ ᠪᠤᠯᠵᠤ ᠮᠤᠩᠭᠤᠯ ᠤᠨ | ᠬᠠᠭᠠᠨ ᠤ ᠤᠷᠳᠤᠨ ᠤ ᠪᠤᠱᠤᠭᠠ ᠶᠢ ᠬᠢᠰᠬᠢᠭᠰᠡᠨ ᠠᠴᠠ ᠪᠤᠯᠵᠤ ᠴᠠᠭᠠᠵᠠᠯᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠴᠤ ᠪᠤᠢ᠃ ᠡ᠊ᠨᠡᠬᠦ | ᠴᠡᠭᠡᠷ ᠶᠤᠰᠤᠨ ᠨᠢ ᠤᠳᠤ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠶᠤᠮ᠃ | ᠲᠤᠯᠤᠭᠠᠢ ᠢᠯᠪᠢᠵᠤ ᠪᠤᠯᠳᠠᠭ ᠦᠭᠡᠢ ᠶᠢᠨ ᠴᠡᠭᠡᠷ ᠶᠤᠰᠤᠨ᠄ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠦᠯᠤ ᠲᠠᠨᠢᠬᠤ | ᠬᠦᠮᠤᠨ ᠬᠡᠥᠬᠡᠳ ᠤᠨ ᠲᠤᠯᠤᠭᠠᠢ ᠶᠢ ᠢᠯᠪᠢᠵᠤ ᠪᠤᠯᠳᠠᠭ ᠦᠭᠡᠢ ᠴᠡᠭᠡᠷ ᠶᠤᠰᠤᠨ ᠪᠤᠢ᠃ ᠬᠠᠭᠤᠴᠢᠨ ᠤ | ᠦᠵᠡᠯᠳᠠ ᠪᠠᠷ ᠪᠤᠯ ᠦᠯᠤ ᠲᠠᠨᠢᠬᠤ ᠬᠦᠮᠤᠨ ᠤ ᠭᠠᠷ ᠪᠤᠵᠠᠷ ᠪᠠᠷᠴᠢᠳ ᠲᠠᠢ ᠪᠠᠶᠢᠳᠠᠭ᠂ ᠡᠶᠢᠮᠤ ᠠᠴᠠ ᠬᠡᠷᠪᠡ | ᠬᠡᠥᠬᠡᠳ ᠤᠨ ᠲᠤᠯᠤᠭᠠᠢ ᠶᠢ ᠢᠯᠪᠢᠪᠡᠯ ᠬᠡᠥᠬᠡᠳ ᠤᠨ ᠡᠷᠡᠬᠦᠯ ᠮᠡᠨᠳᠤ ᠳᠤ ᠠᠰᠢᠭ ᠦᠭᠡᠢ ᠭᠡᠮᠡᠨ ᠦᠵᠡᠳᠡᠭ᠃ | ᠨᠤᠬᠠᠢ ᠴᠤᠬᠢᠳᠠᠭ ᠦᠭᠡᠢ ᠴᠡᠭᠡᠷ ᠶᠤᠰᠤᠨ᠄ ᠮᠠᠯᠴᠢᠨ ᠠᠶᠢᠯ ᠳᠤ ᠵᠤᠴᠢᠯᠠᠬᠤ ᠦᠶᠡᠰ ᠭᠡᠷ ᠤᠨ ᠬᠢᠨᠢ | ᠬᠠᠵᠠᠭᠤᠷ ᠪᠠᠷ ᠠᠭᠠᠵᠢᠮ ᠮᠤᠷᠢᠯᠠᠵᠤ᠂ ᠭᠡᠷ ᠤᠨ ᠡᠵᠡᠨ ᠭᠠᠷᠴᠤ ᠢᠷᠡᠨ ᠤᠭᠳᠤᠬᠤ ᠶᠢ ᠬᠦᠯᠢᠶᠡᠨ᠂ ᠨᠤᠬᠠᠢ ᠶᠢ ᠨᠢ | ᠰᠠᠶᠢᠨ ᠠᠩᠬᠠᠷᠤᠭᠰᠠᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠮᠤᠷᠢᠨ ᠠᠴᠠ ᠪᠠᠨ ᠪᠠᠭᠤᠳᠠᠭ᠃ ᠡ᠊ᠨᠠ ᠨᠢ ᠨᠤᠬᠠᠢ ᠳᠤᠨᠢ | ᠬᠠᠵᠠᠭᠳᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠤ ᠪᠠᠶᠢᠭᠠ ᠶᠢᠨ ᠬᠡᠷᠡᠭ ᠪᠢᠯᠠ᠃ ᠠᠶᠢᠯ ᠤᠨ ᠨᠤᠬᠠᠢ ᠶᠢ ᠵᠤᠳᠤᠵᠤ ᠴᠤᠬᠢᠵᠤ ᠪᠤᠶᠤ | ᠬᠠᠷᠢᠶᠠᠵᠤ ᠵᠦᠭᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠮᠤᠩᠭᠤᠯᠴᠤᠳ ᠨᠤᠬᠠᠢ ᠶᠢ ᠨᠦᠬᠦᠷ ᠢᠶᠠᠨ ᠭᠡᠵᠤ | ᠦᠵᠡᠳᠡᠭ᠃ | ᠵᠤᠴᠢᠯᠠᠭᠤᠯᠬᠤ ᠴᠡᠭᠡᠷ ᠶᠤᠰᠤ᠄ ᠮᠠᠯᠴᠢᠳ ᠬᠠᠯᠠᠭᠤᠮᠰᠤᠭ ᠵᠤᠴᠢᠨᠰᠠᠭ ᠪᠤᠯᠪᠠᠴᠤ ᠵᠤᠴᠢᠯᠠᠭᠤᠯᠬᠤ ᠬᠦᠮᠤᠨ ᠳᠤ | ᠠᠩᠬᠠᠷᠬᠤ ᠴᠢᠬᠤᠯᠠᠳᠠᠢ ᠴᠡᠭᠡᠷ ᠶᠤᠰᠤᠨ ᠠᠷᠪᠢᠨ ᠪᠤᠢ᠃ ᠵᠤᠴᠢᠨ ᠭᠡᠷ ᠲᠤ ᠤᠷᠤᠬᠤ ᠦᠶᠠ ᠳᠤ ᠲᠡᠪᠡᠯ | ᠬᠤᠪᠴᠠᠰᠤ ᠪᠠᠨ ᠠᠩᠬᠠᠷᠬᠤ ᠬᠡᠷᠡᠭᠳᠠᠢ᠃ ᠠᠶᠢᠯ ᠤᠨ ᠭᠡᠷ ᠲᠤ ᠲᠠᠰᠢᠭᠤᠷ ᠠᠪᠴᠤ ᠤᠷᠤᠳᠠᠭ ᠦᠭᠡᠢ᠃ | ᠲᠠᠰᠢᠭᠤᠷ ᠢᠶᠠᠨ ᠮᠤᠩᠭᠤᠯ ᠭᠡᠷ ᠤᠨ ᠪᠠᠷᠠᠭᠤᠨ ᠲᠠᠯ ᠠ ᠳᠤᠨᠢ ᠵᠤᠭᠰᠤᠭᠠ ᠲᠠᠯᠪᠢᠨᠠ᠃ ᠭᠡᠷ ᠲᠤ ᠤᠷᠤᠭᠰᠠᠨ ᠤ | ᠲᠠᠷᠠᠭᠠ ᠪᠤᠷᠬᠠᠨ ᠤ ᠬᠢᠨᠢ ᠡᠮᠤᠨᠠ ᠰᠠᠭᠤᠵᠤ ᠪᠤᠯᠬᠤ ᠦᠭᠡᠢ᠃ ᠬᠡᠷᠪᠡ ᠴᠡᠭᠡᠷ ᠶᠤᠰᠤ ᠶᠢ ᠲᠠᠭᠠᠬᠤ ᠦᠭᠡᠢ ᠪᠤᠯ | ᠠᠶᠢᠯ ᠤᠨ ᠡᠵᠡᠨ ᠢ ᠬᠦᠨᠳᠤᠳᠭᠡᠭᠰᠡᠨ ᠦᠭᠡᠢ᠂ ᠲᠤᠥᠷᠠ ᠦᠵᠡᠭᠰᠡᠨ ᠳᠤ ᠲᠤᠭᠠᠴᠠᠭᠳᠠᠵᠤ᠂ ᠶᠤᠰᠤ ᠴᠡᠭᠡᠷ ᠮᠡᠳᠡᠬᠦ | ᠦᠭᠡᠢ᠂ ᠤᠬᠠᠭᠠᠨ ᠲᠤᠮᠤᠭᠠ ᠦᠭᠡᠢ ᠬᠦᠮᠤᠨ ᠭᠡᠵᠤ ᠤᠢᠢᠯᠠᠭᠠᠭᠳᠠᠬᠤ ᠪᠤᠯᠤᠨᠠ᠃ | ︵︽ᠤᠷᠳᠤᠰ ᠮᠤᠩᠭᠤᠯ ᠰᠦᠯᠵᠢᠶᠠ︾ ᠠᠴᠠ ᠰᠢᠯᠵᠢᠬᠦᠯᠪᠡ︶ |