| ᠬᠤᠨᠢ ᠨᠢᠲᠤᠯᠬᠤ ᠳᠤ ᠬᠤᠭᠤᠯᠠᠢ ᠶᠢ ᠨᠢ ᠤᠬᠲᠤᠯᠤᠨ ᠬᠡᠷᠴᠢᠵᠤ ᠲᠤᠯᠤᠭᠠᠢ ᠶᠢ ᠨᠢ ᠰᠠᠯᠭᠠᠨ ᠠᠯᠠᠬᠤ ᠶᠢ ᠡᠷᠡᠰ | ᠴᠡᠭᠡᠷᠯᠡᠨᠡ᠂ ᠬᠤᠶᠢᠲᠤ ᠲᠦᠷᠦᠯ ᠳᠤ ᠪᠠᠨ ᠮᠠᠭᠤ ᠤᠳᠤᠮ ᠳᠤ ᠵᠠᠶᠠᠭᠠᠨᠠ ᠭᠡᠳᠡᠭ᠃ | ᠮᠤᠩᠭᠤᠯᠴᠤᠳ ᠬᠦᠮᠦᠨ ᠪᠠ ᠮᠠᠯ ᠤᠨ ᠰᠦᠨᠡᠰᠦ ᠴᠦᠮ ᠬᠦᠬᠡ ᠲᠡᠭᠷᠢ ᠳᠤ ᠬᠦᠷᠬᠦ ᠶᠢ ᠬᠠᠮᠤᠭ ᠤᠨ ᠶᠡᠭᠡ | ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠤᠯᠭᠠᠳᠠᠭ᠃ ᠮᠠᠯ ᠤᠨ ᠰᠦᠨᠡᠰᠦ ᠪᠤᠯ ᠶᠡᠷᠦ ᠳᠤ ᠪᠠᠨ ᠨᠢᠳᠤᠨ ᠤ ᠬᠡᠷᠡᠯ ᠢᠶᠠᠨ ᠲᠠᠭᠠᠵᠤ ᠶᠠᠪᠤᠳᠠᠭ | ᠃ ᠬᠠᠷᠠᠴᠠ ᠨᠢ ᠬᠠᠮᠢᠭᠠ ᠲᠤᠰᠪᠠᠯ᠂ ᠰᠦᠨᠡᠰᠦ ᠨᠢ ᠲᠡᠭᠦᠨ ᠤ ᠴᠢᠭᠯᠡᠯ ᠬᠦᠷᠳᠡᠭ᠃ ᠡᠩ ᠤᠨ ᠦᠶᠡ ᠳᠤ ᠮᠠᠯ ᠤᠨ | ᠲᠤᠯᠤᠭᠠᠢ ᠲᠤᠷᠤᠬᠰᠢ ᠬᠠᠨᠳᠤᠵᠤ ᠪᠠᠶᠢᠳᠠᠭ ᠲᠤᠯᠠ ᠨᠢᠳᠤ ᠨᠢ ᠬᠡᠵᠢᠶᠡᠳᠡ ᠲᠡᠯᠡᠬᠡᠢ ᠶᠢᠷᠲᠢᠨᠴᠤ ᠶᠢᠨ ᠭᠠᠳᠠᠷᠭᠤ | ᠲᠡᠭᠡᠷᠡ ᠲᠤᠰᠴᠤ ᠬᠤᠯᠠ ᠶᠢ ᠤᠯᠵᠤ ᠬᠠᠷᠠᠳᠠᠭ ᠦᠭᠡᠢ᠃ ᠮᠠᠯ ᠢ ᠦᠷᠦᠴᠡᠯᠡᠬᠦ ᠳᠤ ᠵᠠᠪᠠᠯ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ | ᠬᠡᠪᠲᠡᠭᠦᠯᠭᠦ ᠪᠤᠯᠬᠤᠷ ᠨᠢᠳᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠬᠦᠬᠡ ᠮᠦᠡᠭᠭᠦᠨ ᠲᠡᠭᠷᠢ ᠳᠤ ᠲᠤᠰᠳᠠᠭ᠃ ᠡᠨᠡ ᠦᠶᠡ ᠳᠤ ᠠᠮᠢ | ᠰᠦᠨᠡᠰᠦ ᠶᠢ ᠨᠢ ᠭᠠᠷᠭᠠᠪᠠᠯ ᠰᠦᠨᠡᠰᠦ ᠨᠢ ᠨᠢᠳᠤᠨ ᠭᠡᠷᠡᠯ ᠢ ᠨᠢ ᠲᠠᠮᠵᠢᠨ ᠰᠢᠭᠤᠳ ᠲᠡᠭᠷᠢ ᠳᠤ ᠬᠦᠷᠴᠦ ᠡᠷᠬᠢᠬᠦ | ᠲᠦᠷᠦᠯ ᠳᠤ ᠪᠠᠨ ᠰᠠᠶᠢᠨ ᠲᠦᠷᠦᠯ ᠤᠯᠤᠨᠠ ᠭᠡᠳᠡᠭ᠃ ᠡᠶᠢᠮᠤ ᠠᠴᠠ ᠮᠤᠩᠭᠤᠯᠴᠤᠳ ᠮᠠᠯ ᠢ ᠦᠷᠦᠴᠡᠯᠡᠬᠦ ᠶᠢ ᠲᠤᠩ | ᠡᠷᠬᠢᠮᠯᠡᠨ᠂ ᠬᠦᠵᠦᠬᠦᠦ ᠬᠤᠭᠤᠯᠠᠢ ᠶᠢ ᠨᠢ ᠤᠬᠲᠤᠯᠬᠤ ᠶᠢ ᠮᠠᠰᠢ ᠴᠡᠭᠡᠷᠯᠡᠵᠤ ᠴᠠᠭᠠᠵᠠᠯᠠᠳᠠᠭ ᠪᠠᠶᠢᠨᠠ᠃ | 1᠂ ᠡᠳᠦᠷ ᠰᠤᠳᠤᠷ ᠦᠵᠡᠨᠡ᠃ ᠤᠯᠠᠭᠠᠨ ᠱᠠᠭᠠᠵᠠᠭᠠᠢ ᠡᠳᠦᠷ᠂ ᠵᠤᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ᠂ ᠬᠡᠰᠢᠭ | ᠡᠳᠦᠷ ᠲᠤ ᠮᠠᠯ ᠨᠢᠳᠤᠯᠬᠤ ᠶᠢ ᠡᠷᠡᠰ ᠴᠡᠭᠡᠷᠯᠡᠨᠡ᠃ ᠬᠤᠨᠢ ᠡᠳᠦᠷ ᠲᠤ ᠬᠤᠨᠢ ᠶᠢ᠂ ᠦᠬᠡᠷ ᠡᠳᠦᠷ ᠦᠬᠡᠷ ᠢ᠂ | ᠮᠤᠷᠢ ᠡᠳᠦᠷ ᠲᠤ ᠮᠤᠷᠢ ᠶᠢ ᠨᠢᠳᠤᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠯᠠ ᠰᠠᠷᠠ ᠶᠢᠨ ᠪᠢᠲᠡᠭᠦᠨ᠂ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ | ᠰᠢᠨᠡ ᠶᠢᠨ ᠲᠤᠯᠤᠭᠠᠨ ᠬᠦᠷᠲᠡᠯᠡ ᠠᠮᠢ ᠬᠤᠷᠤᠭᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ ᠮᠠᠯ ᠪᠠᠰᠠ ᠰᠢᠨᠡᠯᠡᠵᠤ ᠪᠠᠶᠢᠬᠤ | ᠭᠡᠳᠡᠭ᠃ ᠮᠠᠯ ᠭᠠᠷᠭᠠᠬᠤ ᠰᠠᠶᠢᠨ ᠡᠳᠦᠷ ᠭᠡᠵᠤ ᠭᠤᠷᠪᠠᠨ ᠶᠡᠭᠡ ᠤᠳᠤ ᠬᠤᠷᠮᠤᠰᠳᠠ᠂ ᠰᠦᠯᠳᠡ᠂ ᠲᠡᠭᠷᠢ ᠲᠠᠢ | ᠡᠳᠦᠷ ᠲᠤ ᠤᠯᠠᠭᠠᠨ ᠱᠠᠭᠠᠵᠠᠭᠠᠢ ᠡᠳᠦᠷ᠂ ᠵᠤᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ᠂ ᠬᠤᠨᠢ ᠡᠳᠦᠷ ᠲᠠᠭᠠᠷᠠᠬᠤ ᠦᠭᠡᠢ | ᠪᠤᠯ ᠪᠦᠷ ᠪᠤᠯᠤᠨᠠ᠃ ᠤᠨᠴᠠ ᠶᠢᠨ ᠴᠢᠬᠤᠯᠠ ᠠᠴᠠ ᠪᠤᠯᠵᠤ ᠰᠠᠶᠢᠨ ᠡᠳᠦᠷ ᠤᠯᠳᠠᠬᠤ ᠦᠭᠡᠢ ᠪᠤᠯ ᠢᠪᠡᠭᠡᠯ ᠲᠠᠢ᠂ | ᠬᠡᠰᠢᠭ ᠪᠤᠶᠠᠨ ᠲᠠᠢ ᠴᠠᠭ ᠢ ᠰᠤᠩᠭᠤᠳᠠᠭ ᠶᠤᠮ᠃ | 2᠂ ᠮᠠᠯ ᠭᠠᠷᠭᠠᠬᠤ ᠳᠤ ᠡᠷᠬᠡᠪᠰᠢ ᠡᠵᠡᠨ ᠳᠤ ᠪᠠᠨ ᠵᠤᠯᠠ ᠮᠠᠨᠳᠤᠭᠤᠯᠵᠤ ᠰᠠᠩ ᠰᠠᠴᠤᠯᠢ ᠰᠡᠷᠵᠢᠮᠯᠡᠨ ᠬᠤᠲᠠ | ᠬᠦᠷᠢᠶᠡ ᠪᠠᠨ ᠠᠷᠢᠭᠤᠳᠬᠠᠬᠤ ᠬᠡᠷᠡᠭᠲᠡᠢ᠃ | 3᠂ ᠡᠷᠬᠡᠪᠰᠢ ᠢᠰᠡᠭᠡᠢ ᠲᠡᠭᠡᠷᠡ ᠦᠷᠦᠴᠡ ᠶᠢ ᠨᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ᠂ ᠲᠤᠯᠤᠭᠠᠢ ᠶᠢ ᠨᠢ ᠬᠤᠶᠢᠰᠢ | ᠵᠦᠭᠯᠡᠭᠦᠯᠭᠦ ᠪᠦᠭᠡᠳ ᠮᠢᠯᠢᠶᠠᠬᠤ ᠪᠠ ᠰᠦᠨᠡᠰᠦ ᠶᠢ ᠨᠢ ᠲᠠᠯᠠᠯᠬᠤ ᠶᠤᠰᠤ ᠵᠢᠷᠤᠮ᠂ ᠦᠴᠢᠯ ᠦᠴᠢᠬᠦ ᠪᠠ | ᠰᠢᠪᠰᠢᠯᠭᠡ ᠶᠢᠨ ᠲᠤᠮ ᠢ ᠵᠠᠪᠠᠯ ᠬᠦᠢᠴᠡᠳᠬᠡᠭᠰᠡᠨ ᠦᠷᠦᠴᠡᠯᠡᠬᠦ ᠵᠠᠩᠰᠢᠯ ᠬᠠᠤᠯᠢ ᠶᠢ ᠪᠠᠷᠢᠮᠲᠠᠯᠠᠬᠤ ᠬᠡᠷᠡᠭᠲᠡᠢ᠃ | 4᠂ ᠨᠢᠲᠤᠯᠬᠤ ᠮᠠᠯ ᠢᠶᠠᠨ ᠡᠪᠡᠷᠳᠡᠵᠤ᠂ ᠰᠢᠭᠢᠷᠠᠳᠡᠵᠤ᠂ ᠵᠤᠮᠠᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠮᠠᠯ ᠳᠤ ᠪᠠᠨ | ᠡᠶᠡᠪᠡᠷᠭᠦᠦ ᠵᠦᠬᠡᠯᠡᠨ ᠢᠶᠠᠷ ᠬᠠᠨᠳᠤᠬᠤ ᠬᠡᠷᠡᠭᠲᠡᠢ᠃ | 5᠂ ᠨᠢᠳᠤᠯᠬᠤ ᠬᠤᠨᠢ ᠶᠢ ᠰᠦᠷᠦᠭ ᠠᠴᠠ ᠬᠦᠲᠦᠯᠵᠤ ᠭᠠᠷᠭᠠᠬᠤ ᠦᠶᠡ ᠳᠤ ᠶᠠᠪᠤᠨ ᠶᠠᠳᠠᠨ ᠭᠤᠷᠪᠠ ᠠᠴᠠ | ᠲᠡᠭᠡᠭᠰᠢ ᠤᠳᠠᠭᠠ ᠰᠦᠭᠦᠳᠪᠡᠯ ᠡᠵᠡᠨ ᠳᠤ ᠪᠠᠨ ᠮᠦᠷᠭᠦᠵᠤ ᠪᠠᠶᠢᠨᠠ ᠬᠡᠳᠡᠭ᠃ ᠬᠡᠰᠢᠭ ᠪᠤᠶᠠᠨ ᠲᠡᠯᠭᠡᠷᠡᠲᠦᠬᠡᠢ ᠬᠡᠵᠤ | ᠲᠤᠰ ᠬᠤᠨᠢ ᠶᠢ ᠰᠦᠷᠦᠭ ᠲᠤ ᠨᠢ ᠪᠤᠴᠠᠭᠠᠵᠤ ᠲᠠᠬᠢᠵᠤ ᠦᠭᠡᠷ ᠡ ᠬᠤᠨᠢ ᠰᠢᠯᠢᠨ ᠰᠤᠩᠭᠤᠳᠠᠭ᠃ ᠢᠡᠭᠭᠢᠪᠡᠯ ᠮᠠᠯ | ᠰᠦᠷᠦᠭ ᠦᠨᠢᠷ ᠦᠰᠦᠨᠡ ᠭᠡᠳᠡᠭ᠃ | 6᠂ ᠤᠶᠠᠭᠠ ᠲᠠᠢ ᠬᠤᠨᠢ ᠶᠢ ᠨᠢᠳᠤᠯᠬᠤ ᠳᠤ ᠤᠷᠢᠳ ᠢᠶᠠᠷ ᠬᠦᠵᠦᠭᠦᠨ ᠳᠠᠬᠢ ᠲᠡᠭᠡᠰᠦ ᠶᠢ ᠨᠢ ᠠᠯᠳᠠᠷᠠᠭᠠᠬᠤ | ᠬᠡᠷᠡᠭᠲᠡᠢ᠃ ᠡᠰᠡᠪᠡᠯ ᠰᠦᠨᠡᠰᠦ ᠨᠢ ᠲᠡᠭᠷᠢ ᠳᠤ ᠭᠠᠷᠴᠤ ᠲᠡᠶᠢᠯᠬᠦ ᠦᠬᠡᠢ ᠠᠴᠠ ᠪᠤᠯᠵᠤ ᠲᠠᠬᠢᠵᠤ ᠲᠦᠷᠦᠯ ᠤᠯᠵᠤ | ᠲᠡᠶᠢᠯᠳᠡᠭ ᠦᠭᠡᠢ ᠬᠡᠵᠤ ᠦᠵᠡᠳᠡᠭ ᠵᠠᠩᠰᠢᠯ ᠲᠠᠢ᠃ | 7᠂ ᠮᠠᠯ ᠭᠠᠷᠭᠠᠬᠤ ᠦᠶᠡ ᠳᠤ ᠬᠦᠬᠡᠷᠦᠬᠦᠢ ᠮᠠᠯ ᠪᠠᠶᠢᠨᠠ᠂ ᠬᠠᠶᠢᠷᠠᠨ ᠮᠠᠯ ᠪᠠᠶᠢᠨᠠ ᠬᠡᠬᠦ ᠮᠡᠲᠦ ᠶᠢᠨ ᠦᠬᠡ | ᠬᠡᠯᠡᠵᠤ ᠪᠤᠯᠬᠤ ᠦᠭᠡᠢ᠃ ᠲᠡᠭᠡᠪᠡᠯ ᠰᠦᠨᠡᠰᠦ ᠨᠢ ᠲᠡᠭᠷᠢ ᠳᠤ ᠭᠠᠷᠴᠤ ᠲᠡᠶᠢᠯᠭᠦ ᠦᠭᠡᠢ᠂ ᠲᠠᠬᠢᠨ ᠲᠦᠷᠦᠯ ᠤᠯᠵᠤ | ᠴᠢᠳᠠᠬᠤ ᠦᠭᠡᠢ ᠪᠤᠯᠳᠠᠭ ᠬᠡᠨᠡ᠃ ᠢᠳᠡᠶᠡ ᠤᠤᠭᠤᠶ ᠠ ᠬᠡᠵᠤ ᠬᠡᠯᠡᠬᠦ ᠶᠢ ᠴᠤ ᠲᠠᠰᠤ ᠴᠡᠭᠡᠷᠯᠡᠨᠡ᠃ | 8᠂ ᠬᠢᠲᠤᠭᠠ ᠪᠠᠨ ᠬᠤᠷᠴᠠ ᠪᠢᠯᠡᠭᠦᠳᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠪᠦᠭᠡᠳ ᠬᠤᠲᠠ ᠳᠤ ᠪᠠᠨ ᠠᠪᠴᠤ ᠤᠷᠤᠵᠤ | ᠪᠤᠯᠬᠤ ᠦᠭᠡᠢ᠃ ᠨᠢᠳᠤᠯᠬᠤ ᠬᠤᠨᠢᠨ ᠳᠤ ᠨᠡᠩ ᠴᠤ ᠦᠵᠡᠭᠦᠯᠵᠤ ᠪᠤᠯᠬᠤ ᠦᠭᠡᠢ᠃ ᠭᠠᠷ ᠢᠶᠠᠨ ᠴᠡᠪᠡᠷ ᠤᠬᠢᠶᠠᠬᠤ | ᠬᠡᠷᠡᠭᠲᠡᠢ᠃ ᠡᠷᠬᠡᠪᠰᠢ ᠪᠤᠰᠤᠳ ᠮᠠᠯ ᠠᠴᠠ ᠪᠠᠨ ᠲᠠᠯᠳᠠ ᠭᠠᠵᠠᠷ ᠨᠢᠳᠤᠯᠬᠤ ᠬᠡᠷᠡᠭᠲᠡᠢ᠃ | 9᠂ ᠬᠤᠨᠢ ᠭᠠᠷᠭᠠᠬᠤ ᠳᠤ ᠪᠠᠨ ᠲᠤᠯᠤᠭᠠᠢ ᠶᠢ ᠨᠢ ᠭᠡᠷ ᠤᠨ ᠡᠭᠦᠳᠡ ᠵᠦᠭ ᠬᠠᠨᠳᠤᠭᠤᠯᠪᠠᠯ ᠦᠭᠦᠯ ᠤᠨ ᠠᠮᠠ | ᠨᠡᠭᠡᠭᠡᠭᠳᠡᠨᠡ ᠬᠡᠵᠤ ᠴᠡᠭᠡᠷᠯᠡᠳᠡᠭ᠃ | ᠢᠷᠡᠯᠲᠡ᠄ ᠣᠷᠳᠣᠰ ᠮᠣᠩᠭᠤᠯ ᠰᠦᠯᠵᠢᠶᠡ ᠬᠢᠨᠠᠭᠴᠢ᠄ ᠰᠢ᠊ · ᠪᠠᠶᠠᠷᠲᠤ ᠨᠠ᠊ · ᠨᠠᠷᠠᠨᠪᠠᠲᠤ | |