| ● ᠱ᠊ · ᠬᠠᠳᠠᠪᠴᠢ | ᠠᠭᠤᠯᠠᠰ ᠤᠨ ᠰᠠᠶᠢᠬᠠᠨ ᠰᠦᠨᠳᠡᠷᠯᠡᠵᠦ ᠲᠤᠬᠳᠠᠬᠰᠠᠨ | ᠠᠭᠤᠳᠠᠮ ᠬᠠᠩᠭᠠᠢ ᠶᠢᠨ ᠲᠤᠯᠭᠠᠳᠤ ᠨᠢᠷᠤᠭᠤ | ᠤᠯᠠᠭᠠᠨᠬᠤᠳᠠ ᠶᠢᠨ ᠲᠦᠰᠢᠵᠦ ᠮᠠᠨᠳᠤᠬᠰᠠᠨ | ᠦᠨᠳᠦᠷ ᠬᠤᠶᠢᠮᠤᠷ ᠤᠨ ᠬᠢᠩᠭᠠᠨ ᠨᠢᠷᠤᠭᠤ | ᠵᠡᠭᠦᠳᠦᠨ ᠤ ᠶᠤᠮ ᠰᠢᠭ᠋ ᠦᠵᠡᠰᠬᠦᠯᠡᠩ ᠪᠦᠷᠢᠳᠦᠭᠰᠡᠨ | ᠵᠢᠷᠦᠬᠡᠨ ᠬᠡᠯᠪᠡᠷᠢ ᠲᠠᠢ ᠲᠡᠭᠷᠢ ᠨᠠᠭᠤᠷ | ᠵᠠᠭᠤᠨ ᠵᠠᠭᠤᠨ ᠢᠶᠠᠷ ᠲᠤᠮᠤᠭ ᠨᠢ ᠮᠦᠩᠭᠡᠷᠡᠭᠰᠡᠨ | ᠵᠦᠢᠷᠯᠡᠰᠢ ᠦᠬᠡᠢ ᠠᠷᠢᠭᠤᠨ ᠰᠢᠳᠦᠬᠡᠨ ᠲᠠᠢ ᠴᠢᠩᠭᠢᠰ ᠤᠨ ᠰᠦᠮᠡ | ᠤᠯᠠᠭᠠᠨᠬᠤᠳᠠ ᠪᠠᠨ ᠲᠤᠯᠢᠳᠠᠨ ᠲᠤᠯᠬᠢᠶᠠᠯᠠᠬᠰᠠᠨ | ᠤᠷᠤᠰᠬᠠᠯ ᠲᠤᠩᠭᠠᠯᠠᠭ ᠲᠤᠭᠤᠷ ᠤᠨ ᠭᠤᠤᠯ | ᠤᠬᠠᠭᠠᠨᠳᠤ ᠠᠷᠠᠳ ᠤᠨ ᠰᠡᠳᠬᠢᠯ ᠰᠢᠭ ᠢᠶᠠᠨ ᠲᠤᠨᠤᠬᠰᠠᠨ | ᠤᠷᠳᠦ ᠶᠢᠨ ᠤᠷᠳᠤ ᠮᠢᠷᠠᠯᠵᠠᠬᠤ ᠬᠦᠢᠯᠡᠷ ᠤᠨ ᠭᠤᠤᠯ | ᠬᠤᠶᠠᠷ ᠤᠯᠤᠰ ᠢ ᠬᠤᠯᠪᠤᠨ ᠪᠤᠰᠤᠬᠰᠠᠨ | ᠬᠠᠯᠬᠠ ᠨᠦᠮᠦᠷᠬᠡ ᠶᠢᠨ ᠲᠡᠤᠬᠡᠳᠦ ᠬᠦᠬᠦᠷᠬᠡ | ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠨᠡᠷᠡ ᠪᠠᠨ ᠲᠠᠮᠠᠭᠠᠯᠠᠬᠰᠠᠨ | ᠬᠠᠪᠤᠲᠤ ᠬᠠᠰᠠᠷ ᠤᠨ ᠦᠷᠡ ᠰᠠᠲᠣᠨ | ᠨᠠᠷᠠᠰᠤ ᠨᠢ ᠠᠰᠬᠠᠨ᠂ ᠠᠷᠠᠳ ᠨᠢ ᠰᠢᠯᠤᠭᠤᠨ | ᠨᠤᠳᠤᠭ ᠨᠢ ᠠᠷᠢᠭᠤᠨ᠂ ᠵᠢᠷᠤᠮ ᠨᠢ ᠰᠢᠳᠤᠷᠭᠤ | ᠬᠡᠶᠢᠮᠤᠷᠢ ᠲᠠᠯᠠᠯᠤᠬᠰᠠᠨ ᠮᠢᠨᠦ ᠨᠤᠳᠤᠭ | ᠬᠢᠩᠭᠠᠨ ᠨᠢᠷᠤᠭᠤ ᠪᠢᠳᠡᠨ ᠤ ᠰᠢᠳᠦᠬᠡᠨ︕ | ᠬᠠᠯᠢᠭᠤᠨ ᠪᠤᠭᠤ ᠶᠢᠨ ᠰᠢᠷᠬᠠ ᠶᠢ ᠠᠨᠠᠭᠠᠵᠦ | ᠬᠠᠮᠤᠭ ᠤᠯᠠᠨ ᠳᠤ ᠪᠠᠨ ᠲᠡᠤᠬᠡ ᠪᠠᠨ ᠮᠦᠩᠭᠡᠯᠡᠭᠰᠡᠨ | ᠬᠠᠯᠠᠭᠤᠨ ᠪᠤᠯᠠᠭ ᠤᠨ ᠠᠷᠢᠭᠤᠨ ᠤᠨᠳᠤᠷᠤᠭᠠ ᠲᠠᠢ | ᠬᠠᠶᠢᠷᠠ ᠶᠢ ᠲᠠᠳᠠᠬᠰᠠᠨ ᠷᠠᠰᠢᠶᠠᠨ ᠬᠤᠳᠠ | ᠬᠠᠳᠠᠨ ᠰᠤᠶᠤᠯ ᠢᠶᠠᠨ ᠬᠠᠳᠠᠭᠠᠯᠠᠵᠦ ᠦᠯᠡᠳᠡᠭᠡᠭᠰᠡᠨ | ᠬᠠᠩᠭᠠᠢ ᠶᠢᠨ ᠠᠭᠤᠳᠠᠮ ᠡᠷᠳᠡᠨ ᠤ ᠨᠤᠳᠤᠭ | ᠬᠠᠨ ᠭᠠᠷᠤᠳᠢ ᠶᠢᠨ ᠪᠦᠬᠡᠴᠦᠳ ᠮᠠᠨᠳᠤᠬᠰᠠᠨ | ᠬᠤᠶᠢᠮᠤᠷ ᠨᠤᠳᠤᠭ ᠵᠠᠯᠠᠶᠢᠳ ᠤᠷᠤᠨ | ᠨᠠᠷᠠᠰᠤ ᠨᠢ ᠠᠰᠬᠠᠨ᠂ ᠠᠷᠠᠳ ᠨᠢ ᠰᠢᠯᠤᠭᠤᠨ | ᠨᠤᠳᠤᠭ ᠨᠢ ᠠᠷᠢᠭᠤᠨ᠂ ᠵᠢᠷᠤᠮ ᠨᠢ ᠰᠢᠳᠤᠷᠭᠤ | ᠬᠡᠶᠢᠮᠤᠷᠢ ᠲᠠᠯᠠᠯᠤᠬᠰᠠᠨ ᠮᠢᠨᠦ ᠨᠤᠳᠤᠭ | ᠬᠢᠩᠭᠠᠨ ᠨᠢᠷᠤᠭᠤ ᠪᠢᠳᠡᠨ ᠤ ᠰᠢᠳᠦᠬᠡᠨ︕ | ᠪᠠᠭᠠᠳᠤᠷᠯᠢᠭ ᠡᠷᠡᠰ ᠤᠨ ᠦᠯᠦᠬᠡᠢ | ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠦ ᠬᠤᠰᠢᠭᠤ | ᠪᠤᠭᠤᠷᠤᠯ ᠲᠡᠤᠬᠡ ᠶᠢᠨ ᠬᠤᠷᠢᠶᠠᠩᠭᠤᠢ ᠲᠤᠪᠴᠢ | ᠪᠤᠶᠠᠨ ᠬᠤᠷᠠᠬᠰᠠᠨ ᠵᠠᠰᠠᠬᠳᠤ ᠨᠤᠳᠤᠬ | ᠠᠮᠤ ᠲᠠᠷᠢᠶᠠ ᠰᠢᠷᠭᠠᠯᠳᠤᠨ ᠬᠠᠯᠢᠭᠤᠷᠠᠬᠰᠠᠨ | ᠠᠮᠳᠠᠳᠤ ᠨᠤᠭᠤᠭᠠ ᠨᠢ ᠲᠦᠷᠦᠯ ᠢᠶᠠᠷ ᠪᠠᠶᠠᠯᠢᠭ | ᠠᠷᠠᠳ ᠤᠨ ᠰᠡᠳᠬᠢᠯ ᠢᠶᠠᠨ ᠤᠷᠭᠤᠴᠠ ᠪᠠᠷ ᠮᠢᠯᠢᠶᠠᠬᠰᠠᠨ | ᠠᠵᠢᠯᠴᠢ ᠪᠦᠳᠦᠬᠡᠯᠴᠢ ᠪᠢᠳᠡᠬᠦᠦ ᠪᠤᠯᠠᠭ | ᠬᠤᠭᠤᠷ ᠴᠤᠭᠤᠷ ᠤᠨ ᠬᠥᠭ ᠢᠶᠠᠷ ᠠᠷᠠᠳ ᠤᠨ ᠲᠠᠭᠤᠤ ᠪᠠᠨ ᠲᠠᠭᠤᠷᠢᠰᠤᠭᠤᠯᠵᠦ | ᠬᠤᠲᠠᠯᠠ ᠲᠦᠮᠡᠨ ᠤ ᠲᠤᠮᠳᠠ ᠪᠠᠨ ᠦᠯᠢᠬᠡᠷ ᠲᠤᠤᠯᠢᠰ ᠢᠶᠠᠨ ᠬᠠᠶᠢᠯᠠᠬᠰᠠᠨ | ᠬᠠᠳᠠᠨ ᠵᠤᠷᠢᠬᠳᠦ ᠡᠷᠡᠴᠦᠳ ᠢᠶᠠᠨ ᠱᠠᠬᠰᠢᠵᠦ ᠪᠢᠴᠢᠭᠰᠡᠨ ᠲᠡᠤᠬᠡ ᠲᠠᠢ | ᠬᠤᠷᠴᠢᠨ ᠴᠢᠨ ᠸᠠᠩ ᠤᠨ ᠲᠦᠰᠢᠶᠡᠳᠦ ᠬᠤᠰᠢᠭᠤ | ᠨᠠᠷᠠᠰᠤ ᠨᠢ ᠠᠰᠬᠠᠨ᠂ ᠠᠷᠠᠳ ᠨᠢ ᠰᠢᠯᠤᠭᠤᠨ | ᠨᠤᠳᠤᠭ ᠨᠢ ᠠᠷᠢᠭᠤᠨ᠂ ᠵᠢᠷᠤᠮ ᠨᠢ ᠰᠢᠳᠤᠷᠭᠤ | ᠬᠡᠶᠢᠮᠤᠷᠢ ᠲᠠᠯᠠᠯᠤᠬᠰᠠᠨ ᠮᠢᠨᠦ ᠨᠤᠳᠤᠭ | ᠬᠢᠩᠭᠠᠨ ᠨᠢᠷᠤᠭᠤ ᠪᠢᠳᠡᠨ ᠤ ᠰᠢᠳᠦᠬᠡᠨ︕ |