| ● ᠪᠤᠷᠵᠢᠭᠢᠨ ᠨᠠᠷᠠᠨᠴᠤᠭᠳᠤ | ᠡᠬᠡ ᠭᠠᠵᠠᠷ ᠤᠨ ᠵᠠᠭᠠᠮ ᠠ ᠪᠤᠯᠤᠭᠰᠠᠨ ᠠᠯᠳᠠᠨ ᠬᠢᠨᠭ᠍ᠭᠠᠨ ᠨᠢᠷᠤᠭᠤᠨ ᠤ | ᠡᠷᠬᠡ ᠬᠤᠨᠭ᠍ᠭᠤᠷ ᠤᠯᠠᠷᠢᠯ ᠨᠢ ᠰᠢᠷᠭᠠᠯ ᠡᠮᠵᠢᠶᠡᠷᠢ ᠪᠠᠨ ᠳᠠᠳᠠᠭᠰᠠᠭᠠᠷ | ᠢᠰᠭᠡᠷᠡᠬᠦ ᠤᠮᠠᠷ ᠡ ᠰᠠᠯᠬᠢᠨ ᠤ ᠬᠦᠬᠡᠮᠡᠢ ᠠᠶᠠᠯᠭᠤ ᠰᠢᠷᠤᠩᠬᠠᠢᠢᠯᠠᠨ | ᠢᠪᠠᠨ ᠳᠠᠷᠤᠬᠤ ᠴᠠᠰᠤᠨ ᠢᠶᠠᠷ ᠬᠦᠭᠡᠭᠡ ᠰᠠᠷ ᠠ ᠪᠠᠨ ᠤᠭᠳᠤᠬᠤᠢ | ᠠᠷᠠᠰᠤᠨ ᠳᠡᠪᠡᠯᠳᠤ ᠠᠩᠴᠢᠨ ᠤ ᠤᠯᠪᠠᠭᠠ ᠵᠦᠷᠢᠭ ᠪᠠᠯᠠᠷᠠᠨ | ᠠᠩᠭ᠌ ᠡ ᠡᠷᠳᠡ ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠵᠢᠮ ᠴᠤᠴᠠᠷᠠᠭᠰᠠᠭᠠᠷ | ᠠᠯᠠᠭ ᠭᠦᠨ ᠰᠢᠭᠤᠢ ᠳᠤᠮᠳᠠ ᠠᠴᠠ ᠪᠤᠭᠤ ᠶᠢᠨ ᠤᠷᠦᠮᠳᠦᠯ ᠳᠤᠭᠤᠯᠳᠤᠨ | ᠠᠯᠢᠶ ᠠ ᠳᠠᠤᠯᠠᠢ ᠶᠢᠨ ᠴᠢᠬᠢ ᠪᠤᠳᠠ ᠶᠢᠨ ᠳᠠᠯᠳᠠ ᠠᠴᠠ ᠳᠠᠯᠳᠠᠶᠢᠨᠡ | ᠡᠬᠡ ᠤᠷᠤᠨ ᠤ ᠬᠢᠯᠢ ᠨᠤᠳᠤᠭ ᠡᠪᠦᠯ ᠤᠨ ᠲᠦᠢᠯ ᠢᠶᠠᠷ ᠬᠠᠨᠠᠷᠠᠬᠤ ᠳᠤ | ᠡᠩᠬᠡ ᠤᠨᠳᠤᠷᠤᠭᠰᠠᠨ ᠰᠠᠭᠤᠷᠢᠰᠢᠯ ᠳᠤ ᠡᠬᠡ ᠶᠢᠨ ᠪᠦᠪᠡᠢ ᠤᠶᠠᠩᠭᠠᠷᠠᠨ | ᠡᠷᠡᠮᠡᠬᠡᠢ ᠰᠢᠯᠦᠭᠦᠰᠤ ᠰᠤᠴᠢᠭᠰᠠᠨ ᠮᠠᠯᠤᠷ ᠰᠤᠨᠤᠷ ᠬᠠᠶᠢᠵᠦ ᠰᠦᠯᠵᠢᠯᠳᠤᠨ | ᠡᠩᠭᠦᠷᠡᠢ ᠨᠢᠯᠬ ᠡ ᠦᠨᠡᠬᠡᠴᠢᠯᠠᠨ ᠵᠡᠭᠦᠳᠤᠯᠡᠨ ᠵᠤᠮᠠᠰ ᠵᠤᠮᠠᠰ ᠢᠨᠢᠶᠡᠨᠡ | ᠬᠢᠨᠭ᠍ᠭᠠᠨ ᠨᠢᠷᠤᠭᠤᠨ ᠤ ᠬᠠᠬᠢᠷ ᠡᠪᠦᠯ ᠯᠠᠪᠰᠠᠯᠠᠬᠤ ᠴᠠᠰᠤᠨ ᠢᠶᠠᠷ ᠨᠠᠭᠠᠰᠢᠯᠠᠨ | ᠬᠢᠯᠢ ᠨᠤᠳᠤᠭ ᠪᠠᠶᠢᠭᠠᠯᠢ ᠶᠢ ᠲᠠᠭᠠᠨ ᠤᠯᠠᠷᠢᠯ ᠢᠶᠠᠨ ᠰᠡᠯᠭᠦᠭᠰᠡᠭᠡᠷ | ᠬᠢᠬᠤᠨᠠᠬᠤ ᠬᠦᠢᠳᠡᠨ ᠳᠤ ᠪᠠᠨ ᠬᠤᠷᠤ ᠡ ᠵᠢᠮ ᠡ ᠪᠠᠨ ᠳᠠᠪᠳᠠᠭᠰᠠᠭᠠᠷ | ᠬᠡᠶᠢᠮᠤᠷᠢ ᠵᠤᠯᠢ ᠳᠡᠭᠵᠢᠬᠦᠯᠦᠨ ᠮᠠᠬᠠᠪᠤᠳ ᠴᠤᠭᠴᠠᠰ ᠢ ᠰᠡᠯᠪᠢᠭᠦᠯᠦᠨᠡ | ᠮᠦᠡᠭᠭᠦᠨ ᠡᠪᠦᠯ ᠤᠨ ᠴᠠᠰᠤ ᠮᠦᠰᠦᠨ ᠬᠦᠷᠮ ᠡ ᠪᠤᠯᠵᠦ ᠬᠤᠴᠢᠨ | ᠮᠡᠨᠳᠦ ᠶᠢᠨ ᠵᠠᠶᠠᠭᠠᠳᠤ ᠡᠬᠡ ᠤᠷᠤᠨ ᠲᠦᠢᠯ ᠤᠨ ᠲᠤᠶᠠᠭᠠ ᠭᠡᠶᠢᠨᠡ | ᠮᠦᠡᠭᠬᠡ ᠨᠠᠷᠠᠰᠤᠨ ᠤᠢ ᠠᠴᠠ ᠵᠦᠷ ᠭᠤᠷ ᠬᠤᠴᠠᠨ ᠴᠢᠮᠡᠭᠡᠯᠡᠨ | ᠮᠦᠴᠢᠷ ᠨᠠᠮᠠᠭᠠ ᠶᠢᠨ ᠳᠡᠭᠡᠭᠦᠷ ᠴᠠᠰᠤᠨ ᠴᠡᠴᠡᠭ ᠲᠤᠬᠢᠯᠵᠠᠨ | ᠮᠤᠷᠤᠯᠵᠠᠨ ᠤᠷᠤᠰᠢᠬᠤ ᠬᠠᠷᠠᠵᠠ ᠠᠴᠠ ᠬᠦᠢᠳᠡᠨ ᠠᠭᠤᠷ ᠰᠠᠪᠰᠠᠨ | ᠮᠦᠷᠬᠦ ᠬᠡᠯᠳᠡᠭᠡ ᠵᠢᠭᠠᠰᠦ ᠨᠢ ᠵᠠᠮᠠᠭ ᠳᠤᠭᠤᠤᠷ ᠨᠦᠢᠷᠮᠤᠭᠯᠠᠨᠠ | ᠬᠤᠳᠠ ᠳᠦᠭᠦᠷᠡᠩ ᠬᠤᠨᠢᠳ ᠲᠠᠶᠢᠪᠤᠭᠤ ᠰᠢᠬᠠᠯᠴᠠᠨ ᠢᠷᠠᠭᠠᠯᠠᠨ | ᠬᠤᠯᠠᠩ ᠤᠨ ᠴᠡᠩᠭᠡᠷ ᠤᠳᠤᠭᠠᠨ ᠢᠶᠠᠷ ᠡᠷᠳᠡ ᠶᠢᠨ ᠴᠠᠢ ᠠᠩᠬᠢᠯᠤᠨ | ᠬᠤᠳᠠᠴᠢ ᠨᠤᠬᠠᠢ ᠭᠦᠷᠪᠡᠨ ᠪᠦᠮᠪᠦᠷᠢᠵᠦ ᠡᠵᠡᠨ ᠢᠶᠠᠨ ᠡᠷᠭᠢᠴᠡᠨ | ᠬᠤᠯᠠᠬᠢ ᠰᠢᠯᠢ ᠶᠢᠨ ᠡᠭᠡᠪᠦᠷ ᠢᠶᠠᠷ ᠠᠳᠤᠭᠤᠳ ᠲᠤᠷᠭᠢᠯᠳᠤᠨ | ᠬᠤᠷᠠᠭᠰᠠᠨ ᠴᠠᠰᠦᠨ ᠤ ᠢᠪᠡᠷᠡᠭᠡᠨ ᠢᠶᠠᠷ ᠵᠠᠮ ᠮᠦᠷ ᠬᠠᠰᠢᠭᠳᠠᠨ | ᠬᠤᠯᠠ ᠵᠤᠷᠢᠭᠰᠠᠨ ᠠᠶᠠᠨᠴᠢᠨ ᠢ ᠵᠦᠳᠡᠭᠦᠷᠢ ᠭᠠᠴᠢᠭᠳᠠᠯ ᠤᠷᠢᠶᠠᠭᠰᠠᠨ ᠴᠦ | ᠬᠤᠰᠤᠨ ᠤᠢ ᠶᠢᠨ ᠳᠤᠮᠳᠠᠭᠤᠷ ᠳᠡᠷᠭᠡᠨ ᠵᠦᠷᠢᠭ ᠵᠤᠷᠠᠶᠢᠨ | ᠬᠤᠨᠤᠵᠦ ᠦᠨᠵᠢᠬᠦ ᠠᠨᠳᠠ ᠶᠢᠨ ᠰᠡᠳᠭᠢᠯ ᠤᠨ ᠰᠤᠨᠳᠤᠷ ᠬᠡᠯᠬᠢᠨᠡ | ᠠᠯᠳᠠᠨ ᠬᠢᠯᠢ ᠶᠢᠨ ᠬᠤᠶᠢᠮᠤᠷ ᠲᠤ ᠠᠩᠬᠠᠨ ᠤ ᠤᠯᠠᠷᠢᠯ ᠰᠠᠭᠠᠳᠤᠨ | ᠠᠭᠯᠠᠭ ᠬᠦᠨᠳᠡᠢ ᠨᠤᠳᠤᠭ ᠢᠶᠠᠷ ᠠᠮᠤᠭᠤᠯᠠᠩ ᠡᠪᠦᠯᠵᠡᠭᠡ ᠰᠠᠭᠤᠷᠢᠰᠢᠨ | ᠠᠭᠠᠷ ᠳᠤᠯᠭᠢᠶ ᠡ ᠰᠦᠯᠵᠢᠶᠠᠨ ᠢᠶᠠᠷ ᠴᠡᠭᠡᠨ ᠳᠡᠯᠭᠡᠴᠡ ᠨᠡᠭᠡᠭᠡᠭᠳᠡᠭᠰᠡᠭᠡᠷ | ᠠᠯᠤᠰ ᠳᠤᠷᠤᠨᠠᠳᠤ ᠶᠢᠨ ᠰᠤᠷᠠᠭ ᠢ ᠰᠤᠨᠤᠷ ᠪᠠᠶᠠᠰᠬᠠᠨ ᠮᠠᠳᠡᠭᠡᠯᠡᠨᠡ | ᠮᠦᠡᠭᠭᠦᠨ ᠡᠪᠦᠯ ᠤᠨ ᠴᠠᠰᠤ ᠮᠦᠰᠦᠨ ᠬᠦᠷᠮᠡ ᠪᠤᠯᠵᠦ ᠬᠤᠴᠢᠨ | ᠮᠡᠨᠳᠤ ᠶᠢᠨ ᠵᠠᠶᠠᠭᠠᠳᠤ ᠡᠬᠡ ᠤᠷᠤᠨ ᠲᠦᠢᠯ ᠤᠨ ᠲᠤᠶᠠᠭᠠ ᠬᠡᠶᠢᠨᠡ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠳᠡᠪᠰᠡᠭ ᠰᠤᠷᠭᠠᠭᠤᠯᠢ |