| ᠪᠤᠷᠵᠢᠬᠢᠨ ᠨᠠᠷᠠᠨᠴᠤᠭᠲᠤ | ᠡᠬᠡ ᠭᠠᠵᠠᠷ ᠤᠨ ᠵᠠᠭᠠᠮᠠ ᠪᠤᠯᠤᠭᠰᠠᠨ ᠠᠯᠳᠠᠨ ᠬᠢᠩᠭᠠᠨ ᠨᠢᠷᠤᠭᠤᠨ ᠤ | ᠡᠷᠬᠡ ᠬᠤᠩᠭᠤᠷ ᠤᠯᠠᠷᠢᠯ ᠨᠢ ᠰᠢᠷᠭᠠᠯ ᠡᠮᠵᠢᠶᠡᠷᠢ ᠪᠠᠨ ᠳᠠᠳᠠᠭᠰᠠᠭᠠᠷ | ᠢᠰᠬᠢᠷᠡᠬᠦ ᠤᠮᠠᠷᠠ ᠰᠠᠯᠬᠢᠨ ᠤ ᠬᠦᠬᠡᠮᠡᠢ ᠠᠶᠠᠯᠭᠤ ᠰᠢᠷᠤᠩᠬᠠᠶᠢᠯᠠᠨ | ᠢᠪᠡᠨ ᠳᠠᠷᠤᠬᠤ ᠴᠠᠰᠤᠨ ᠢᠶᠠᠷ ᠬᠦᠬᠡᠬᠡ ᠰᠠᠷᠠ ᠪᠠᠨ ᠤᠭᠳᠤᠬᠤᠢ | ᠠᠷᠠᠰᠤᠨ ᠳᠡᠪᠡᠯᠲᠦ ᠠᠩᠴᠢᠨ ᠤ ᠤᠯᠪᠠᠭᠠ ᠵᠦᠷᠢᠭ ᠪᠠᠯᠠᠷᠠᠨ | ᠠᠩᠬᠠ ᠡᠷᠲᠡ ᠨᠡᠬᠦᠳᠡᠯ ᠤᠨ ᠴᠤᠪᠤᠭᠠ ᠵᠢᠮ ᠴᠤᠴᠠᠷᠠᠭᠰᠠᠭᠠᠷ | ᠠᠭᠯᠠᠭ ᠬᠦᠨ ᠰᠢᠭᠤᠢ ᠲᠤᠮᠳᠠ ᠠᠴᠠ ᠪᠤᠭᠤ ᠶᠢᠨ ᠦᠷᠦᠮᠳᠦᠯ ᠲᠤᠭᠤᠯᠳᠤᠨ | ᠠᠯᠢᠶᠠ ᠳᠠᠥᠯᠠᠢ ᠶᠢᠨ ᠴᠢᠬᠢ ᠪᠤᠳᠠ ᠶᠢᠨ ᠳᠠᠯᠳᠠ ᠠᠴᠠ ᠳᠡᠯᠳᠡᠶᠢᠨᠡ | ᠡᠬᠡ ᠤᠷᠤᠨ ᠤ ᠬᠢᠯᠢ ᠨᠤᠳᠤᠭ ᠡᠪᠦᠯ ᠤᠨ ᠲᠤᠶᠢᠯ ᠢᠶᠠᠷ ᠬᠠᠨᠠᠷᠠᠬᠤ ᠳᠤ | ᠡᠩᠬᠡ ᠤᠨᠳᠤᠷᠤᠭᠰᠠᠨ ᠰᠠᠭᠤᠷᠢᠰᠢᠯ ᠳᠤ ᠡᠬᠡ ᠶᠢᠨ ᠪᠦᠪᠡᠢ ᠤᠶᠠᠩᠭᠠᠷᠠᠨ | ᠡᠷᠡᠮᠡᠬᠡᠢ ᠰᠢᠯᠦᠬᠦᠰᠦ ᠰᠤᠴᠢᠭᠰᠠᠨ ᠮᠠᠯᠤᠷ ᠰᠤᠨᠤᠷ ᠬᠠᠶᠢᠵᠦ ᠰᠦᠯᠵᠢᠯᠳᠦᠨ | ᠡᠩᠬᠦᠷᠡᠢ ᠨᠢᠯᠬᠠ ᠦᠨᠡᠬᠡᠴᠢᠯᠡᠨ ᠵᠡᠬᠦᠳᠦᠯᠡᠨ ᠵᠤᠮᠠᠰ ᠵᠤᠮᠠᠰ ᠢᠨᠢᠶᠡᠨᠡ | ᠬᠢᠩᠭᠠᠨ ᠨᠢᠷᠤᠭᠤᠨ ᠤ ᠬᠠᠬᠢᠷ ᠡᠪᠦᠯ ᠯᠠᠪᠰᠠᠬᠤ ᠴᠠᠰᠤᠨ ᠢᠶᠠᠷ ᠨᠠᠰᠢᠯᠠᠨ | ᠬᠢᠯᠢ ᠨᠤᠳᠤᠭ ᠪᠠᠶᠢᠭᠠᠯᠢ ᠶᠢ ᠲᠠᠭᠠᠨ ᠤᠯᠠᠷᠢᠯ ᠢᠶᠠᠨ ᠰᠡᠯᠬᠦᠭᠰᠡᠭᠡᠷ | ᠬᠢᠬᠤᠨᠠᠬᠤ ᠬᠦᠢᠳᠡᠨ ᠳᠤ ᠪᠠᠨ ᠬᠤᠷᠸᠠ ᠵᠢᠮᠡ ᠪᠠᠨ ᠳᠠᠪᠳᠠᠭᠰᠠᠭᠠᠷ | ᠬᠡᠶᠢᠮᠤᠷᠢ ᠵᠤᠯᠢ ᠳᠡᠭᠵᠢᠬᠦᠯᠦᠨ ᠮᠠᠬᠠᠪᠤᠳ ᠴᠤᠭᠴᠠᠰ ᠢ ᠰᠡᠯᠪᠢᠬᠦᠯᠦᠨᠡ | ᠮᠦᠩᠬᠦᠨ ᠡᠪᠦᠯ ᠤᠨ ᠴᠠᠰᠦ ᠮᠦᠰᠦᠨ ᠬᠦᠷᠮᠡ ᠪᠤᠯᠵᠦ ᠬᠤᠴᠢᠨ | ᠮᠡᠨᠳᠦ ᠶᠢᠨ ᠵᠠᠶᠠᠭᠠᠳᠦ ᠡᠬᠡ ᠤᠷᠤᠨ ᠲᠤᠶᠢᠯ ᠤᠨ ᠲᠤᠶᠠᠭᠠ ᠬᠡᠶᠢᠨᠡ | ᠮᠦᠩᠬᠡ ᠨᠠᠷᠠᠰᠤᠨ ᠤᠢ ᠠᠴᠠ ᠵᠦᠷ ᠭᠤᠷ ᠬᠤᠴᠠᠨ ᠴᠢᠮᠡᠭᠡᠯᠡᠨ | ᠮᠦᠴᠢᠷ ᠨᠠᠮᠠᠭᠠ ᠶᠢᠨ ᠳᠡᠭᠡᠭᠦᠷ ᠴᠠᠰᠤᠨ ᠴᠡᠴᠡᠭ ᠲᠤᠬᠢᠯᠵᠠᠨ | ᠮᠤᠷᠤᠯᠵᠠᠨ ᠤᠷᠤᠰᠬᠤ ᠬᠠᠷᠠᠵᠠ ᠠᠴᠠ ᠬᠦᠢᠳᠡᠨ ᠠᠭᠤᠷ ᠰᠡᠪᠰᠡᠨ | ᠮᠦᠷᠬᠦ ᠬᠡᠯᠳᠡᠭᠡ ᠵᠢᠭᠠᠰᠦ ᠨᠢ ᠵᠠᠮᠠᠭ ᠲᠤᠭᠤᠤᠷ ᠨᠤᠶᠢᠷᠮᠤᠭᠯᠠᠨᠠ | ᠬᠤᠲᠠ ᠳᠦᠬᠦᠷᠡᠩ ᠬᠤᠨᠢᠳ ᠳᠠᠶᠢᠪᠤᠭᠤ ᠰᠢᠬᠠᠯᠴᠠᠨ ᠢᠷᠭᠠᠯᠠᠨ | ᠬᠤᠯᠠᠩ ᠤᠨ ᠴᠡᠩᠬᠡᠷ ᠤᠳᠤᠭᠠᠨ ᠢᠶᠠᠷ ᠡᠷᠳᠡ ᠶᠢᠨ ᠴᠠᠢ ᠠᠩᠬᠢᠯᠤᠨ | ᠬᠤᠳᠠᠴᠢ ᠨᠤᠬᠠᠢ ᠬᠦᠷᠪᠡᠨ ᠪᠦᠮᠪᠦᠷᠢᠵᠦ ᠡᠵᠡᠨ ᠢᠶᠠᠨ ᠡᠷᠬᠢᠴᠡᠨ | ᠬᠤᠯᠠᠬᠢ ᠰᠢᠯᠢ ᠶᠢᠨ ᠡᠬᠦᠪᠤᠷ ᠢᠶᠠᠷ ᠠᠳᠤᠭᠤᠳ ᠲᠤᠷᠬᠢᠯᠳᠤᠨ | ᠬᠠᠷᠠᠭᠰᠠᠨ ᠴᠠᠰᠤᠨ ᠤ ᠢᠪᠡᠷᠡᠭᠡᠨ ᠢᠶᠠᠷ ᠵᠠᠮ ᠮᠦᠷ ᠬᠠᠰᠢᠭᠳᠠᠨ | ᠬᠤᠯᠠ ᠵᠤᠷᠢᠭᠰᠠᠨ ᠠᠶᠠᠨᠴᠢᠨ ᠢ ᠵᠦᠳᠡᠭᠦᠷᠢ ᠭᠠᠴᠢᠭᠳᠠᠯ ᠤᠷᠢᠶᠠᠭᠰᠠᠨ ᠴᠦ | ᠬᠤᠰᠦᠨ ᠤᠢ ᠶᠢᠨ ᠲᠤᠮᠳᠠᠭᠤᠷ ᠳᠡᠷᠬᠡᠨ ᠵᠦᠷᠢᠭ ᠵᠤᠷᠠᠶᠢᠨ | ᠬᠤᠨᠤᠵᠦ ᠦᠨᠵᠢᠬᠦ ᠠᠨᠳᠠ ᠶᠢᠨ ᠰᠡᠳᠬᠢᠯ ᠤᠨ ᠰᠤᠨᠳᠤᠷ ᠬᠡᠯᠬᠢᠨᠡ | ᠠᠯᠳᠠᠨ ᠬᠢᠯᠢ ᠶᠢᠨ ᠬᠤᠶᠢᠮᠤᠷ ᠲᠤ ᠠᠩᠬᠠᠨ ᠤ ᠤᠯᠠᠷᠢᠯ ᠰᠠᠭᠠᠳᠤᠨ | ᠠᠭᠯᠠᠭ ᠬᠦᠨᠳᠡᠢ ᠨᠤᠲᠤᠭ ᠢᠶᠠᠷ ᠠᠮᠤᠭᠤᠯᠠᠩ ᠡᠪᠦᠯᠵᠡᠭᠡ ᠰᠠᠭᠤᠷᠢᠰᠢᠨ | ᠠᠭᠠᠷ ᠲᠤᠯᠬᠢᠶᠠ ᠰᠦᠯᠵᠢᠶᠡᠨ ᠢᠶᠠᠷ ᠴᠡᠬᠡᠨ ᠳᠡᠯᠭᠡᠴᠡ ᠨᠡᠬᠡᠬᠡᠭᠳᠡᠭᠰᠡᠭᠡᠷ | ᠠᠯᠦᠰ ᠲᠤᠷᠤᠨᠠᠲᠦ ᠶᠢᠨ ᠰᠤᠷᠠᠭ ᠢ ᠰᠤᠨᠤᠷ ᠪᠠᠶᠠᠰᠬᠠᠨ ᠮᠡᠳᠡᠭᠡᠯᠡᠨᠡ | ᠮᠦᠩᠬᠦᠨ ᠡᠪᠦᠯ ᠤᠨ ᠴᠠᠰᠦ ᠮᠦᠰᠦᠨ ᠬᠦᠷᠮᠡ ᠪᠤᠯᠵᠦ ᠬᠤᠴᠢᠨ | ᠮᠡᠨᠳᠦ ᠶᠢᠨ ᠵᠠᠶᠠᠭᠠᠲᠦ ᠡᠬᠡ ᠤᠷᠤᠨ ᠲᠤᠶᠢᠯ ᠤᠨ ᠲᠤᠶᠠᠭᠠ ᠬᠡᠶᠢᠨᠡ |