| ︵ᠠᠴᠢᠲᠦ ᠡᠵᠢ ᠶᠢᠨ ᠭᠡᠭᠡᠨ ᠲᠤᠷᠠᠳᠬᠠᠯ ᠳᠤ︶ | ᠪᠤᠷᠵᠢᠬᠢᠨ ᠨᠠᠷᠠᠨᠴᠤᠭᠲᠤ | ᠡᠩᠬᠡ ᠶᠢᠨ ᠨᠤᠭᠤᠭᠠᠨ ᠲᠠᠯᠠ ᠬᠤᠷᠠ ᠪᠠᠷ ᠲᠤᠲᠠᠨᠠ | ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠮᠢᠨᠢ ᠡᠵᠡᠨ ᠢᠶᠠᠷ ᠲᠤᠲᠠᠨᠠ | ᠡᠩᠬᠦᠷᠡᠢ ᠪᠦᠪᠡᠢ ᠶᠢᠨ ᠠᠷᠭᠠᠳᠠᠯ ᠢᠨᠢᠶᠡᠲᠦ ᠪᠠᠷ ᠲᠤᠲᠠᠨᠠ | ᠡᠩᠰᠡᠷᠡᠬᠦ ᠵᠦᠭᠡᠯᠡᠨ ᠰᠡᠳᠬᠢᠯ ᠮᠢᠨᠢ ᠬᠠᠶᠢᠷᠠ ᠪᠠᠷ ᠲᠤᠲᠠᠨᠠ ᠡ | ᠰᠠᠭᠠᠯᠢ ᠶᠢᠨ ᠦᠷᠯᠦᠭᠡ ᠶᠢᠨ ᠨᠠᠪᠴᠢᠨ ᠰᠢᠬᠦᠳᠡᠷᠢ ᠰᠢᠭ | ᠰᠠᠴᠤᠭᠳᠠᠨ ᠪᠦᠮᠪᠦᠷᠢᠭᠰᠡᠨ ᠳᠤᠷᠠᠰᠤᠮᠵᠢ ᠶᠢᠨ ᠨᠢᠯᠪᠤᠰᠦ ᠮᠢᠨᠢ | ᠰᠠᠭᠠᠭᠰᠠᠨ ᠰᠥ ᠶᠢᠨ ᠬᠢᠨᠢ ᠰᠢᠬᠢᠷᠯᠢᠭ ᠠᠮᠳᠠ ᠪᠠᠷ | ᠽᠠᠮᠪᠤᠯᠢᠩ ᠤᠨ ᠡᠯᠢᠭᠡᠨ ᠳᠤ ᠰᠡᠷᠡᠯ ᠢ ᠬᠦᠨᠳᠡᠬᠦ ᠰᠢᠭ | ᠨᠠᠷᠠᠯᠠᠭ ᠡᠲᠦᠷ ᠤᠨ ᠴᠡᠴᠡᠭᠲᠦ ᠪᠡᠯᠴᠢᠭᠡᠷ ᠲᠤ ᠪᠠᠨ | ᠨᠠᠳᠬᠤᠨ ᠬᠦᠶᠦᠭᠰᠡᠨ ᠲᠤᠭᠤᠯ ᠢᠶᠠᠨ ᠰᠠᠷᠠᠪᠴᠢᠯᠠᠬᠤ ᠰᠢᠭ᠋ | ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠨ ᠮᠢᠨᠢ ᠪᠦᠷᠦᠯᠵᠡᠭᠰᠡᠨ ᠪᠠᠷᠠ | ᠨᠠᠭᠠᠰᠢᠯᠠᠵᠦ ᠪᠠᠶᠢᠬᠤ ᠰᠢᠭ᠋ ᠬᠠᠷᠠᠭᠳᠠᠭᠠᠳ ᠪᠠᠶᠢᠮᠠᠷ ᠡ | ᠰᠡᠮᠡᠶᠢᠭᠰᠡᠨ ᠯᠠ ᠶᠢᠨ ᠪᠦᠳᠡᠬᠢ ᠬᠡᠷᠡᠯ ᠳᠤ ᠪᠠᠨ | ᠰᠠᠷᠠ ᠳᠡᠯᠳᠡᠷᠡᠲᠡᠯᠡ ᠦᠢᠯᠡ ᠪᠠᠨ ᠤᠶᠤᠭᠰᠠᠭᠠᠷ | ᠦᠯᠦᠰᠬᠦ ᠪᠤᠯᠭᠤᠵᠠᠢ ᠬᠡᠮᠡᠨ ᠦᠷᠡ ᠪᠠᠨ ᠡᠨᠡᠷᠢᠭᠰᠡᠬᠡᠷ | ᠦᠷᠯᠦᠭᠡ ᠦᠳᠡᠰᠢ ᠪᠠᠷ ᠮᠤᠩᠭᠠᠨᠢᠨ ᠶᠠᠭᠠᠷᠠᠭᠰᠠᠭᠠᠷ | ᠡᠪᠡᠢ ᠡᠵᠢ ᠮᠢᠨᠢ ᠠᠷᠭᠠᠯ ᠢᠶᠠᠨ ᠬᠤᠷᠮᠤᠶᠢᠯᠠᠨ | ᠡᠷᠢᠨ ᠤ ᠲᠤᠭᠤᠰᠤᠨ ᠳᠤ ᠵᠦᠳᠡᠯ ᠢᠶᠠᠨ ᠠᠴᠢᠭᠰᠠᠭᠠᠷ | ᠡᠷᠡᠭᠦᠯ ᠤᠷᠴᠢᠯᠠᠩ ᠤᠨ ᠰᠠᠶᠢᠨ ᠤ ᠢᠷᠦᠭᠡᠯ ᠢᠶᠠᠷ | ᠡᠰᠡᠨᠢᠬᠦ ᠤᠨᠳᠤᠷᠤᠯ ᠤᠨ ᠭᠡᠭᠡ ᠶᠢ ᠤᠯᠭᠤᠭᠰᠠᠨ ᠡ | ᠬᠦᠮᠦᠨ ᠤᠨ ᠶᠢᠷᠲᠢᠨᠴᠦ ᠳᠤ ᠮᠦᠰᠦ ᠲᠠᠢ ᠶᠠᠪᠤᠬᠤ ᠶᠢᠨ | ᠬᠦᠦ ᠶᠢᠨ ᠮᠠᠷᠭᠠᠰᠢ ᠶᠢ ᠬᠦᠯᠢᠶᠡᠭᠰᠡᠭᠡᠷ ᠨᠠᠰᠤᠵᠢᠭᠰᠠᠨ | ᠬᠦᠭᠰᠢᠨ ᠪᠤᠭᠤᠷᠤᠯ ᠡᠵᠢ ᠶᠢᠨ ᠢᠶᠠᠨ ᠵᠢᠳᠭᠦᠯ ᠢ | ᠬᠦᠨᠳᠦᠯᠡᠵᠦ ᠡᠷᠬᠢᠴᠡᠭᠦᠯᠬᠦ ᠳᠤ ᠬᠠᠷᠠᠮᠰᠠᠮᠠᠷ ᠰᠠᠨᠠᠭᠳᠠᠨᠠ | ᠠᠵᠢᠯᠴᠢ ᠵᠦᠭᠡᠢ ᠰᠢᠭ ᠠᠮᠢᠳᠤᠷᠠᠯ ᠳᠤ ᠮᠤᠩᠭᠠᠨᠢᠭᠰᠠᠨ | ᠠᠴᠢᠳᠠᠨ ᠪᠤᠭᠤᠷᠤᠯ ᠡᠵᠢ ᠶᠢ ᠪᠠᠨ ᠰᠠᠨᠠᠬᠤ ᠳᠤ | ᠠᠯᠠᠭ ᠬᠤᠷᠸᠠ ᠳᠤ ᠲᠦᠰᠢᠯᠭᠡ ᠡᠵᠡᠭᠦᠶᠢᠷᠡᠨ | ᠠᠴᠢᠷ ᠦᠷᠡ ᠮᠢᠨᠢ ᠨᠢᠯᠪᠤᠰᠤᠷᠠᠭᠠᠳ ᠪᠠᠶᠢᠨᠠ ᠡ | ᠡᠷᠳᠡᠨᠢᠲᠦ ᠴᠤᠭᠴᠠᠰ ᠨᠢ ᠡᠬᠡ ᠭᠠᠵᠠᠷ ᠲᠤ ᠪᠠᠨ | ᠡᠩᠬᠡ ᠮᠡᠨᠳᠦ ᠪᠠᠷ ᠰᠢᠩᠬᠡᠬᠦ ᠶᠢᠨ ᠵᠢᠮᠡ ᠪᠠᠷ | ᠡᠵᠢ ᠰᠢᠲᠦᠭᠡᠨ ᠠᠴᠢᠯᠠᠯ ᠤᠨ ᠳᠡᠯᠡᠬᠡᠢ ᠮᠢᠨᠢ | ᠡᠷᠬᠢᠰᠢ ᠦᠬᠡᠢ ᠪᠤᠴᠠᠭᠰᠠᠨ ᠮᠦᠩᠬᠡ ᠲᠤᠷᠠᠳᠬᠠᠯ ᠡ | ᠡᠵᠢ ᠮᠢᠨᠢ ᠪᠠᠶᠢᠭᠰᠠᠨ ᠢᠶᠠᠷ ᠡᠷᠡ ᠪᠡᠶᠡ ᠲᠤᠷᠨᠢᠭᠰᠠᠨ | ᠡᠬᠡ ᠬᠡᠯᠡᠨ ᠤ ᠬᠦᠷᠦᠰᠦᠨ ᠳᠤ ᠤᠷᠠᠯᠢᠭ ᠤᠨ ᠵᠠᠮ ᠲᠠᠢ | ᠡᠵᠢ ᠶᠢᠨ ᠬᠠᠶᠢᠷᠠ ᠪᠠᠷ ᠤᠬᠠᠭᠠ ᠪᠤᠳᠤᠯ ᠳᠡᠬᠦᠯᠳᠡᠷᠵᠢᠭᠰᠡᠨ | ᠡᠩᠬᠦᠷᠡᠢ ᠬᠤᠶᠢᠴᠢᠰ ᠲᠤ ᠦᠭᠬᠢᠶᠡᠮᠤᠷ ᠵᠢᠳᠭᠦᠯ ᠲᠠᠢ ᠡ | ᠪᠤᠳᠢᠰᠳᠢᠸᠠ ᠳᠤ ᠵᠠᠯᠪᠠᠷᠢᠨ ᠡᠷᠢᠬᠡ ᠪᠠᠨ ᠲᠤᠭᠠᠯᠠᠬᠤ | ᠪᠤᠭᠤᠷᠤᠯ ᠡᠵᠢ ᠶᠢᠨ ᠮᠢᠨᠢ ᠠᠷᠢᠭᠤᠨ ᠰᠦᠨᠡᠰᠦ ᠲᠠᠨᠢ | ᠪᠤᠳᠠᠯᠠᠩ ᠤᠨ ᠤᠷᠤᠨ ᠤ ᠨᠤᠮ ᠤᠨ ᠳᠠᠭᠤᠨ ᠢᠶᠠᠷ | ᠪᠤᠶᠠᠨᠲᠤ ᠨᠤᠲᠤᠭ ᠲᠠᠭᠠᠨ ᠠᠬᠢᠭᠠᠳ ᠮᠡᠨᠳᠤᠯᠠᠭᠡᠰᠡᠢ | |