ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠵᠠᠰᠠᠭᠲᠤ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠤᠶᠤᠳᠠᠯ ᠬᠠᠳᠬᠤᠮᠠᠯ ᠤᠨ ᠤᠨᠴᠠᠯᠢᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/5/20
  ᠵᠠᠰᠠᠭᠲᠤ ᠮᠤᠩᠭᠤᠯᠴᠤᠳ ᠤᠨ ᠡᠷᠲᠡᠨ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠦᠢᠯᠡ ᠤᠶᠤᠳᠠᠯ ᠤᠨ ᠠᠵᠢᠯ ᠬᠦᠳᠡᠯᠮᠤᠷᠢ ᠨᠢ ᠦᠪᠡᠷ ᠤᠨ ᠭᠡᠰᠡᠨ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠮᠤᠩᠭᠤᠯᠴᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ᠂ ᠰᠤᠶᠤᠯ ᠤᠬᠠᠭᠠᠨ᠂ ᠵᠠᠩ ᠠᠭᠠᠯᠢ ᠶᠢᠨ ᠳᠠᠯᠠᠢ ᠪᠠᠶᠠᠨ ᠰᠠᠩ ᠳᠤ ᠪᠡᠶ᠎ᠡ᠂ ᠤᠶᠤᠨ ᠤ ᠬᠦᠳᠡᠯᠮᠤᠷᠢ ᠶᠢᠨ ᠨᠢᠭᠡᠲᠤᠯ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ ᠴᠢᠬᠤᠯᠠ ᠰᠤᠶᠤᠯ ᠤᠨ ᠬᠡᠰᠡᠭ ᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠵᠠᠰᠠᠭᠲᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠤᠶᠤᠳᠠᠯ ᠤᠷᠠᠯᠠᠯ ᠨᠢ ᠤᠷᠴᠢᠨ ᠪᠠᠶᠢᠭᠠᠯᠢ᠂ ᠤᠷᠤᠨ ᠨᠤᠲᠤᠭ᠂ ᠠᠮᠢᠳᠤᠷᠠᠯ ᠠᠬᠤᠢ ᠳᠠᠭᠠᠨ ᠵᠤᠬᠢᠴᠠᠭᠰᠠᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠰᠢᠨᠵᠢᠲᠡᠢ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠬᠤᠪᠴᠠᠰᠦ ᠬᠤᠨᠠᠷ᠂ ᠭᠤᠲᠤᠯ ᠮᠠᠯᠠᠭᠠᠢ ᠶᠢᠨ ᠤᠶᠤᠳᠠᠯ ᠤᠷᠠᠯᠠᠯ ᠨᠢ ᠤᠯᠠᠷᠢᠯ ᠳᠠᠭᠠᠭᠰᠠᠨ ᠤᠷᠠᠯᠠᠯ ᠤᠨ ᠰᠢᠨᠵᠢ ᠢᠯᠭᠠᠭ᠎ᠠ ᠲᠠᠢ ᠪᠦᠭᠡᠳ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ᠂ ᠡᠪᠦᠭᠡᠳ ᠨᠠᠰᠤᠲᠠᠨ᠂ ᠬᠡᠥᠬᠡᠳ ᠨᠢᠯᠬᠠᠰ᠂ ᠦᠬᠢᠳ ᠪᠡᠷᠢᠶᠡᠳ ᠬᠡᠬᠦ ᠵᠡᠷᠭᠡ ᠪᠡᠯᠭᠡ ᠴᠢᠨᠠᠷ᠂ ᠨᠠᠰᠤ ᠵᠢᠯ ᠤᠨ ᠢᠯᠭᠠᠭ᠎ᠠ ᠪᠠᠷ ᠲᠤᠲᠤᠷᠬᠠᠢ ᠵᠦᠷᠢᠶᠡᠨ ᠲᠠᠢ ᠪᠠᠶᠢᠳᠠᠭ᠃   ᠵᠠᠰᠠᠭᠲᠤ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠬᠢᠩᠭᠠᠨ ᠨᠢᠷᠤᠭᠤᠨ ᠤ ᠬᠠᠩᠭᠠᠢ ᠨᠤᠲᠤᠭ ᠲᠠᠭᠠᠨ ᠵᠤᠬᠢᠴᠠᠭᠰᠠᠨ ᠲᠤᠭᠤᠴᠢᠶᠠᠷ ᠂ ᠰᠢᠭᠯᠠᠭᠠᠷᠢ᠂ ᠰᠢᠷᠢᠮᠡᠯ᠂ ᠤᠷᠢᠶᠠᠮᠠᠯ᠂ ᠨᠠᠭᠠᠮᠠᠯ ᠬᠡᠬᠦ ᠮᠡᠲᠦ ᠶᠢᠨ ᠤᠶᠤᠳᠠᠯ ᠤᠷᠠᠯᠠᠯ ᠤᠨ ᠤᠷ᠎ᠠ ᠳᠡᠮ ᠲᠠᠢ ᠪᠠᠶᠢᠳᠠᠭ ᠪᠦᠬᠡᠳ ᠡᠷᠲᠡᠨ ᠤ ᠮᠠᠨᠵᠦ ᠮᠤᠩᠭᠤᠯ ᠬᠤᠶᠠᠷ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠤᠨ ᠰᠤᠶᠤᠯ ᠤᠨ ᠠᠭᠤᠰᠤᠯᠳᠤᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠡᠯᠭᠡ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠪᠦᠰᠡᠬᠦᠢ ᠬᠦᠮᠦᠨ  ᠤ ᠵᠠᠰᠠᠯ ᠤᠨ ᠰᠡᠭᠦᠯᠬᠡ ᠲᠠᠢ ᠳᠡᠪᠡᠯ᠂ ᠳᠠᠩ᠂ ᠳᠠᠪᠬᠤᠷ ᠬᠠᠮᠠᠷᠲᠠᠢ ᠱᠠᠬᠠᠢ᠂ ᠵᠠᠰᠠᠭᠲᠤ ᠮᠤᠩᠭᠤᠯ ᠭᠤᠲᠤᠯ ︵ᠬᠠᠮ ᠭᠤᠲᠤᠯ︶ ᠤᠨ ᠬᠡᠯᠪᠡᠷᠢ ᠵᠡᠷᠭᠡ ᠳᠡᠭᠡᠷ᠎ᠡ ᠢᠯᠡᠷᠡᠵᠦ ᠪᠠᠶᠢᠳᠠᠭ᠃   ᠵᠠᠰᠠᠭᠲᠤ ᠪᠦᠰᠡᠭᠦᠢ ᠬᠡᠥᠬᠡᠨᠴᠤᠳ ᠤᠨ ᠤᠶᠤᠳᠠᠯ ᠤᠷᠠᠯᠠᠯ ᠳᠤ ᠬᠡᠷᠡᠭᠯᠡᠳᠡᠭ ᠤᠯᠠᠮᠵᠢᠯᠠᠯᠲᠦ ᠬᠡ ᠤᠭᠠᠯᠵᠠ ᠪᠠ ᠦᠯᠢᠬᠡᠷ ᠵᠢᠷᠤᠭ ᠲᠤ ᠮᠤᠩᠭᠤᠯ ᠤᠷᠤᠨ ᠳᠤ ᠨᠡᠶᠢᠳᠡᠮ ᠬᠠᠷᠠᠭᠳᠠᠳᠠᠭ ᠡᠷᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠬᠡ ᠤᠭᠠᠯᠵᠠ ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨ᠎ᠠ᠂ ᠪᠠᠰᠠ ᠵᠦᠪᠬᠡᠨ ᠵᠠᠰᠠᠭᠲᠤ ᠨᠤᠲᠤᠭ ᠲᠤ ᠯᠠ ᠬᠠᠷᠠᠭᠲᠠᠲᠠᠭ ᠦᠪᠡᠷᠮᠢᠴᠡ ᠬᠡ ᠤᠭᠠᠯᠵᠠ᠂ ᠵᠢᠷᠤᠭ ᠦᠯᠢᠭᠡᠷ ᠤᠳ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠡᠷᠬᠡᠲᠡᠨ ᠭᠠᠷ᠂ ᠬᠡᠶᠢᠯᠤᠩ ᠠᠨᠠᠷ ᠵᠡᠷᠭᠡ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ ᠵᠠᠰᠠᠭᠲᠤ ᠮᠠᠶ᠋ᠢᠭ ᠤᠨ ᠡᠬᠦᠯᠡ᠂ ᠤᠰᠤᠨ ᠬᠡ᠂ ᠡᠷᠪᠡᠬᠡᠢ᠂ ᠰᠡᠷᠢᠰᠤᠨ ᠪᠠᠭᠪᠠᠭ᠋ᠠᠢ ᠶᠢᠨ ᠤᠷᠠᠯᠠᠯ ᠵᠢᠷᠤᠭ ᠪᠠᠶᠢᠬᠤ ᠪᠦᠬᠡᠳ ᠤᠯᠠᠮᠵᠢᠯᠠᠯᠲᠤ ᠦᠰᠦᠭ ᠤᠨ ᠬᠡ᠂ ᠲᠦᠮᠡᠨ ᠨᠠᠰᠤᠲᠤ ᠬᠡ᠂ ᠦᠯᠵᠡᠢ ᠬᠡ᠂ ᠬᠠᠰᠲᠤ ᠬᠡ᠂ ᠯᠠᠨᠵᠠ ᠬᠡ᠂ ᠪᠦᠥᠵᠡ ᠬᠡ᠂ ᠲᠤᠭᠤᠢ ᠬᠡ᠂ ᠵᠤᠭᠤᠰᠤᠨ ᠬᠡ᠂ ᠬᠠᠰ ᠳᠠᠮᠠᠭᠠᠨ ᠬᠡ ᠵᠡᠷᠭᠡ ᠶᠢ ᠮᠠᠰᠢ ᠠᠮᠢᠳᠤᠯᠢᠭ ᠮᠦᠷᠲᠡᠭᠡᠨ ᠪᠦᠲᠦᠭᠡᠯᠴᠢ ᠪᠠᠷ ᠵᠤᠬᠢᠴᠠᠭᠤᠯᠤᠨ ᠭᠤᠶᠤ ᠰᠠᠶᠢᠬᠠᠨ ᠤᠶᠠᠯᠳᠤᠭᠤᠯᠤᠨ ᠤᠷᠠᠯᠠᠳᠠᠭ᠃ ᠬᠠᠳᠬᠤᠮᠠᠯ ᠨᠠᠭᠠᠮᠠᠯ ᠤᠷᠠᠯᠠᠯ ᠤᠶᠤᠳᠠᠯ ᠳᠤ ᠦᠪᠦᠷ ᠮᠤᠩᠭᠤᠯ ᠳᠤ ᠨᠡᠶᠢᠳᠡᠮ ᠬᠡᠷᠡᠭᠯᠡᠳᠡᠭ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠴᠡᠴᠡᠭ ᠤᠷᠭᠤᠮᠠᠯ ᠪᠠ ᠠᠮᠢᠲᠠᠨ ᠪᠠᠶᠢᠭᠠᠯᠢ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠱᠠᠰᠢᠨ ᠤ ᠦᠩᠭᠡᠲᠡᠢ ᠲᠤᠯᠤᠭᠠᠨ ᠳᠠᠬᠢᠯ᠂ ᠨᠠᠢᠮᠠᠨ ᠡᠷᠳᠡᠨᠢ᠂ ᠰᠠᠬᠢᠭᠤᠯᠰᠤᠨ  ᠤ ᠪᠠᠷᠢᠳᠠᠯ ᠵᠡᠷᠭᠡ ᠬᠡ ᠵᠢᠷᠤᠭ ᠪᠤᠯᠤᠨ ᠵᠠᠰᠠᠭᠲᠤ ᠮᠠᠶ᠋ᠢᠭ ᠤᠨ ᠴᠠᠢ ᠬᠦᠷᠢᠶ᠎ᠡ᠂ ᠬᠠᠶᠢᠷᠴᠠᠭ ᠬᠦᠷᠢᠶ᠎ᠡ᠂ ᠡᠬᠦᠯᠡᠨ ᠬᠦᠷᠢᠶ᠎ᠡ᠂ ᠤᠰᠤᠨ ᠬᠦᠷᠢᠶ᠎ᠡ ᠬᠡᠬᠦ ᠮᠡᠲᠦ ᠶᠢᠨ ᠬᠡ ᠤᠭᠠᠯᠵᠠ ᠶᠢ ᠤᠯᠠᠨ ᠤᠶᠤᠵᠦ ᠤᠷᠠᠯᠠᠳᠠᠭ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
᠁
ᠲᠠᠯ᠎ᠠ ᠶᠢᠨ ᠰᠤᠳᠦᠨ ᠡᠵᠢ
ᠡᠭᠡ ᠤᠷᠤᠨ ᠮᠢᠨᠢ
ᠡᠨᠡᠷᠢᠯ ᠤᠨ ᠳᠡᠭᠷᠢ ᠡᠪ ᠬᠠᠮᠲᠦ ᠨᠠᠮ
ᠵᠠᠰᠠᠭᠲᠦ ᠤᠷᠴᠤᠨ ᠤ ᠦᠯᠦᠭᠡᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号