| ᠪᠦᠷᠢᠨᠵᠢᠷᠭᠠᠯ ︵ᠮᠠᠯᠴᠢᠨ︶ | ᠠᠭᠯᠠᠭ ᠦᠨᠳᠦᠷ ᠬᠦᠢᠯᠡᠬᠦ ᠠᠭᠤᠯᠠ | ᠠᠪᠤ ᠶᠢᠨ ᠰᠦᠷ ᠢᠶᠠᠷ ᠰᠡᠭᠦᠶᠢᠭᠡᠳ | ᠠᠯᠤᠰ ᠲᠤ ᠰᠦᠮᠡᠯᠵᠡᠭᠰᠡᠨ ᠪᠠ ᠬᠦᠩ ᠤᠨ ᠵᠤᠰᠠᠯᠠᠩ | ᠤᠷᠠᠨ ᠵᠡᠷᠭᠡᠯᠭᠡᠨ ᠳᠤ ᠬᠦᠰᠢᠭᠡᠯᠡᠭᠳᠡᠨᠡ | ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠᠨ ᠤ ᠰᠦᠯᠲᠡ | ᠠᠯᠳᠠᠨ ᠭᠠᠳᠠᠰᠦ ᠰᠢᠭ᠋ ᠬᠢᠯᠠᠯᠵᠠᠵᠦ | ᠠᠷᠢᠭᠤᠨ ᠭᠦᠢᠯᠡᠷ ᠤᠨ ᠲᠤᠩᠭᠠᠯᠠᠭ ᠤᠷᠤᠰᠬᠠᠯ | ᠮᠦᠩᠬᠦᠨ ᠲᠤᠯᠬᠢᠶᠠᠨ ᠢᠶᠠᠷ ᠤᠭᠠᠯᠵᠠᠯᠠᠨᠠ | ᠠᠶᠠᠰ ᠤᠨ ᠰᠠᠯᠬᠢᠨ ᠤ ᠲᠤᠷᠭᠠᠨ ᠰᠡᠪᠡᠯᠵᠡᠭᠡ | ᠠᠯᠠᠭ ᠴᠡᠴᠡᠭᠡᠰ ᠢ ᠪᠦᠵᠢᠭᠯᠡᠬᠦᠯᠦᠨ | ᠠᠶᠠᠯᠭᠤ ᠢᠷᠠᠭᠤᠬᠠᠨ ᠠᠷᠠᠳ ᠤᠨ ᠳᠠᠭᠤᠤ | ᠠᠭᠤᠯᠠ ᠲᠠᠯᠠ ᠶᠢ ᠤᠶᠠᠷᠠᠭᠤᠯᠤᠨᠠ | ᠠᠶᠢᠷᠠᠭ ᠰᠡᠩᠬᠢᠨᠡᠭᠦᠯᠦᠭᠰᠡᠨ ᠮᠠᠯᠴᠢᠨ ᠠᠶᠢᠯ ᠤᠳ | ᠠᠷᠭᠠᠯ ᠤᠨ ᠤᠳᠤᠭᠠ ᠪᠠᠷ ᠢᠶᠠᠨ ᠵᠤᠯᠭᠠᠯᠴᠠᠵᠦ | ᠠᠯᠲᠠ ᠲᠠᠨᠠ ᠮᠡᠲᠦ ᠳᠠᠪᠤᠨ ᠡᠷᠳᠡᠨᠢ ᠶᠢᠨ ᠰᠦᠷᠦᠭ | ᠨᠤᠭᠤᠭᠠᠨ ᠳᠡᠯᠡᠬᠡᠢ ᠳᠤ ᠢᠷᠠᠶᠢᠨᠠ | ᠨᠡᠭᠦᠳᠡᠯ ᠬᠦᠬᠡᠬᠡᠭᠰᠡᠨ ᠠᠶᠠᠨ ᠤ ᠰᠢᠪᠠᠭᠤᠳ | ᠬᠤᠨᠢᠳ ᠤᠨ ᠴᠤᠪᠤᠭᠠ ᠳᠤ ᠶᠠᠪᠤᠭᠠᠯᠠᠵᠦ | ᠨᠡᠬᠦᠬᠦ ᠪᠠᠨ ᠮᠠᠷᠲᠠᠭᠰᠠᠨ ᠠᠮᠤᠭᠤᠯᠠᠩ ᠰᠠᠷᠠᠨ | ᠠᠷᠦ ᠬᠦᠪᠴᠢ ᠳᠤ ᠦᠨᠵᠢᠭᠰᠡᠨ | ᠬᠦᠬᠡᠮᠳᠦᠭ ᠠᠭᠤᠯᠠ ᠨᠤᠭᠤᠭᠠᠨ ᠤᠰᠤ ᠲᠠᠢ | ᠬᠤᠯᠠ ᠶᠢᠨ ᠲᠡᠷᠭᠡᠯ ᠬᠦᠳᠡᠭᠡ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠦᠪᠦᠷᠵᠢᠯᠠᠭᠠ | ᠢᠮᠠᠭᠲᠠ ᠮᠢᠨᠦ ᠰᠡᠳᠬᠢᠯ ᠤᠨ ᠤᠶᠠᠩᠭᠠ | ᠬᠤᠷᠠᠭᠠ ᠢᠰᠢᠭᠡ ᠲᠤᠭᠯᠠᠬᠤ ᠪᠠᠷ | ᠬᠢᠯᠢ ᠶᠢᠨ ᠢᠷᠭᠤᠢ ᠨᠢ ᠮᠦᠰᠢᠶᠡᠭᠡᠳ | ᠬᠤᠷᠲᠤᠨ ᠬᠦᠯᠦᠭ ᠤᠨ ᠲᠦᠪᠡᠷᠭᠡᠨ ᠳᠤ | ᠭᠤᠪᠢ ᠶᠢᠨ ᠢᠨᠵᠠᠭᠠ ᠨᠢ ᠰᠡᠷᠢᠭᠰᠡᠨ | ᠴᠡᠯᠮᠡᠭ ᠬᠦᠬᠡ ᠲᠡᠭᠷᠢ ᠳᠤ ᠨᠢ | ᠡᠪᠦᠭᠡᠨ ᠪᠦᠷᠬᠦᠳ ᠳᠡᠭᠦᠯᠢᠭᠰᠡᠨ | ᠴᠡᠯᠭᠡᠷ ᠨᠤᠭᠤᠭᠠᠨ ᠤᠢ ᠳᠤ ᠨᠢ | ᠴᠡᠴᠡᠭ ᠤᠨ ᠡᠷᠪᠡᠬᠡᠢ ᠳᠡᠪᠳᠡᠷᠢᠭᠰᠡᠨ | ᠴᠡᠩᠭᠡᠯ ᠤᠨ ᠮᠠᠩᠯᠠᠢ ᠠᠮᠢᠳᠤᠷᠠᠯ ᠳᠤ ᠨᠢ | ᠨᠠᠮ ᠤᠨ ᠬᠠᠶᠢᠷᠠ ᠰᠢᠩᠭᠡᠭᠡᠭᠰᠡᠨ | ᠴᠡᠭᠡ ᠠᠶᠢᠷᠠᠭ ᠤᠨ ᠰᠤᠳᠤᠨ ᠦᠨᠦᠷ ᠲᠠᠢ | ᠴᠢᠭᠡᠴᠢ ᠬᠤᠷᠴᠢᠨᠴᠤᠳ ᠤᠨ ᠤᠤᠭᠠᠯ ᠨᠤᠲᠤᠭ | ᠨᠠᠬᠢᠯᠵᠠᠭᠰᠠᠨ ᠤᠷᠭᠠ ᠶᠢᠨ ᠦᠵᠦᠭᠦᠷ ᠲᠤ | ᠴᠠᠭᠠᠨ ᠠᠳᠤᠭᠤ ᠬᠤᠶᠢᠯᠠᠷᠠᠭᠠᠳ | ᠨᠠᠶᠢᠷ ᠤᠨ ᠪᠦᠬᠡ ᠶᠢᠨ ᠤᠷᠢᠶᠠ ᠪᠠᠷ | ᠰᠢᠷᠢᠨ ᠵᠤᠳᠤᠭ ᠬᠢᠯᠠᠯᠵᠠᠭᠠᠳ | ᠨᠠᠮᠠ ᠶᠢ ᠠᠷᠭᠠᠳᠠᠭᠰᠠᠨ ᠦᠬᠡᠷ ᠲᠡᠷᠭᠡ | ᠤᠨᠠᠭᠠᠨ ᠲᠤᠷᠠᠳᠬᠠᠯ ᠵᠦᠭ ᠰᠡᠵᠢᠯᠠᠭᠠᠳ | ᠨᠠᠰᠤᠨ ᠤ ᠨᠠᠮᠤᠷ ᠰᠠᠭᠠᠳᠠᠬᠤ ᠪᠠᠷ | ᠵᠡᠭᠦᠳᠦᠨ ᠳᠤ ᠡᠷᠢᠭᠳᠡᠳᠡᠭ ᠬᠠᠩᠭᠠᠢ | ᠲᠦᠮᠡᠨ ᠲᠦᠯ ᠢ ᠪᠤᠶᠢᠵᠢᠭᠤᠯᠤᠭᠰᠠᠨ | ᠠᠪᠤᠷᠭᠤ ᠶᠢᠨ ᠠᠯᠳᠠᠷ ᠢᠶᠠᠨ ᠳᠠᠭᠠᠭᠤᠯᠤᠭᠰᠠᠨ | ᠲᠦᠷᠦᠭᠡᠨ ᠳᠡᠭᠡᠷᠡ ᠪᠠᠨ ᠮᠦᠩᠭᠡᠵᠢᠭᠰᠡᠨ | ᠡᠪᠦᠭᠡᠳ ᠤᠨ ᠬᠠᠭᠤᠴᠢ ᠶᠢ ᠪᠢᠴᠢᠭᠯᠡᠭᠰᠡᠨ | ᠲᠦᠷᠦ ᠬᠦᠷᠦᠨ ᠳᠡᠭᠡᠨ ᠵᠢᠳᠭᠦᠯ ᠲᠠᠢ | ᠰᠠᠶᠢᠴᠤᠤᠯ ᠤᠳ ᠤᠨ ᠭᠠᠪᠢᠶᠠ ᠶᠢ ᠳᠡᠮᠳᠡᠭᠯᠡᠭᠰᠡᠨ | ᠳᠡᠥᠬᠡ ᠱᠠᠰᠳᠢᠷ ᠤᠨ ᠠᠯᠳᠠᠨ ᠲᠤᠪᠴᠢ ᠳᠤ | ᠤᠶᠠᠩᠭᠠ ᠰᠢᠯᠤᠭ᠌ ᠲᠠᠢ ᠪᠠᠨ ᠮᠦᠩᠬᠡᠷᠡᠨ | ᠬᠤᠷᠴᠢᠨ ᠰᠤᠶᠤᠯ ᠤᠨ ᠲᠠᠷᠬᠠᠨ ᠭᠤᠯᠤᠮᠳᠠ | ᠬᠤᠷᠸᠠ ᠳᠤ ᠭᠠᠭᠴᠠᠬᠠᠨ ᠠᠮᠢᠨ ᠨᠤᠲᠤᠭ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠦᠪᠦᠷᠵᠢᠯᠠᠭᠠ | ᠢᠮᠠᠭᠲᠠ ᠮᠢᠨᠦ ᠰᠡᠳᠬᠢᠯ ᠤᠨ ᠤᠶᠠᠩᠭᠠ᠃ |