| ︵ᠨᠢᠭᠡ︶ ᠵᠠᠰᠠᠭᠲᠤ ᠬᠤᠷᠴᠢᠨᠴᠤᠳ ᠤᠨ ᠠᠷᠠᠰᠤᠨ ᠳᠡᠪᠡᠯ ᠤᠨ ᠲᠦᠷᠦᠯ ᠳᠤ ᠢᠮᠠᠭᠠᠨ ᠳᠠᠬᠤ᠂ ᠨᠡᠬᠡᠢ | ᠳᠡᠪᠡᠯ᠂ ᠦᠵᠦᠬᠦᠷ ᠳᠡᠪᠡᠯ ᠮᠡᠳᠦ ᠶᠢᠨ ᠴᠠᠭᠠᠮᠠᠯ ᠠᠷᠠᠰᠦᠨ ᠳᠡᠪᠡᠯ ᠤᠳ ᠪᠠᠶᠢᠵᠦ᠂ ᠤᠶᠤᠬᠤ ᠳᠠᠭᠠᠨ ᠪᠦᠷ | ᠯᠡᠪᠳᠡᠭᠴᠡᠨ ᠤᠶᠤᠵᠦ᠂ ᠭᠤᠶᠤᠯᠠᠬᠤ ᠳᠠᠭᠠᠨ ᠳᠡᠪᠡᠯ ᠳᠠᠬᠤ ᠶᠢᠨ ᠡᠩᠬᠡᠷ ᠬᠤᠷᠮᠤᠢ ᠶᠢ ᠦᠰᠦ ᠶᠢ ᠨᠢ ᠬᠤᠰᠤᠭᠰᠠᠨ | ᠨᠢᠮᠬᠡᠨ ᠠᠷᠠᠰᠦ ᠪᠠᠷ ᠴᠢᠮᠬᠢᠬᠦ ᠪᠤᠶᠤ ᠬᠠᠷᠠ ᠪᠦᠰ ᠢᠶᠠᠷ ᠴᠢᠮᠬᠢᠵᠦ᠂ ᠡᠰᠡᠭᠦᠯᠡ ᠠᠷᠳᠠᠢ ᠬᠠᠷᠠ ᠪᠦᠰ ᠪᠤᠶᠤ ᠬᠠᠷᠠ | ᠦᠬᠡᠳᠡᠩ ᠢᠶᠠᠷ ᠦᠷᠭᠡᠨ ᠬᠦᠪᠡᠭᠡ ᠳᠠᠷᠤᠭᠤᠯᠵᠦ ᠤᠶᠤᠳᠠᠭ᠃ | ︵ᠬᠤᠶᠠᠷ︶ ᠭᠠᠳᠠᠷ ᠲᠠᠢ ᠳᠡᠪᠡᠯ ᠳᠤ ᠭᠠᠳᠠᠷ ᠲᠠᠢ ᠦᠵᠦᠬᠦᠷ ᠳᠡᠪᠡᠯ᠂ ᠪᠦᠰ ᠪᠤᠶᠤ ᠲᠤᠷᠭᠠᠨ ᠭᠠᠳᠠᠷ ᠲᠠᠢ | ᠬᠦᠷᠦᠪᠡᠨ ︵ᠬᠤᠷᠠᠭᠠᠨ︶ ᠳᠡᠪᠡᠯ᠂ ᠰᠠᠩᠰᠠᠨ ᠳᠡᠪᠡᠯ᠂ ᠳ᠋ᠤᠯᠤᠤᠷ ᠳᠡᠪᠡᠯ᠂ ᠪᠦᠬᠡᠨᠴᠡ ᠳᠡᠪᠡᠯ᠂ ᠦᠨᠦᠬᠦᠨ ︵ | ᠢᠰᠢᠬᠡᠨ︶ ᠳᠡᠪᠡᠯ ᠭᠡᠵᠦ ᠠᠷᠠᠰᠦ ᠶᠢᠨ ᠦᠰᠦᠨ ᠤ ᠤᠷᠲᠤ ᠶᠢᠨ ᠬᠡᠮᠵᠢᠶᠡ ᠪᠠᠷ ᠲᠦᠷᠦᠯ ᠬᠤᠪᠢᠶᠠᠵᠦ᠂ ᠡᠷᠡᠭᠲᠡᠢ | ᠶᠢᠨ ᠳᠡᠪᠡᠯ ᠢ ᠴᠢᠮᠬᠢᠶᠡᠷᠢ ᠪᠠᠷ ᠭᠤᠶᠤᠯᠠᠵᠦ᠂ ᠡᠮᠡᠭᠲᠡᠢ ᠶᠢᠨ ᠳᠡᠪᠡᠯ ᠢ ᠬᠤᠤᠰ ᠡᠮᠵᠢᠶᠡᠷᠢ ᠪᠠᠷ ᠭᠤᠶᠤᠯᠠᠳᠠᠭ ᠶᠤᠮ᠃ | ᠳᠡᠪᠡᠯ ᠤᠨ ᠴᠢᠮᠬᠢᠶᠡᠷᠢ᠂ ᠬᠤᠤᠰ ᠡᠮᠵᠢᠶᠡᠷᠢ ᠶᠢᠨ ᠤᠶᠤᠳᠠᠯ ᠢ ᠭᠠᠷ ᠢᠶᠠᠷ ᠰᠢᠭᠯᠠᠬᠤ ᠪᠤᠶᠤ ᠳᠠᠷᠤᠵᠦ ᠨᠦᠬᠦᠬᠦ ᠵᠡᠷᠭᠡ | ᠠᠷᠭᠠ ᠪᠠᠷ ᠭᠦᠢᠴᠡᠳᠭᠡᠳᠡᠭ᠃ | ︵ᠭᠤᠷᠪᠠ︶ ᠳᠠᠩ ᠴᠡᠮᠴᠡ᠂ ᠵᠠᠬᠠᠲᠤ᠂ ᠤᠤᠵᠢ᠂ ᠴᠤᠪᠠ᠂ ᠫᠠᠮᠠ ᠵᠡᠷᠭᠡ ᠪᠦᠰ᠂ ᠲᠤᠷᠭᠠᠨ ᠳᠡᠪᠡᠯ | ᠬᠤᠪᠴᠠᠰᠦ ᠶᠢᠨ ᠤᠶᠤᠳᠠᠯ ᠢ ᠪᠦᠷ ᠭᠠᠷ ᠢᠶᠠᠷ ᠰᠢᠭᠯᠠᠬᠤ᠂ ᠨᠦᠬᠦᠬᠦ᠂ ᠬᠠᠪᠠᠭ᠋ᠤ᠂ ᠰᠢᠷᠢᠬᠦ ᠵᠡᠷᠭᠡ ᠠᠷᠭᠠ ᠪᠠᠷ | ᠤᠶᠤᠨᠠ᠃ ᠡᠳᠡᠭᠡᠷ ᠳᠡᠪᠡᠯ ᠳᠡᠭᠡᠷᠡᠬᠢ ᠳᠠᠩ᠂ ᠳᠠᠪᠬᠤᠷ᠂ ᠭᠤᠷᠪᠠ ᠪᠠᠷ ᠴᠢᠮᠬᠢᠬᠦ ᠪᠠ ᠦᠷᠭᠡᠨ ᠨᠠᠷᠢᠨ ᠬᠤᠤᠰ | ᠡᠮᠵᠢᠶᠡᠷᠢ᠂ ᠦᠩᠬᠡ ᠶᠢᠨ ᠰᠠᠶᠢᠬᠠᠨ ᠬᠤᠷᠭᠤᠢ᠂ ᠲᠤᠤᠰᠠ ᠵᠡᠷᠭᠡ ᠶᠢ ᠳᠡᠪᠡᠯ ᠤᠨ ᠵᠠᠭᠠᠮᠠ᠂ ᠡᠩᠬᠡᠷ᠂ ᠬᠤᠷᠮᠤᠢ᠂ | ᠬᠠᠨᠴᠤᠢ᠂ ᠳᠠᠰᠢᠶᠠ ᠵᠡᠷᠭᠡ ᠭᠠᠵᠠᠷ ᠢ ᠤᠶᠤᠬᠤ ᠳᠠᠭᠠᠨ ᠪᠦᠷ ᠭᠠᠷ ᠤᠶᠤᠳᠠᠯ ᠤᠨ ᠰᠢᠭᠯᠠᠭᠠᠷᠢ᠂ ᠳᠠᠷᠤᠵᠦ ᠨᠦᠬᠦᠬᠦ | ᠵᠡᠷᠭᠡ ᠠᠷᠭᠠ ᠪᠠᠷ ᠤᠶᠤᠳᠠᠭ᠃ ᠬᠤᠵᠢᠮ ᠨᠢ ᠬᠤᠪᠴᠠᠰᠦ ᠤᠶᠤᠬᠤ ᠮᠠᠰᠢᠨ ᠭᠠᠷᠴᠦ ᠢᠷᠡᠭᠰᠡᠨ ᠠᠴᠠ ᠡᠳᠡᠭᠡᠷ | ᠤᠶᠤᠳᠠᠯ ᠢ ᠮᠠᠰᠢᠨ ᠢᠶᠠᠷ ᠤᠶᠤᠬᠤ ᠪᠤᠯᠵᠠᠢ᠃ | ︵ᠲᠦᠷᠪᠡ︶ ᠵᠠᠰᠠᠭᠲᠤ ᠬᠤᠷᠴᠢᠨ ᠤ ᠳᠡᠪᠡᠯ ᠬᠤᠪᠴᠠᠰᠤᠨ ᠤ ᠴᠢᠮᠬᠢᠶᠡᠷᠢ᠂ ᠬᠤᠤᠰ ᠬᠦᠪᠡᠭᠡ ᠨᠢ ᠠᠷᠠᠰᠦ᠂ | ᠪᠦᠰ᠂ ᠲᠤᠷᠭᠠᠨ ᠳᠡᠪᠡᠯ ᠬᠤᠪᠴᠠᠰᠤᠨ ᠳᠤ ᠦᠩᠬᠡ ᠶᠢ ᠳᠠᠭᠠᠷᠠᠭᠤᠯᠤᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ᠂ ᠬᠡᠥᠬᠡᠳ ᠤᠨ ᠢᠯᠭᠠᠯ | ᠲᠠᠢ ᠪᠠᠷ ᠵᠠᠭᠠᠮᠠ᠂ ᠡᠩᠬᠡᠷ᠂ ᠬᠤᠷᠮᠤᠢ᠂ ᠬᠠᠨᠴᠤᠢ᠂ ᠳᠠᠰᠢᠶᠠ ᠳᠠᠭᠠᠷᠠᠭᠤᠯᠤᠨ ᠡᠯᠳᠡᠪ ᠦᠩᠬᠡ ᠶᠢᠨ ᠪᠦᠰ ᠲᠤᠷᠭᠠ | ᠪᠠᠷ ᠤᠷᠠᠯᠠᠵᠦ ᠴᠢᠮᠡᠳᠡᠭ᠃ |