| ᠮ᠊ ᠪᠦᠷᠢᠨ ︵ᠮᠠᠯᠴᠢᠨ︶ | ᠨᠠᠮᠤᠷ ᠤᠨ ᠪᠤᠳᠤᠭ ᠢ ᠨᠠᠶᠢᠷᠠᠬᠤ ᠬᠡᠵᠦ | ᠰᠡᠭᠦᠯᠴᠢ ᠶᠢᠨ ᠪᠤᠷᠤᠭᠠ ᠵᠦᠰᠡᠷᠡᠨᠡ | ᠨᠠᠷᠠᠨ ᠭᠠᠷᠠᠭ ᠠᠯᠤᠰᠤᠷᠬᠠᠬᠤ ᠬᠡᠵᠦ | ᠰᠡᠷᠢᠬᠦᠨ ᠠᠮᠢᠰᠬᠤᠯ ᠢᠶᠠᠷ ᠢᠶᠠᠨ ᠰᠡᠪᠡᠯᠵᠡᠨᠡ | ᠦᠩᠬᠡᠰᠢᠭ ᠵᠤᠨ ᠢᠶᠠᠨ ᠦᠳᠡᠭᠰᠡᠨ | ᠦᠶᠦᠭ ᠤᠯᠠᠷᠢᠯ ᠲᠠᠩᠰᠤᠭᠵᠢᠨᠠ | ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢ ᠳᠠᠭᠤᠯᠠᠬᠤ ᠬᠡᠵᠦ | ᠦᠨᠡᠨ ᠠᠴᠠ ᠵᠢᠷᠤᠭ ᠲᠦᠷᠦᠭᠳᠡᠨᠡ | ᠬᠦᠬᠡ ᠳᠡᠭᠷᠢ ᠶᠢᠨ ᠬᠠᠶᠠᠭᠠ | ᠡᠬᠦᠯᠡᠰ ᠢᠶᠠᠨ ᠰᠢᠯᠭᠡᠭᠡᠨ ᠴᠡᠩᠬᠡᠷᠲᠤᠨᠠ | ᠬᠦᠷᠦᠰᠦᠨ ᠳᠤ ᠠᠮᠢ ᠲᠠᠢ ᠤᠷᠭᠤᠮᠠᠯ | ᠦᠷᠦᠯᠡᠨ ᠪᠤᠯᠪᠠᠰᠤᠷᠠᠵᠦ ᠳᠤᠬᠢᠯᠵᠠᠨᠠ | ᠰᠠᠷᠠᠨ ᠤ ᠵᠢᠩᠳᠡᠭᠦᠨ ᠬᠡᠬᠡ ᠳᠤ | ᠨᠠᠪᠴᠢᠨ ᠰᠢᠭᠦᠳᠡᠷᠢ ᠴᠠᠷᠴᠢᠨᠠ | ᠰᠦᠯ ᠬᠠᠯᠢᠭᠤᠷᠠᠭᠰᠠᠨ ᠴᠠᠶᠢᠳᠠᠮ ᠳᠤ | ᠠᠯᠳᠠᠨ ᠦᠨᠡᠭᠡ ᠬᠦᠷᠦᠭᠡᠯᠡᠨᠡ | ᠰᠠᠯᠬᠢᠨ ᠬᠡᠯᠡ ᠠᠴᠠ ᠦᠷᠬᠦᠭᠰᠡᠨ | ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠳ ᠪᠤᠴᠠᠨᠠ | ᠰᠦ ᠦᠳᠭᠡᠷᠡᠭᠰᠡᠨ ᠰᠠᠭᠠᠯᠢ | ᠦᠷᠦᠮᠡ ᠬᠠᠭᠰᠠᠷᠠᠨ ᠲᠤᠰᠤᠷᠬᠠᠨᠠ | ᠵᠢᠭᠠᠰᠦ ᠵᠢᠷᠭᠠᠬᠠᠢ ᠤᠷᠤᠰᠬᠠᠯ ᠦᠬᠡᠳᠡᠯᠡᠭᠡᠳ | ᠤᠰᠤᠨ ᠪᠤᠯᠤᠷᠯᠠᠵᠦ ᠲᠤᠩᠭᠠᠯᠠᠭᠰᠢᠨᠠ | ᠵᠢᠮᠢᠰ ᠤᠨ ᠮᠢᠬᠠᠯᠢᠭ ᠰᠢᠬᠢᠷᠯᠡᠭᠡᠳ | ᠤᠨᠵᠢᠯᠭᠠ ᠳᠡᠭᠦᠵᠢᠩ ᠰᠠᠵᠢᠯᠤᠨᠠ | ᠤᠭᠤᠷᠠᠭ ᠲᠠᠭᠠᠨ ᠱᠠᠩᠳᠤᠭᠤᠷᠤᠭᠰᠠᠨ ᠳᠠᠬᠤ ᠳᠤᠭᠤᠯ | ᠨᠤᠶᠢᠷ ᠢᠶᠠᠨ ᠳᠡᠶᠢᠯᠬᠦ ᠦᠬᠡᠢ ᠲᠤᠭᠵᠢᠷᠠᠨᠠ | ᠤᠷᠤᠶᠢᠳ ᠲᠤᠯᠭᠠᠳ ᠢᠶᠠᠷ ᠪᠦᠷᠬᠦᠳ ᠬᠦᠥᠰᠢᠯᠡᠭᠡᠳ | ᠦᠶᠦᠬᠡ ᠬᠠᠶᠢᠨ ᠠᠪᠠ ᠬᠤᠮᠤᠷᠭᠠᠯᠠᠨᠠ | ᠠᠳᠤᠭᠤ ᠬᠤᠷᠠᠭᠰᠠᠨ ᠤᠶᠠᠭᠠᠨ ᠵᠡᠯᠡ ᠪᠠᠷ | ᠨᠤᠶᠢᠳᠠᠨ ᠬᠤᠮᠤᠯ ᠰᠢᠩᠭᠡᠷᠡᠨᠡ | ᠠᠶᠢᠷᠠᠭ ᠴᠡᠭᠡ ᠶᠢᠨ ᠬᠦᠨᠦᠭ ᠲᠤᠯᠤᠮ ᠢᠶᠠᠷ | ᠬᠦᠭᠡᠰᠦᠷᠦᠭᠰᠡᠨ ᠬᠦᠷᠦᠩᠭᠡ ᠬᠦᠴᠦᠵᠢᠨᠡ | ᠠᠵᠢᠯᠴᠢ ᠮᠠᠯᠴᠢᠳ ᠤᠨ ᠬᠦᠳᠡᠯᠮᠤᠷᠢ ᠳᠠᠭᠤᠤ | ᠬᠠᠳᠤᠯᠠᠩ ᠤᠨ ᠳᠡᠷᠭᠡᠲᠡ ᠠᠴᠠ ᠤᠶᠠᠩᠭᠠᠷᠠᠨᠠ | ᠠᠷᠦ ᠨᠤᠲᠤᠭ ᠤᠨ ᠮᠢᠨᠢ ᠨᠠᠮᠤᠷ ᠤᠨ ᠦᠩᠬᠡ | ᠵᠦᠬᠡᠬᠡᠢ ᠶᠢᠨ ᠰᠢᠷᠭᠠᠯ ᠢᠶᠠᠷ ᠰᠢᠵᠢᠷᠳᠡᠨᠡ᠃ |