| ᠨᠢᠭᠡ ᠵᠤᠶᠢᠷᠡᠢ ᠮᠤᠩᠭᠤᠯ ᠭᠤᠳᠤᠯ ᠨᠢ ᠬᠤᠶᠠᠷ ᠤᠯᠠ᠂ ᠲᠦᠷᠪᠡᠨ ᠲᠦᠷᠡᠢ᠂ ᠲᠦᠷᠪᠡᠨ ᠵᠤᠯᠤᠭ ᠨᠡᠶᠢᠳᠡ | ᠠᠷᠪᠠᠨ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠤᠨᠡ᠃ ᠡᠶᠢᠮᠦ ᠠᠴᠠ ︽ᠠᠩᠭᠠᠯ ᠵᠠᠩᠭᠠᠯ ᠠᠷᠪᠠ᠂ ᠠᠶᠠᠯᠠᠨ ᠨᠡᠶᠢᠯᠡᠭᠦᠯᠪᠡᠯ ᠬᠤᠶᠠᠷ︾ | ᠬᠡᠳᠡᠭ ᠤᠨᠢᠰᠤᠭᠠ ᠪᠠᠶᠢᠳᠠᠭ᠃ ᠭᠤᠳᠤᠯ ᠤᠨ ᠦᠨᠳᠦᠰᠦᠨ ᠪᠦᠷᠢᠯᠳᠦᠬᠦᠨ ᠳᠤ ᠤᠯᠠ᠂ ᠵᠤᠯᠤᠭ᠂ ᠱᠠᠭᠠ᠂ ᠬᠠᠮᠠᠷ᠂ | ᠪᠤᠷᠪᠢ᠂ ᠰᠡᠭᠡᠷ᠂ ᠬᠠᠪᠴᠢᠶᠠᠷᠢ᠂ ᠲᠦᠷᠡᠢ᠂ ᠡᠮᠵᠢᠶᠡᠷᠢ ︵ᠤᠮᠤᠭ︶᠂ ᠠᠮᠠᠰᠠᠷ᠂ ᠪᠤᠭᠤᠮᠠ᠂ ᠱᠠᠪᠤᠷ᠂ ᠰᠠᠡᠴᠢᠭ | ᠵᠡᠷᠭᠡ ᠲᠤᠰ ᠲᠤᠰ ᠤᠨ ᠨᠡᠷᠡ ᠳᠠᠭᠤᠳᠠᠯᠭᠠ ᠲᠠᠢ᠃ ᠱᠠᠭᠠ᠂ ᠰᠡᠭᠡᠷ᠂ ᠱᠠᠪᠤᠷ ᠤᠨ ᠨᠡᠶᠢᠯᠡᠪᠤᠷᠢ ᠶᠢ ᠰᠡᠡᠴᠢᠭ ᠭᠡᠳᠡᠭ | ᠃ ᠭᠤᠳᠤᠯ ᠱᠠᠬᠠᠢ ᠶᠢ ᠤᠶᠤᠵᠦ ᠪᠦᠲᠦᠭᠡᠬᠦ ᠦᠨᠳᠦᠰᠦᠨ ᠶᠠᠪᠤᠴᠠ ᠨᠢ ᠲᠤᠤᠷᠠᠬᠢ ᠮᠠᠲᠦ᠄ | 1. ᠴᠠᠪᠤᠭ ᠬᠠᠳᠠᠭᠠᠬᠤ | ᠴᠠᠪᠤᠭ ᠬᠠᠳᠠᠭᠠᠬᠤ ᠳᠤ ᠬᠠᠭᠤᠴᠢᠨ ᠳᠡᠪᠡᠯ ᠬᠤᠪᠴᠠᠰᠤᠨ ᠤ ᠪᠦᠰ ᠢ ᠤᠬᠢᠶᠠᠵᠦ ᠠᠷᠢᠯᠭᠠᠨ ᠠᠪᠤᠭᠰᠠᠨ | ᠬᠤᠶᠢᠨᠠ᠂ ᠶᠡᠭᠡ ᠰᠢᠭ ᠮᠤᠳᠤᠨ ᠬᠠᠪᠳᠠᠰᠦ ᠪᠠ ᠬᠠᠪᠳᠠᠰᠤᠨ ᠡᠬᠦᠳᠡ᠂ ᠪᠤᠳᠠᠭᠠᠨ ᠰᠢᠷᠡᠭᠡᠨ ᠤ ᠨᠢᠭᠤᠷ ᠳᠡᠭᠡᠷᠡ | ᠴᠢᠨᠠᠭᠰᠠᠨ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ ᠪᠤᠶᠤ ᠰᠠᠭᠠᠭ ᠤᠨ ᠭᠤᠯᠢᠷ ᠤᠨ ᠨᠠᠭᠠᠯᠲᠠ ᠪᠠᠷ ᠨᠢᠭᠡ ᠨᠢᠬᠡ ᠬᠡᠰᠡᠭ ᠢᠶᠠᠷ ᠪᠦᠰ | ᠤᠨ ᠨᠢᠮᠬᠡᠨ ᠵᠤᠵᠠᠭᠠᠨ᠂ ᠦᠬᠡᠳᠡᠰᠦ ᠵᠤᠶᠢᠳᠠᠰᠦ ᠶᠢ ᠨᠢ ᠳᠠᠭᠠᠷᠠᠭᠤᠯᠵᠦ ᠳᠠᠪᠬᠤᠷᠯᠠᠨ ᠨᠠᠭᠠᠵᠦ ᠬᠠᠳᠠᠭᠠᠨᠠ᠃ | ᠵᠤᠵᠠᠭᠠᠨ ᠨᠢᠮᠬᠡᠨ ᠢ ᠭᠤᠳᠤᠯ ᠱᠠᠬᠠᠢ ᠶᠢᠨ ᠬᠡᠷᠡᠭᠴᠡᠭᠡ ᠪᠠᠨ ᠦᠨᠳᠦᠰᠦᠯᠡᠨ ᠲᠤᠬᠢᠷᠠᠭᠤᠯᠵᠦ ᠨᠠᠭᠠᠨᠠ᠃ ᠶᠡᠷᠦ ᠳᠡᠭᠡᠨ | 3 ᠠᠴᠠ 5 ᠪᠤᠶᠤ 5 ᠠᠴᠠ 7 ᠳᠠᠪᠬᠤᠷ ᠨᠠᠭᠠᠳᠠᠭ᠃ ᠡᠬᠦᠨ ᠢ ᠴᠠᠪᠤᠭ ᠬᠠᠳᠠᠭᠠᠬᠤ ᠬᠡᠨᠡ᠃ | 2. ᠦᠯᠢᠬᠡᠷ ᠬᠠᠶᠢᠴᠢᠯᠠᠬᠤ | ᠬᠠᠳᠠᠭᠠᠭᠰᠠᠨ ᠴᠠᠪᠤᠭ ᠳᠡᠭᠡᠷᠡ ᠭᠤᠳᠤᠯ ᠱᠠᠬᠠᠢ ᠶᠢᠨ ᠤᠯᠠ ᠵᠤᠯᠤᠭ᠂ ᠲᠦᠷᠡᠢ ᠶᠢᠨ ᠦᠯᠢᠬᠡᠷ ᠴᠠᠭᠠᠰᠦ ᠪᠠᠨ | ᠳᠠᠯᠪᠢᠵᠦ ᠰᠢᠳᠡᠭᠡᠳ ᠴᠠᠪᠤᠭ ᠢᠶᠠᠨ ᠬᠠᠶᠢᠴᠢᠯᠠᠵᠦ ᠠᠪᠳᠠᠭ᠃ ᠡᠬᠦᠨ ᠢ ᠲᠦᠷᠡᠢ ᠵᠤᠯᠤᠭ ᠬᠠᠶᠢᠴᠢᠯᠠᠬᠤ ᠬᠡᠳᠡᠭ᠃ | 3. ᠦᠯᠢᠬᠡᠷ ᠵᠤᠵᠠᠭᠠᠯᠠᠬᠤ ︵ᠨᠠᠭᠠᠵᠦ ᠦᠩᠬᠡᠯᠡᠬᠦ︶ | ᠬᠠᠳᠠᠭᠠᠭᠰᠠᠨ ᠴᠠᠪᠤᠭ ᠠᠴᠠ ᠡᠰᠬᠡᠨ ᠬᠠᠶᠢᠴᠢᠯᠠᠵᠦ ᠠᠪᠤᠭᠰᠠᠨ ᠵᠤᠯᠤᠭ ᠲᠦᠷᠡᠢ ᠶᠢ ᠭᠠᠳᠠᠷᠯᠠᠵᠦ ᠲᠤᠲᠤᠷᠯᠠᠨᠠ᠃ | ᠵᠠᠰᠠᠭᠲᠤ ᠬᠤᠷᠴᠢᠨ ᠳᠤ ᠡᠷᠡᠭᠲᠡᠢ ᠶᠢᠨ ᠭᠤᠳᠤᠯ ᠢ ᠬᠠᠷᠠ ᠬᠦᠬᠡ ᠦᠩᠬᠡ ᠪᠠᠷ᠂ ᠡᠮᠡᠭᠲᠡᠢ ᠶᠢᠨ ᠭᠤᠳᠤᠯ ᠢ | ᠨᠤᠭᠤᠭᠠᠨ᠂ ᠴᠡᠩᠭᠡᠷ ᠦᠩᠬᠡ ᠶᠢᠨ ᠪᠦᠰ᠂ ᠦᠬᠡᠳᠡᠩ ᠪᠤᠶᠤ ᠠᠷᠳᠠᠢ ᠪᠦᠰ ᠵᠡᠷᠭᠡ ᠪᠠᠷ ᠭᠠᠳᠠᠷᠯᠠᠨ ᠨᠠᠭᠠᠵᠦ᠂ | ᠲᠤᠲᠤᠷ ᠢ ᠨᠢ ᠤᠯᠠᠩᠬᠢ ᠳᠠᠭᠠᠨ ᠴᠠᠭᠠᠨ ᠳᠠᠪᠤᠤ ᠪᠦᠰ ᠢᠶᠠᠷ ᠲᠤᠲᠤᠷᠯᠠᠳᠠᠭ᠃ | 4. ᠵᠤᠯᠤᠭ ᠲᠦᠷᠡᠢ ᠬᠦᠪᠦᠷᠢᠳᠬᠦ | ᠭᠠᠳᠠᠷᠯᠠᠵᠦ ᠲᠤᠲᠤᠷᠯᠠᠭᠰᠠᠨ ᠵᠤᠯᠤᠭ ᠲᠦᠷᠡᠢ ᠪᠠᠨ ᠳᠡᠭᠰᠢ ᠰᠠᠶᠢᠬᠠᠨ ᠳᠠᠷᠤᠵᠦ ᠬᠠᠳᠠᠭᠭᠠᠭᠰᠠᠨ ᠤ ᠰᠡᠭᠦᠯᠡᠷ | ᠵᠠᠰᠠᠵᠦ ᠡᠩᠨᠡᠬᠦᠯᠦᠨ ᠬᠠᠶᠢᠴᠢᠯᠠᠵᠦ ᠴᠠᠭᠠᠨ ᠤᠳᠠᠰᠦ ᠪᠠᠷ ᠬᠦᠪᠡᠭᠡ ᠢᠷᠮᠡᠭ ᠢ ᠨᠢ ᠬᠦᠪᠦᠷᠢᠳᠴᠦ ᠤᠶᠤᠨᠠ᠃ | 5. ᠵᠢᠷᠤᠭ ᠳᠠᠯᠪᠢᠬᠤ | ᠵᠤᠯᠤᠭ ᠪᠠ ᠲᠦᠷᠡᠢ ᠳᠡᠭᠡᠷᠡ ᠰᠤᠩᠭᠤᠭᠰᠠᠨ ᠬᠡ ᠤᠭᠠᠯᠵᠠ ᠪᠠ ᠠᠮᠢᠲᠠᠨ ᠤᠷᠭᠤᠮᠠᠯ ᠤᠨ ᠵᠢᠷᠤᠭ ᠲᠦᠷᠰᠦ ᠶᠢ | ᠭᠠᠷᠭᠠᠨᠠ᠃ ᠰᠡᠶᠢᠯᠦᠮᠡᠯ ᠭᠤᠳᠤᠯ ᠳᠤ ᠪᠤᠯ ᠰᠢᠭᠤᠳ ᠤᠭᠠᠯᠵᠠ ᠳᠠᠯᠪᠢᠨᠠ᠃ ᠶᠡᠷᠦ ᠳᠡᠭᠡᠨ ᠬᠠᠭᠤᠷᠠᠢ ᠤ ᠪᠠᠨ | ᠰᠢᠩᠭᠡᠯᠡᠨ ᠵᠢᠭᠤᠷᠠᠵᠦ᠂ ᠳᠠᠪᠠᠨᠠ ᠪᠤᠶᠤ ᠪᠦᠳᠦᠬᠦᠨ ᠰᠢᠭ ᠵᠡᠭᠦᠦ ᠶᠢᠨ ᠲᠤᠬᠤ ᠪᠠᠷ ᠵᠢᠷᠤᠭ ᠲᠦᠷᠰᠦ ᠶᠢ | ᠳᠠᠷᠤᠮᠠᠯᠯᠠᠵᠦ ᠭᠠᠷᠭᠠᠬᠤ᠂ ᠵᠢᠷᠤᠵᠦ ᠭᠠᠷᠭᠠᠬᠤ᠂ ᠰᠡᠶᠢᠯᠪᠤᠷᠢᠯᠡᠨ ᠭᠠᠷᠭᠠᠬᠤ ᠵᠡᠷᠭᠡ ᠠᠷᠭᠠ ᠪᠠᠶᠢᠳᠠᠭ᠃ | 6. ᠬᠡ ᠤᠭᠠᠯᠵᠠ ᠤᠶᠤᠬᠤ | ᠵᠠᠰᠠᠭᠲᠤ ᠬᠤᠷᠴᠢᠨᠴᠤᠳ ᠵᠤᠯᠤᠭ ᠲᠦᠷᠡᠢ ᠳᠡᠭᠡᠷᠡ ᠬᠡ ᠤᠭᠠᠯᠵᠠ ᠶᠢ ᠤᠷᠢᠶᠠᠬᠤ᠂ ᠰᠡᠶᠢᠯᠬᠦ᠂ ᠨᠠᠭᠠᠬᠤ᠂ | ᠰᠢᠭᠯᠠᠬᠤ᠂ ᠰᠢᠷᠢᠬᠦ᠂ ᠲᠤᠭᠤᠴᠢᠬᠤ᠂ ᠪᠤᠭᠤᠬᠤ ︵ᠨᠦᠬᠦᠬᠦ︶ ᠪᠠ ᠬᠤᠸᠠᠷ ᠬᠠᠳᠬᠤᠬᠤ ᠵᠡᠷᠭᠡ ᠪᠠᠷ ᠤᠷᠠᠯᠠᠳᠠᠭ᠃ | 7. ᠡᠮᠵᠢᠶᠡᠷᠯᠡᠬᠦ | ᠤᠷᠢᠶᠠᠵᠦ ᠪᠠᠷᠠᠭᠰᠠᠨ ᠭᠤᠳᠤᠯ ᠤᠨ ᠲᠦᠷᠡᠢ ᠶᠢᠨ ᠳᠡᠭᠡᠷᠡ ᠲᠠᠯᠠ ᠶᠢᠨ ᠢᠷᠮᠡᠭ᠂ ᠳᠠᠷᠤᠢ ᠭᠤᠳᠤᠯ ᠤᠨ ᠤᠮᠤᠭ | ᠢ ᠬᠤᠶᠠᠷ ᠭᠤᠷᠪᠠᠨ ᠬᠤᠷᠤᠭᠤ ᠬᠢᠷᠢ ᠦᠷᠭᠡᠨ ᠬᠤᠷᠭᠤᠢ ᠪᠤᠶᠤ ᠬᠤᠸᠠᠷᠲᠠᠢ ᠦᠩᠭᠡᠲᠡᠢ ᠪᠦᠰ ᠢᠶᠠᠷ ᠬᠦᠪᠡᠭᠡᠯᠡᠨ | ᠭᠤᠶᠤᠯᠠᠬᠤ ᠶᠢ ᠡᠮᠵᠢᠶᠡᠷᠯᠡᠬᠦ ᠭᠡᠳᠡᠭ᠃ ᠢᠰᠡᠭᠡᠢ ᠤᠶᠢᠮᠤᠰᠦ ᠶᠢᠨ ᠤᠮᠤᠭ ᠢ ᠴᠦ ᠢᠩᠬᠢᠵᠦ ᠭᠤᠶᠤᠳᠠᠭ᠃ | 8. ᠤᠯᠠ ᠨᠠᠭᠠᠬᠤ | ᠤᠷᠢᠳ ᠢᠶᠠᠷ ᠬᠡᠥᠬᠡᠨ ᠤᠯᠠ ᠶᠢ ᠨᠠᠭᠠᠵᠦ ᠭᠠᠷᠭᠠᠨᠠ᠃ ᠬᠡᠥᠬᠡᠨ ᠤᠯᠠ ᠨᠠᠭᠠᠬᠤ ᠶᠢ ᠬᠠᠳᠠᠭᠠᠭᠰᠠᠨ ᠴᠠᠪᠤᠭ | ᠠᠴᠠ ᠡᠰᠬᠡᠵᠦ ᠠᠪᠤᠭᠰᠠᠨ ᠤᠯᠠ ᠪᠠᠨ ᠵᠤᠵᠠᠭᠠᠯᠠᠨ ᠨᠠᠭᠠᠵᠦ᠂ ᠳᠠᠷᠠᠭᠠ ᠨᠢ ᠬᠡᠥᠬᠡᠨ ᠤᠯᠠ ᠪᠠᠨ ᠨᠤᠭᠤᠭᠠᠨ ᠪᠤᠶᠤ | ᠴᠡᠩᠭᠡᠷ ᠦᠩᠬᠡ ᠶᠢᠨ ᠪᠦᠰ ᠢᠶᠠᠷ ᠬᠦᠪᠡᠭᠡᠯᠡᠨ ᠪᠤᠭᠤᠵᠦ ᠨᠠᠭᠠᠨ ᠴᠢᠮᠡᠭᠯᠡᠳᠡᠭ᠃ ᠡᠬᠦᠨ ᠤ ᠳᠠᠷᠠᠭᠠ ᠨᠢ ᠬᠡᠥᠬᠡᠨ | ᠤᠯᠠ ᠶᠢᠨ ᠢᠶᠠᠨ ᠬᠦᠪᠡᠭᠡ ᠶᠢ ᠴᠠᠭᠠᠨ ᠪᠦᠰ ᠢᠶᠠᠷ ᠨᠢᠭᠡ ᠨᠢᠬᠡ ᠳᠠᠪᠬᠤᠷ ᠢᠶᠠᠷ ᠬᠦᠪᠡᠭᠡᠯᠡᠨ ᠨᠠᠭᠠᠮᠠᠯ ᠤᠯᠠ ᠪᠤᠯᠭᠠᠵᠦ | ᠂ ᠬᠡᠥᠬᠡᠨ ᠤᠯᠠ ᠶᠢᠨ ᠳᠡᠭᠡᠷᠡ 4 - 7 ᠳᠠᠪᠬᠤᠷ ᠳᠠᠪᠬᠤᠷᠯᠠᠨ ᠨᠠᠭᠠᠵᠦ ᠭᠤᠳᠤᠯ ᠤᠨ ᠤᠯᠠ ᠪᠠᠨ ᠵᠤᠵᠠᠭᠠᠯᠠᠨᠠ᠃ | ᠬᠠᠮᠤᠭ ᠭᠠᠳᠠᠷ ᠳᠠᠯᠠ ᠶᠢᠨ ᠤᠯᠠ ᠶᠢ ᠰᠢᠨᠡ ᠴᠠᠭᠠᠨ ᠪᠦᠰ ᠢᠶᠠᠷ ᠪᠦᠬᠦᠨ ᠢ ᠨᠢᠭᠤᠷᠯᠠᠨ ᠨᠠᠭᠠᠵᠦ ᠳᠠᠷᠤᠨᠠ᠃ | 9. ᠤᠯᠠ ᠤᠶᠤᠬᠤ ︵ᠤᠯᠠ ᠰᠢᠷᠢᠬᠦ︶ | ᠨᠠᠭᠠᠵᠦ ᠬᠠᠳᠠᠭᠠᠭᠰᠠᠨ ᠤᠯᠠ ᠪᠠᠨ ᠳᠠᠮᠤᠭᠰᠠᠨ ᠤᠯᠤᠰᠤᠨ ᠤᠳᠠᠰᠦ ᠪᠠᠷ ᠰᠢᠷᠢᠵᠦ ᠤᠶᠤᠳᠠᠭ᠃ ᠤᠯᠠ ᠰᠢᠷᠢᠬᠦ | ᠳᠤ ᠤᠯᠤᠰᠦᠨ ᠤᠳᠠᠰᠦ᠂ ᠳᠠᠪᠠᠨᠠ ᠵᠡᠬᠦᠦ᠂ ᠰᠢᠪᠦᠭᠡ ᠬᠡᠷᠡᠭᠯᠡᠵᠦ ᠤᠶᠤᠳᠠᠭ᠃ ᠤᠯᠠ ᠶᠢ ᠰᠢᠷᠢᠬᠦ ᠳᠤ ᠳᠠᠪᠬᠤᠷ | ᠲᠤᠭᠤᠷᠢᠭᠤᠯᠵᠦ ᠰᠢᠷᠢᠭᠰᠡᠨ ᠬᠤᠶᠢᠨᠠ ᠲᠤᠲᠤᠷᠠᠬᠢ ᠶᠢ ᠨᠢ ᠮᠦᠷ ᠳᠠᠷᠠᠭᠠᠯᠠᠨ ᠠᠯᠭᠠᠰᠠᠭᠤᠯᠤᠨ ᠬᠠᠳᠬᠤᠵᠦ | ᠰᠢᠷᠢᠳᠡᠭ᠃ ᠤᠳᠠᠰᠦᠨ ᠨᠢᠲᠦ ᠨᠢᠭᠲᠠ ᠪᠦᠬᠡᠳ ᠵᠢᠭᠳᠡᠬᠡᠨ ᠪᠠᠶᠢᠪᠠᠯ ᠭᠤᠶᠤ ᠬᠠᠷᠠᠭᠳᠠᠳᠠᠭ᠂ ᠬᠡᠥᠬᠡᠳ ᠤᠨ ᠱᠠᠬᠠᠢ | ᠭᠤᠳᠤᠯ ᠤᠨ ᠤᠯᠠ ᠶᠢᠨ ᠨᠢᠲᠦ ᠶᠢ ᠳᠡᠮᠡᠢ ᠤᠶᠢᠷᠠᠬᠠᠨ ᠰᠢᠷᠢᠳᠡᠭ ᠦᠬᠡᠢ᠃ | 10. ᠤᠯᠠ ᠵᠠᠨᠴᠢᠬᠤ | ᠤᠯᠠ ᠪᠠᠨ ᠰᠢᠷᠢᠵᠦ ᠪᠠᠷᠠᠪᠠᠯ ᠤᠯᠠᠯᠠᠬᠤ ᠳᠤ ᠳᠡᠭᠰᠢᠬᠡᠨ ᠪᠠᠶᠢᠯᠭᠠᠬᠤ ᠶᠢ ᠪᠤᠳᠤᠵᠦ ᠵᠢᠭᠠᠬᠠᠨ ᠤᠰᠤ ᠰᠡᠪᠢᠵᠦ | ᠴᠢᠬᠢᠭᠳᠦᠬᠦᠯᠦᠬᠡᠳ ᠰᠦᠬᠡ ᠪᠤᠶᠤ ᠳᠤᠬᠢᠭᠤᠷ ᠢᠶᠠᠷ ᠳᠠᠪᠳᠠᠵᠦ ᠵᠠᠨᠴᠢᠨ ᠳᠡᠭᠰᠢᠯᠡᠨᠡ᠃ | 11. ᠭᠤᠳᠤᠯ ᠨᠡᠶᠢᠯᠡᠭᠦᠯᠬᠦ | ᠭᠤᠳᠤᠯ ᠨᠡᠶᠢᠯᠡᠭᠦᠯᠬᠦ ᠳᠤ ᠤᠷᠢᠳ ᠢᠶᠠᠷ ᠭᠤᠳᠤᠯ ᠢ ᠪᠤᠭᠤᠮᠠᠯᠠᠨᠠ᠃ ᠭᠤᠳᠤᠯ ᠪᠤᠭᠤᠮᠠᠯᠠᠨᠠ ᠬᠡᠳᠡᠭ ᠨᠢ | ᠵᠤᠯᠤᠭ ᠲᠦᠷᠡᠢ ᠬᠤᠶᠠᠷ ᠢ ᠪᠤᠭᠤᠮᠠ ᠬᠠᠪᠴᠢᠵᠦ ᠨᠡᠶᠢᠯᠡᠬᠦᠯᠬᠦ ᠶᠢ ᠬᠡᠯᠡᠨᠡ᠃ ᠪᠤᠭᠤᠮᠠ ᠬᠠᠪᠴᠢᠬᠤ ᠳᠤ ᠶᠡᠷᠦ | ᠳᠡᠭᠡᠨ ᠪᠦᠰ ᠪᠤᠶᠤ ᠨᠢᠮᠬᠡᠨ ᠠᠷᠠᠰᠦ ᠪᠠᠷ ᠳᠠᠩ ᠪᠤᠶᠤ ᠭᠤᠷᠪᠠᠨ ᠳᠠᠪᠬᠤᠷ ᠬᠠᠪᠴᠢᠶ᠋ᠴᠷᠢ ᠭᠠᠷᠭᠠᠳᠠᠭ᠃ ᠬᠠᠪᠴᠢᠵᠦ | ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠤᠰᠤ ᠰᠦᠷᠴᠢᠨ ᠳᠡᠪᠳᠦᠬᠡᠵᠦ ᠰᠦᠬᠡ ᠪᠠᠷ ᠳᠠᠪᠳᠠᠵᠦ ᠳᠡᠭᠰᠢᠯᠡᠵᠦ ᠰᠠᠭᠤᠯᠭᠠᠨᠠ᠃ | ᠳᠠᠷᠠᠭᠠ ᠨᠢ ᠭᠤᠳᠤᠯ ᠬᠠᠪᠴᠢᠨᠠ᠃ ᠭᠤᠳᠤᠯ ᠬᠠᠪᠴᠢᠬᠤ ᠬᠡᠳᠡᠭ ᠨᠢ ᠭᠤᠳᠤᠯ ᠤᠨ ᠬᠤᠩᠰᠢᠶᠠᠷ ᠪᠤᠷᠪᠢ ᠶᠢ | ᠬᠠᠪᠰᠤᠨ ᠨᠡᠶᠢᠯᠡᠬᠦᠯᠵᠦ ᠬᠠᠪᠴᠢᠬᠤ ᠶᠢ ᠬᠡᠯᠡᠨᠡ᠃ ᠭᠤᠷᠪᠠᠨ ᠳᠠᠪᠬᠤᠷ ᠳᠡᠰᠡᠮᠡ ᠤᠷᠤᠭᠤᠯᠤᠨ ᠨᠡᠶᠢᠯᠡᠬᠦᠯᠵᠦ | ᠬᠠᠪᠴᠢᠨᠠ᠃ ᠬᠤᠨᠢ ᠢᠮᠡᠭᠠᠨ ᠤ ᠨᠢᠮᠬᠡᠨ ᠢᠯᠬᠢᠨ ᠠᠷᠠᠰᠦ ᠪᠤᠶᠤ ᠬᠢᠳᠠᠳ ᠮᠠᠶ᠋ᠢᠭ ᠤᠨ ᠪᠤᠯᠭᠤᠵᠦ ᠦᠩᠭᠡᠳᠦᠭᠰᠡᠨ | ᠬᠠᠷᠠ ᠠᠷᠠᠰᠦ ᠶᠢ ᠬᠡᠷᠡᠭᠯᠡᠵᠦ ᠳᠡᠰᠡᠮᠡ ᠬᠢᠳᠡᠭ᠃ ᠬᠤᠩᠰᠢᠶᠠᠷ ᠪᠤᠷᠪᠢ ᠪᠠᠨ ᠨᠡᠶᠢᠯᠡᠬᠦᠯᠵᠦ ᠪᠠᠷᠠᠭᠰᠠᠨ ᠤ ᠰᠡᠬᠦᠯᠡᠷ᠂ | ᠪᠠᠰᠠ ᠳᠡᠪᠳᠦᠭᠡᠵᠦ ᠰᠦᠬᠡ ᠪᠠᠷ ᠳᠠᠪᠳᠠᠨ ᠡᠷᠬᠢᠬᠦᠯᠵᠦ ︵ᠤᠷᠪᠠᠭᠤᠯᠵᠦ︶ ᠭᠠᠷᠭᠠᠨᠠ᠃ | 12. ᠭᠤᠳᠤᠯ ᠤᠯᠠᠯᠠᠬᠤ | ᠵᠤᠯᠤᠭ ᠪᠠ ᠤᠯᠠ ᠶᠢ ᠨᠡᠶᠢᠯᠡᠬᠦᠯᠵᠦ ᠤᠶᠤᠬᠤ ᠶᠢ ᠬᠡᠯᠡᠨᠡ᠃ ᠤᠷᠢᠳ ᠢᠶᠠᠷ ᠵᠤᠯᠤᠭ ᠪᠠ ᠤᠯᠠ ᠶᠢ ᠶᠠᠪ ᠴᠠᠪ | ᠲᠤᠬᠢᠷᠠᠭᠤᠯᠵᠦ ᠲᠤᠪᠬᠢᠵᠦ ᠲᠤᠭᠳᠠᠭᠠᠨᠠ᠃ ᠳᠠᠷᠠᠭᠠ ᠨᠢ ᠬᠤᠶᠠᠷ ᠦᠵᠦᠬᠦᠷ ᠨᠢ ᠪᠦᠰ ᠰᠦᠪᠡᠭᠴᠢ ᠲᠠᠢ ᠳᠠᠮᠤᠭᠰᠠᠨ | ᠤᠯᠤᠰᠤᠨ ᠤᠳᠠᠰᠦ ᠬᠡᠷᠡᠭᠯᠡᠵᠦ᠂ ᠰᠢᠪᠦᠭᠡ ᠪᠠᠷ ᠴᠤᠭᠤᠯᠤᠭᠰᠠᠨ ᠨᠦᠬᠡ ᠪᠠᠷ ᠳᠠᠮᠤᠭᠰᠠᠨ ᠤᠯᠤᠰᠤᠨ ᠤᠳᠠᠰᠦ ᠪᠠᠨ | ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠰᠦᠪᠡᠯᠡᠵᠦ ᠨᠦᠬᠦᠬᠡ ᠲᠠᠯᠠ ᠪᠠᠷ ᠨᠢ ᠳᠠᠳᠠᠵᠦ ᠭᠠᠷᠭᠠᠭᠠᠳ ᠬᠤᠶᠠᠷ ᠰᠦᠪᠡᠭᠴᠢ ᠪᠠᠷ ᠴᠤᠭ | ᠢᠶᠠᠷ ᠳᠠᠳᠠᠵᠦ ᠰᠦᠯᠵᠢᠨ ᠴᠢᠩᠭᠠᠯᠠᠳᠠᠭ᠃ | 13. ᠭᠤᠳᠤᠯ ᠬᠡᠯᠪᠢᠬᠦ | ᠤᠶᠤᠵᠦ ᠪᠦᠳᠦᠭᠡᠭᠰᠡᠨ ᠭᠤᠳᠤᠯ ᠢᠶᠠᠨ ᠪᠠᠭᠠ ᠤᠰᠤ ᠰᠦᠷᠴᠢᠵᠦ ᠴᠢᠬᠢᠭᠳᠦᠬᠦᠯᠦᠭᠡᠳ ᠬᠠᠭᠤᠷᠠᠢ ᠬᠤᠮᠠᠭ ᠪᠤᠶᠤ | ᠬᠦᠪᠦᠩ᠂ ᠬᠠᠭᠤᠴᠢᠨ ᠪᠦᠰ ᠪᠠᠷᠠᠭᠠ ᠶᠢ ᠴᠢᠬᠢᠵᠦ ᠬᠢᠭᠡᠳ ᠳᠠᠷᠠᠭᠠ ᠨᠢ ᠲᠤᠰᠬᠠᠢ ᠬᠡᠯᠪᠢᠬᠦᠷ ᠮᠤᠲᠤ ᠪᠠᠷ | ᠴᠢᠭᠵᠢᠬᠦᠯᠦᠨ ᠨᠦᠳᠦᠵᠦ ᠴᠢᠩᠭᠠᠯᠠᠨ᠂ ᠭᠤᠳᠤᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠢ ᠵᠠᠰᠠᠨ ᠭᠠᠷᠭᠠᠬᠤ ᠶᠢ ᠭᠤᠳᠤᠯ ᠬᠡᠯᠪᠢᠬᠦ | ᠭᠡᠳᠡᠭ᠃ ᠨᠢᠭᠡ ᠵᠤᠶᠢᠷᠡᠢ ᠮᠤᠩᠭᠤᠯ ᠭᠤᠳᠤᠯ ᠨᠢ ᠡᠳᠡᠭᠡᠷ ᠶᠠᠪᠤᠴᠠ ᠶᠢ ᠦᠩᠬᠡᠷᠡᠭᠦᠯᠵᠦ ᠪᠦᠳᠦᠳᠡᠭ ᠲᠤᠯᠠ ᠠᠳᠠᠭ | ᠲᠠᠭᠠᠨ ᠰᠠᠷᠠ ᠲᠦᠴᠢ ᠬᠤᠨᠤᠭ ᠤᠨ ᠤᠶᠤᠳᠠᠯ ᠬᠦᠳᠡᠯᠮᠤᠷᠢ ᠵᠠᠷᠤᠴᠠᠭᠤᠯᠳᠠᠭ ᠶᠤᠮ᠃ |