| ᠮ᠊᠂ ᠪᠦᠷᠢᠨ ︵ᠮᠠᠯᠴᠢᠨ︶ | ᠡᠵᠢ ᠳᠡᠭᠡᠨ ᠵᠤᠷᠢᠭᠯᠠᠵᠦ ᠶᠠᠷᠢᠭᠠ ᠦᠬᠡᠢ ᠦᠬᠡᠰ | ᠡᠬᠡᠴᠢ ᠶᠢᠨ ᠰᠤᠨᠤᠷ ᠢ ᠵᠤᠷᠢᠳᠠᠭ ᠪᠠᠶᠢᠯᠠ | ᠦᠶᠡ ᠳᠠᠮᠵᠢᠭᠰᠠᠨ ᠬᠡᠬᠡᠨ ᠰᠤᠷᠭᠠᠯ | ᠡᠬᠡᠴᠢ ᠶᠢᠨ ᠰᠠᠨᠠᠭᠤᠯᠭᠠ ᠠᠴᠠ ᠰᠠᠷᠠᠭᠤᠯᠵᠢᠳᠠᠭ ᠪᠠᠶᠢᠯᠠ | ᠪᠠᠭ᠋ᠠᠳᠤᠯᠲᠦ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠲᠤᠷᠭᠠᠨ ᠭᠤᠶᠤᠯᠠᠯ | ᠠᠳᠠᠷ ᠢᠶᠠᠨ ᠬᠢᠮᠠᠭᠠᠳᠠᠭᠰᠠᠨ ᠦᠯᠴᠢᠷ ᠵᠠᠶᠠᠭᠠ | ︽ᠪᠤᠯᠠᠭᠠᠨ ᠲᠤᠬᠤᠢ ᠨᠤᠲᠤᠭ︾ ᠢᠶᠠᠨ ᠱᠢᠷᠤᠩᠬᠠᠶᠢᠯᠠᠭᠰᠠᠨ | ᠠᠭᠯᠠᠭ ᠬᠦᠳᠡᠭᠡ ᠶᠢᠨ ᠡᠩᠬᠡ ᠵᠢᠷᠭᠠᠯ ᠤᠨ ᠡᠬᠡᠰᠢᠭᠯᠡᠭᠡ | ᠮᠢᠨᠦ ᠡᠬᠡᠴᠢ ᠬᠤᠨᠢᠴᠢᠨ ᠬᠦᠮᠦᠨ᠂ | ᠪᠦᠰᠡᠬᠦᠢ ᠴᠤᠯᠠᠯᠠᠭᠤᠯᠤᠭᠰᠠᠨ | ᠬᠠᠳᠠᠮ ᠤᠨ ᠡᠬᠦᠳᠡᠨ ᠤ ᠪᠠᠨ | ᠪᠦᠲᠦᠨ ᠠᠮᠢᠳᠤᠷᠠᠯ ᠢ ᠦᠬᠡᠳᠡ ᠳᠠᠳᠠᠭᠰᠠᠨ | ᠬᠠᠨ ᠨᠤᠲᠤᠭ ᠤᠨ ᠭᠤᠯᠤᠮᠳᠠ ᠮᠠᠨᠠᠬᠤ | ᠬᠠᠶᠢᠷᠠ ᠤᠷᠭᠤᠯᠤᠭᠰᠠᠨ ᠬᠠᠲᠤᠨ ᠤᠬᠠᠭᠠᠨ ᠤ | ᠬᠠᠩᠬᠢᠨᠠᠳᠠᠯᠠ ᠳᠠᠭᠤᠳᠠᠭᠳᠠᠬᠤ ᠲᠤᠤᠯᠢ ᠪᠠᠶᠢᠯᠠ᠂ | ᠠᠮᠠᠷᠠᠭ ᠬᠠᠨᠢ ᠶᠢᠨ ᠢᠶᠠᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠳᠤ | ᠠᠯᠠᠭ ᠦᠬᠡᠢ ᠬᠠᠶᠢᠷᠠ ᠪᠠᠨ ᠬᠠᠷᠠᠮ ᠦᠬᠡᠢ ᠶᠡᠬᠦᠯᠡᠵᠦ | ᠢᠨᠠᠭ ᠤᠨ ᠲᠠᠩᠭᠠᠷᠢᠭ ᠢᠶᠠᠨ ᠵᠢᠷᠦᠮᠯᠡᠵᠦ ᠨᠠᠨᠳᠢᠩᠨᠠᠭᠰᠠᠨ | ᠬᠠᠷᠠᠴᠠ ᠴᠢᠬᠢᠭᠳᠡᠬᠦᠯᠦᠨ ᠰᠤᠷᠮᠤᠤᠰᠦ ᠳᠡᠪᠳᠦᠬᠡᠬᠦ | ᠬᠠᠷᠢ ᠶᠢᠨ ᠮᠤᠷᠳᠠᠯᠭᠠ ︽ᠨᠤᠭᠤᠨᠵᠠᠶᠠᠭᠠ︾ ᠶᠢᠨ | ᠲᠦᠷᠬᠦᠮ ᠢᠶᠠᠨ ᠰᠨᠠᠭᠰᠠᠨ ᠨᠤᠲ ᠪᠠᠶᠢᠯᠠ᠂ | ᠡᠪᠡᠷ ᠤᠭᠵᠢ ᠲᠠᠢ ᠮᠡᠯᠮᠡᠯᠵᠡᠭᠰᠡᠨ ᠰᠦ ᠠᠴᠠ ᠨᠢ | ᠢᠬᠢᠷᠡ᠂ ᠦᠨᠦᠴᠢᠨ᠂ ᠬᠡᠨᠵᠡ ᠨᠦᠭᠦᠳ ᠬᠦᠷᠪᠡᠵᠢᠵᠦ | ᠤᠶᠢᠭᠠ ᠦᠬᠡᠢ ᠨᠢᠮᠪᠡᠢ ᠲᠤᠲᠤᠮᠳᠤᠯᠭᠠ ᠪᠠᠷ ᠢᠶᠠᠨ | ᠡᠷᠡᠬᠦᠯ᠂ ᠳᠡᠵᠢᠬᠡᠷ᠂ ᠵᠤᠳᠠᠷ ᠨᠤᠭᠤᠳ ᠢᠶᠠᠨ ᠳᠡᠩᠬᠡᠷᠡᠭᠦᠯᠦᠭᠰᠡᠨ | ᠮᠠᠯ ᠢᠶᠠᠨ ᠬᠠᠶᠢᠷᠠᠯᠠᠳᠠᠭ ᠮᠠᠯᠴᠢᠨ ᠬᠦᠮᠦᠨ ᠤ | ᠦᠷᠦᠪᠴᠢᠬᠡᠨ ᠰᠡᠳᠬᠢᠯ ᠨᠢ ᠦᠨᠢᠳᠡ ᠶᠢᠨ ᠢᠪᠢᠯᠤᠯ ᠡ᠂ | ᠮᠢᠩᠭᠠᠲᠤ ᠶᠢᠨ ᠲᠤᠭᠠ ᠪᠠᠷ ᠡᠵᠡᠨ ᠢᠶᠠᠨ ᠪᠠᠶᠠᠰᠠᠬᠨ | ᠲᠦᠯᠵᠢᠨ ᠪᠦᠮᠪᠦᠬᠡᠨᠡᠬᠦ ᠨᠤᠤᠰᠤᠨ ᠡᠷᠳᠡᠨᠢ | ᠰᠦᠷᠦᠭ ᠴᠠᠭᠠᠨ ᠬᠤᠨᠢᠳ ᠢ ᠪᠠᠨ | ᠵᠢᠰᠦ ᠨᠠᠰᠦ ᠪᠠᠷ ᠨᠢ ᠳᠡᠮᠳᠡᠭᠯᠡᠵᠦ | ᠰᠢᠳᠤᠯᠡᠩ᠂ ᠬᠢᠵᠠᠭᠠᠯᠠᠩ᠂ ᠰᠤᠶᠤᠭᠠᠯᠠᠩ ᠁ | ᠰᠢᠲᠦ ᠵᠢᠯ ᠢᠶᠠᠷ ᠨᠢ ᠢᠯᠭᠠᠷᠠᠭᠤᠯᠳᠠᠭ | ᠰᠡᠷᠢᠬᠦᠨ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ | ᠮᠦᠷᠳᠡᠨ ᠤᠳᠤᠮ ᠤᠨ ᠦᠪᠯᠡᠭᠰᠡᠨ ᠳᠠᠪᠢᠯᠠᠩ | ᠰᠠᠴᠤᠯᠢ ᠪᠠᠨ ᠡᠷᠭᠦᠬᠡᠳ ᠨᠤᠲᠤᠭ ᠲᠠᠭᠠᠨ ᠰᠦᠵᠢᠷᠡᠬᠦ | ᠰᠦᠨ ᠰᠠᠨᠠᠭᠠᠨ ᠤ ᠠᠷᠢᠭᠤᠨ ᠳᠠᠭᠠᠳᠬᠠᠯ | ᠮᠢᠨᠦ ᠡᠬᠡᠴᠢ ᠮᠠᠯᠴᠢᠨ ᠬᠦᠮᠦᠨ᠂ | ᠲᠦᠷᠦᠬᠡ ᠳᠠᠪᠢᠷᠠᠭᠰᠠᠨ ᠤᠨ ᠰᠠᠷᠠ | ᠠᠮᠢᠳᠤᠷᠠᠯ ᠤᠨ ᠤᠷᠤᠰᠬᠠᠯ ᠳᠤ ᠣᠴᠢᠷᠯᠠᠵᠦ | ᠲᠦᠪᠡᠭᠳᠡᠬᠦᠯᠵᠦ ᠬᠡᠯᠮᠡᠭᠳᠡᠭᠦᠯᠦᠭᠰᠡᠨ ᠵᠤᠳ ᠰᠢᠭᠤᠷᠭᠠᠨ ᠳᠤ | ᠲᠤᠷᠰᠢᠯᠭᠠ ᠬᠤᠷᠠᠯᠳᠤᠭᠤᠯᠤᠨ ᠬᠠᠰᠢᠷ ᠰᠠᠭᠤᠭᠰᠠᠨ | ᠤᠳᠤᠳ ᠤᠨ ᠲᠤᠭᠠ ᠲᠠᠢ ᠮᠦᠴᠡᠬᠡᠷᠭᠡᠨ ᠢᠷᠠᠭᠯᠠᠬᠤ | ᠤᠯᠠᠨ ᠬᠤᠨᠢᠳ ᠤᠨ ᠢᠶᠠᠨ ᠮᠠᠨᠠᠭᠠᠴᠢ ᠡᠵᠡᠨ | ᠡᠩᠬᠡᠰᠬᠡ ᠶᠢᠨ ᠪᠢᠰᠢ ᠰᠠᠯᠬᠢᠨ ᠤ ᠦᠨᠦᠷ ᠲᠠᠢ | ᠡᠶᠡᠪᠡᠷᠬᠦᠦ ᠭᠠᠩᠬᠤᠭᠰᠠᠨ ᠬᠦᠮᠦᠨ ᠴᠡᠴᠡᠭ | ᠨᠠᠷᠠ ᠰᠠᠷᠠᠨ ᠢᠶᠠᠷ ᠲᠤᠯᠢᠯᠠᠭᠤᠯᠤᠭᠰᠠᠨ | ᠬᠦᠷᠡᠩ ᠪᠤᠷᠤ ᠴᠢᠷᠠᠢ ᠳᠠᠭᠠᠨ | ᠨᠢᠩᠵᠢᠨ ᠬᠠᠶᠢᠷᠠ ᠶᠢᠨ ᠲᠤᠶᠠᠭᠠ ᠬᠡᠶᠢᠪᠡᠬᠦᠯᠦᠭᠰᠡᠨ | ᠮᠦᠰᠢᠶᠡᠲᠦ ᠲᠤᠭᠯᠠᠭᠤᠯᠤᠭᠰᠠᠨ ᠠᠭᠠᠯᠢ ᠲᠠᠢ | ᠳᠡᠯ ᠲᠠᠢ ᠬᠤᠷᠲᠤ ᠶᠢᠨ ᠰᠠᠶᠢᠪᠤᠷ ᠲᠤ ᠰᠠᠵᠢᠯᠠᠭᠤᠯᠵᠦ | ᠳᠡᠯᠡᠬᠡᠢ ᠤᠶᠠᠷᠠᠲᠠᠯᠠ ᠢᠰᠬᠡᠷᠬᠦ | ᠳᠡᠪᠡᠯ ᠲᠠᠢ ᠤᠭᠰᠠᠭᠠᠨ ᠤ᠂ ᠰᠦᠷᠦᠭ ᠢᠶᠠᠨ ᠬᠠᠶᠢᠭᠤᠯᠳᠠᠭᠰᠠᠨ | ᠳᠡᠭᠵᠢᠨ ᠲᠠᠮᠢᠷᠯᠢᠭ ᠬᠦᠳᠡᠯᠮᠤᠷᠢ ᠶᠢᠨ ᠪᠠᠭᠠᠳᠤᠷ | ᠤᠭ᠍ᠶᠤ ᠮᠦᠩᠬᠦᠨ ᠬᠠᠳᠬᠤᠭᠤᠷ ᠳᠠᠷᠤᠭᠤᠯᠭᠠ ᠲᠠᠢ | ᠤᠯᠠᠭᠠᠨ ᠱᠢᠷᠤᠨ ᠰᠦᠢᠬᠡ ᠰᠠᠵᠢᠯᠠᠭᠤᠯᠤᠭᠰᠠᠨ | ᠤᠷᠭᠠ ᠲᠤᠬᠤᠶᠢᠯᠳᠠᠭᠰᠠᠨ ᠮᠤᠩᠭᠤᠯᠵᠢᠨ ᠭᠤᠸᠠ | ᠮᠢᠨᠦ ᠡᠬᠡᠴᠢ ᠮᠠᠯᠴᠢᠨ ᠬᠦᠮᠦᠨ᠃ |