| | 1. ᠪᠤᠭᠳᠠ ᠠᠭᠤᠯᠠ | ᠠᠭᠤᠯᠠ ᠠᠭᠤᠯᠠᠨ ᠠᠴᠠ ᠦᠨᠳᠦᠷᠭᠡᠨ | ᠤᠷᠭᠤᠬᠤ ᠨᠠᠷᠠᠨ ᠠᠴᠠ ᠤᠶᠢᠷᠠᠬᠠᠨ᠂ | ᠤᠵᠤᠭᠤᠷ ᠳᠡᠥᠭᠡ ᠶᠢᠨ ᠪᠤᠭᠤᠷᠤᠯ ᠳᠤᠮᠤᠭ | ᠤᠭᠰᠠᠭᠠ ᠲᠦᠷᠦᠯ ᠤᠨ ᠪᠤᠰᠤᠭᠠ ᠤᠮᠤᠭ᠃ | ᠬᠤᠯᠠ ᠶᠢᠨ ᠬᠤᠯᠠᠬᠢ ᠰᠤᠶᠤᠯᠵᠢ ᠠᠭᠤᠯᠠ | ᠬᠤᠨᠤᠭ ᠤᠨ ᠵᠡᠭᠦᠳᠦᠨ ᠳᠤ ᠤᠶᠢᠷᠠᠬᠠᠨ᠂ | ᠬᠤᠯᠠᠨ ᠬᠤᠯᠠᠨ ᠰᠢᠷᠭᠠᠯ ᠤᠶᠢᠳ ᠤᠨ | ᠬᠤᠩᠭᠤᠷ ᠨᠦᠷᠦᠭᠡ ᠨᠢ ᠤᠷᠤᠮᠳᠠᠩᠬᠠᠨ᠃ | ᠰᠦᠮᠪᠦᠷ ᠶᠡᠭᠡᠮᠰᠦᠭ ᠪᠠᠷᠠ ᠳᠤᠨᠢ | ᠰᠦᠷᠳᠡᠵᠤ ᠪᠢᠰᠢᠷᠡᠬᠦ ᠬᠦᠮᠦᠨ ᠲᠠᠢ | ᠰᠦᠭᠦ ᠵᠤᠵᠠᠭᠠᠨ ᠴᠠᠰᠤᠨ ᠳᠤᠨᠢ | ᠰᠦᠭᠦᠷᠡᠵᠤ ᠪᠠᠯᠭᠤᠬᠤ ᠤᠮᠳᠠ ᠲᠠᠢ᠃ | ᠰᠢᠮᠡᠷᠡᠵᠤ ᠤᠷᠤᠬᠤ ᠪᠤᠷᠤᠭᠠ ᠨᠢ | ᠰᠢᠪᠡᠨᠡᠵᠤ ᠬᠡᠯᠡᠬᠦ ᠪᠤᠯᠵᠤᠭᠠ ᠲᠠᠢ᠂ | ᠰᠢᠳᠢᠳᠤ ᠠᠰᠬᠠ ᠬᠠᠳᠠ ᠨᠢ | ᠰᠢᠯᠢ ᠶᠢᠨ ᠡᠷᠡ ᠪᠤᠳᠤᠯᠭᠠ ᠲᠠᠢ᠃ | ᠰᠢᠯᠢ ᠪᠠᠷ ᠨᠢ ᠡᠰᠭᠡᠭᠳᠡᠬᠦ ᠰᠤᠷᠪᠢ ᠨᠢ | ᠰᠢᠭᠤᠢ ᠪᠠᠷ ᠢᠶᠠᠨ ᠡᠳᠡᠭᠡᠷᠡᠵᠤ ᠠᠨᠠᠳᠠᠭ᠂ | ᠰᠦᠨᠢ ᠪᠠᠷ ᠰᠢᠯᠵᠢᠭᠳᠡᠬᠦ ᠤᠪᠤᠭᠠ ᠨᠢ | ᠰᠡᠮ ᠢᠶᠠᠷ ᠤᠷᠤᠨ ᠳᠤ ᠪᠠᠨ ᠪᠤᠴᠠᠳᠠᠭ᠃ | ᠰᠡᠩᠰᠡᠷᠡᠵᠤ ᠪᠠᠭᠤᠬᠤ ᠮᠠᠨᠠᠨ ᠨᠢ | ᠰᠡᠳᠬᠢᠯ ᠤᠨ ᠠᠷᠢᠭᠤᠨ ᠬᠠᠳᠠᠭ ᠶᠤᠮ ᠤᠤ︖ | ᠰᠡᠷᠢᠭᠦᠨ ᠲᠤᠩᠭᠠᠯᠠᠭ ᠠᠭᠠᠷ ᠨᠢ | ᠰᠡᠭᠡᠭᠡᠷᠡᠵᠤ ᠲᠤᠩᠭᠠᠬᠤ ᠳᠤᠮ ᠪᠢᠯᠢᠤ︕ | ᠭᠬᠢᠷ ᠦᠭᠡᠢ ᠰᠠᠨᠠᠭᠠᠨ ᠳᠤ | ᠬᠢᠯᠢ ᠦᠭᠡᠢ ᠴᠠᠭᠠᠨ ᠨᠢ ᠳᠡᠭᠡᠷᠠ | ᠭᠬᠢᠪ ᠴᠡᠩᠭᠡᠷ ᠬᠤᠷᠸᠠ ᠳᠤ | ᠬᠢᠬᠢᠷᠢ ᠦᠩᠭᠡᠷᠡᠤ ᠢᠯᠡᠭᠦᠴᠠ ᠨᠢ ᠲᠡᠷᠠ᠃ | ᠪᠤᠷᠭᠠᠰᠤ ᠪᠤᠷᠭᠠᠰᠤᠨ ᠤ ᠪᠢᠯᠵᠤᠤᠬᠠᠢ ᠨᠢ | ᠪᠤᠳᠤᠯ ᠤᠨ ᠭᠦᠨ ᠳᠤ ᠵᠢᠷᠬᠢᠳᠡᠭ᠂ | ᠪᠤᠳᠠ ᠪᠤᠳᠠ ᠤ ᠪᠦᠵᠦᠩᠬᠡᠢ ᠨᠢ | ᠪᠤᠯᠬᠢᠬᠤ ᠵᠢᠷᠦᠭᠡᠨ ᠳᠤ ᠴᠤᠬᠢᠯᠳᠠᠭ᠃ | ᠪᠤᠭᠳᠠ ᠶᠢᠨ ᠦᠨᠳᠦᠷ ᠬᠠᠶᠢᠷᠬᠠᠨ | ᠪᠤᠮᠪᠠ ᠶᠢᠨ ᠤᠷᠤᠨ ᠤ ᠬᠠᠭᠠᠨ | ᠪᠤᠶᠠᠨᠳᠤ ᠠᠷᠠᠳ ᠤᠨ ᠬᠠᠷᠠᠭᠠᠨ ᠳᠤ | ᠪᠤᠷᠬᠠᠨ ᠲᠡᠭᠷᠢ ᠶᠢᠨ ᠬᠠᠷᠠᠭᠤᠯ ᠡ︕ | 2. ᠭᠦᠢᠯᠡᠷ ᠭᠤᠤᠯ | ᠠᠮᠢᠨ ᠬᠠᠯᠠᠭᠤᠨ ᠰᠢᠷᠦᠢ | ᠳᠤᠮ ᠤᠨ ᠰᠡᠷᠢᠭᠦᠨ ᠤᠰᠤ | ᠡᠩᠭᠡ ᠶᠢᠨ ᠪᠤᠷᠤ ᠭᠠᠯᠠᠭᠤᠳ ᠤᠨ ᠵᠤᠰᠠᠭᠠᠯ | ᠴᠠᠶᠢᠯᠠᠰ ᠴᠠᠶᠢᠯᠠᠰ ᠴᠡᠩᠬᠡᠷᠯᠡᠨᠡᠮ᠂ | ᠮᠦᠩᠭᠡ ᠶᠢᠨ ᠨᠤᠭᠤᠭᠠᠨ ᠵᠢᠯᠠᠭᠠ ᠶᠢᠨ ᠰᠤᠳᠠᠰᠤ | ᠯᠤᠭ ᠯᠤᠭ ᠯᠤᠭᠰᠢᠨᠠᠮ︕ | ᠬᠤᠯᠠᠨ ᠵᠢᠷᠤᠭᠠ ᠤᠷᠤᠰᠬᠠᠯ ᠶᠠᠭᠠᠷᠠᠵᠤ | ᠬᠤᠯᠠ ᠶᠢᠨ ᠬᠦᠰᠡᠯ ᠳᠡᠷᠭᠡᠯᠯᠡᠨᠡᠮ᠂ | ᠬᠠᠶᠢᠷᠠ ᠶᠢᠨ ᠲᠤᠷᠭᠠᠨ ᠬᠠᠳᠠᠭ ᠨᠠᠮᠢᠷᠠᠵᠤ | ᠬᠤᠩᠭᠤᠷ ᠰᠡᠳᠬᠢᠯ ᠲᠤᠭᠳᠤᠯᠤᠨᠠᠮ︕ | ᠡᠷᠬᠢᠭᠡ ᠨᠤᠭᠤᠯᠭᠠ ᠳᠡᠪᠡᠯ ᠤᠨ ᠬᠡ | ᠡᠪ ᠤᠨ ᠢᠷᠦᠭᠡᠯ ᠳᠤᠭᠲᠠᠨᠠᠮ︕ | ᠡᠷᠬᠢ ᠴᠡᠭᠡᠯ ᠳᠠᠷᠠᠰᠤᠨ ᠤ ᠭᠡᠮ | ᠡᠷᠠ ᠶᠢᠨ ᠰᠢᠨᠳᠠᠰᠤ ᠴᠠᠩᠭᠠᠯᠠᠨᠠᠮ︕ | ᠠᠷᠠᠵᠠ ᠶᠢᠨ ᠲᠤᠩᠭᠠᠯᠠᠭ ᠭᠦᠢᠯᠡᠷ | ᠠᠵᠠ ᠶᠢᠨ ᠳᠡᠭᠷᠢᠯᠢᠭ ᠭᠤᠤᠯ ᠡ︕ | 3. ᠲᠦᠪᠲᠡᠢ ᠶᠢᠨ ᠰᠡᠷᠢᠭᠦᠨ ᠬᠦᠨᠳᠡᠢ ᠳᠤ | ᠤᠷᠢᠳᠤ ᠶᠢᠨ ᠳᠠᠭᠤᠨ ᠤ ᠤᠶᠠᠩᠭᠠ ᠰᠠᠨᠠᠭᠤᠯᠵᠤ | ᠤᠭᠠᠯᠵᠠ ᠵᠢᠷᠦᠨ ᠲᠦᠪᠲᠡᠢ ᠶᠢᠨ ᠭᠤᠤᠯ ᠴᠡᠩᠭᠡᠷᠯᠡᠨᠡ︕ | ᠤᠷᠢᠳᠤ ᠶᠢᠨ ᠬᠦᠮᠦᠨ ᠤ ᠤᠯᠠ ᠬᠠᠶᠢᠵᠤ | ᠦᠯᠢᠭᠡᠷ ᠤᠨ ᠨᠤᠳᠤᠭ ᠲᠤ ᠰᠡᠳᠬᠢᠯ ᠴᠢᠩᠭᠠᠭᠳᠠᠨᠠ︕ | ᠦᠯ ᠪᠤᠭᠤᠷᠤᠯ ᠡᠪᠦᠭᠡᠳ ᠡᠮᠡᠭᠡᠳ | ᠦᠷᠦᠮᠡ ᠲᠠᠢ ᠵᠦᠭᠡᠯᠡᠨ ᠬᠤᠭᠤᠴᠢ ᠳᠡᠯᠭᠡᠨᠡ | ᠦᠩᠭᠡᠷᠡᠭᠴᠢ ᠤᠨ ᠳᠠᠬᠢᠨ ᠠᠮᠢᠯᠠᠵᠤ | ᠦᠨᠡᠨ ᠵᠢᠷᠤᠭ ᠠᠶᠠᠷ ᠠᠶᠠᠷ ᠳᠡᠯᠭᠡᠷᠡᠨᠡ︕ | ᠳᠡᠯᠭᠡᠷ᠂ ᠶᠢᠨ ᠴᠧᠩ ᠳᠠᠭᠤᠯᠠᠬᠤ ᠳᠤ | ᠳᠡᠯᠡᠭᠡᠢ ᠤᠯᠠᠮ ᠨᠢᠯᠬᠠᠷᠠᠨᠠ᠂ | ᠳᠡᠷᠲᠡᠭᠡ ᠵᠠᠭᠤᠨ ᠤ ᠳᠦᠭᠦᠷᠡᠩᠵᠠᠭᠠᠨᠠ | ᠳᠡᠭᠦᠯᠢᠨ ᠳᠡᠪᠬᠢᠭᠡᠳ ᠨᠠᠭᠠᠰᠢᠯᠠᠨᠠ︕ | ᠬᠤᠯᠠᠨ ᠵᠢᠷᠤᠭᠠ ᠤᠰᠤ ᠨᠢ | ᠬᠤᠷᠳᠤ ᠪᠠᠨ ᠳᠠᠲᠠᠨ ᠬᠦᠯᠢᠶᠡᠨᠠ᠂ | ᠬᠤᠯᠠ ᠬᠠᠷᠠᠭᠠ ᠠᠭᠤᠯᠠᠰ ᠨᠢ | ᠬᠤᠳᠤᠶᠢᠵᠤ ᠪᠠᠶᠢᠮᠠᠨ ᠴᠢᠩᠨᠠᠨᠠ︕ | ᠬᠠᠷᠠ ᠲᠤᠯᠤᠭᠠᠢ ᠲᠠᠢ ᠬᠤᠨᠢ ᠡᠷᠳᠡᠨᠢ | ᠬᠡᠪᠢᠬᠦ ᠪᠠᠨ ᠮᠠᠷᠲᠠᠭᠠᠳ ᠮᠡᠯᠡᠷᠡᠨᠡ᠂ | ᠬᠠᠳᠠᠨ ᠳᠤ ᠦᠨᠳᠦᠰᠤ ᠲᠠᠢ ᠳᠡᠯᠳᠤ | ᠬᠠᠵᠠᠶᠢᠵᠤ ᠵᠤᠭᠰᠤᠭᠠᠳ ᠠᠯᠮᠠᠶᠢᠷᠠᠨᠠ︕ | ᠴᠡᠯ ᠨᠤᠭᠤᠭᠠᠨ ᠳᠡᠯᠡᠭᠡᠢ | ᠴᠢᠯᠡᠭᠡ ᠳᠠᠶᠢᠯᠠᠵᠤ ᠠᠷᠭᠠᠳᠠᠨᠠ᠂ | ᠴᠡᠪᠡᠷ ᠠᠷᠢᠭᠤᠨ ᠠᠮᠢᠰᠬᠤᠭᠠ | ᠴᠢᠨᠠᠷ ᠰᠦᠨᠡᠰᠤ ᠶᠢ ᠠᠷᠢᠭᠤᠳᠬᠠᠨᠠ᠃ | ᠰᠡᠳᠬᠢᠯ ᠤᠨ ᠬᠠᠭᠤᠷᠠᠢ ᠡᠯᠡᠰᠦᠨ ᠠᠳᠠ | ᠴᠠᠶᠢᠷᠠᠨ ᠲᠦᠷᠦᠵᠤ ᠢᠷᠡᠭᠡᠳᠦᠢ᠂ | ᠰᠡᠷᠢᠭᠦᠨ ᠬᠦᠨᠳᠡᠢ ᠵᠢᠯᠠᠭᠠ ᠪᠠᠷ | ᠴᠡᠴᠡᠭ ᠵᠤᠯᠲᠠᠢ ᠲᠤᠷᠮᠤᠭᠰᠠᠭᠠᠷ… | ᠮᠦᠩᠭᠡ ᠲᠡᠭᠷᠢ ᠠᠳᠠ | ᠬᠤᠷᠠ ᠪᠠᠨ ᠪᠠᠰᠠ ᠴᠦ ᠢᠪᠡᠭᠡᠭᠰᠡᠭᠡᠷ | ᠮᠤᠩᠭᠤᠯ ᠠᠮᠢᠳᠤᠷᠠᠯ ᠠᠳᠠ | ᠭᠠᠯ ᠢᠶᠠᠨ ᠮᠦᠨ ᠯᠡ ᠬᠦᠭᠵᠢᠭᠡᠭᠰᠡᠭᠡᠷ… | 4. ᠪᠢᠯᠢᠭ ᠤᠨ ᠵᠤᠯᠠ | ᠵᠢᠪ ᠵᠢᠷ ᠤᠨ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ | ᠶᠠᠪ ᠶᠡᠷᠦ ᠶᠢᠨ ᠪᠠᠭᠰᠢ ᠨᠠᠷ | ᠲᠤᠭᠤᠰᠬᠠ ᠠᠳᠠᠯᠢ ᠦᠷᠡᠭᠳᠡᠨ ᠪᠠᠶᠢᠵᠤ | ᠲᠤᠷᠤᠰᠬᠠ ᠠᠳᠠᠯᠢ ᠡᠯᠡᠭᠳᠡᠨ ᠪᠠᠷᠠᠵᠤ | ᠰᠤᠶᠤᠯ ᠤᠨ ᠲᠤᠮᠤ ᠠᠰᠠᠷ ᠢ | ᠰᠠᠨᠰᠠᠷ ᠵᠦᠭ ᠦᠨᠳᠦᠷᠯᠡᠭᠦᠯᠦᠨᠡ᠃ | ᠰᠡᠪ ᠰᠡᠮᠬᠡᠨ ᠠᠵᠢᠯ ᠤᠨ ᠰᠦᠨᠢ | ᠰᠡᠪ ᠰᠡᠷᠡᠭᠦᠨ ᠠᠮᠢᠨ ᠵᠤᠯᠠ | ᠤᠳᠤ ᠠᠳᠠᠯᠢ ᠰᠦᠮᠡᠯᠵᠡᠨ ᠳᠠᠳᠴᠤ | ᠤᠴᠢ ᠠᠳᠠᠯᠢ ᠠᠰᠠᠨ ᠳᠠᠭᠤᠰᠴᠤ | ᠪᠠᠯᠠᠢ ᠶᠢᠨ ᠬᠦᠨ ᠬᠠᠷᠠᠩᠭᠤᠢ ᠶᠢ | ᠪᠢᠯᠢᠭ ᠤᠨ ᠨᠠᠷᠠ ᠲᠠᠢ ᠬᠤᠨᠤᠭᠤᠯᠤᠨᠠ᠃ | ᠬᠦᠪ ᠬᠦᠩᠭᠡᠨ ᠢᠨᠢᠶᠡᠮᠰᠦᠭᠯᠡᠯ | ᠬᠦᠪ ᠬᠦᠨᠳᠦᠭᠡᠨ ᠵᠦᠳᠡᠭᠦᠷᠢ | ᠵᠦᠪ ᠵᠦᠭᠡᠯᠡᠨ ᠰᠠᠨᠠᠭᠤᠯᠠᠮᠵᠢ | ᠵᠤᠪ ᠵᠤᠵᠠᠭᠠᠨ ᠬᠠᠯᠠᠮᠵᠢ︕ | ᠬᠡᠶᠢᠰᠬᠦ ᠡᠭᠦᠯᠡᠨ ᠤ ᠠᠯᠳᠠᠷ | ᠵᠤᠷᠢᠭ ᠤᠨ ᠰᠠᠯᠬᠢᠨ ᠳᠤ ᠰᠡᠲᠡᠷᠡᠵᠤ | ᠬᠡᠢ ᠬᠤᠭᠤᠰᠤᠨ ᠮᠠᠭᠳᠠᠭᠠᠯ | ᠵᠤᠮᠤᠯ ᠤᠨ ᠦᠨᠡᠰᠤ ᠰᠢᠭ ᠰᠠᠷᠨᠢᠨᠠ︕ | ᠦᠪᠡᠷ ᠪᠡᠶᠡ ᠶᠢᠨ ᠬᠤᠷᠤᠭᠳᠠᠯ | ᠦᠷᠦᠭᠡᠯ ᠪᠤᠰᠤᠳ ᠤᠨ ᠨᠡᠮᠡᠭᠳᠡᠯ | ᠲᠡᠯᠴᠢᠯᠡᠵᠤ ᠪᠠᠶᠢᠬᠤ ᠲᠠᠪᠢᠯᠠᠩ ᠤᠤ︖ | ᠲᠡᠨᠴᠤᠭᠦᠷᠠᠵᠤ ᠪᠠᠶᠢᠬᠤ ᠵᠢᠷᠭᠠᠯᠠᠩ ᠤᠤ︖ | 5. ᠬᠠᠪᠤᠷ ᠤᠨ ᠠᠭᠤᠷ ᠤᠷᠤᠬᠤ ᠳᠤ | ᠬᠠᠪᠤᠷ ᠤᠨ ᠠᠭᠤᠷ — | ᠳᠠᠩᠬᠢᠯ ᠠᠮᠢᠰᠬᠤᠭᠠ | ᠮᠠᠷ ᠮᠠᠷ︕ | ᠬᠠᠭᠵᠠᠷᠠᠬᠤ ᠴᠠᠰᠤ — | ᠲᠡᠷᠯᠢᠭ ᠤᠨ ᠡᠩᠭᠡᠷ | ᠢᠷᠡᠰ ᠢᠷᠡᠰ︕ | ᠮᠡᠯᠮᠡᠩ ᠰᠠᠷᠠᠨ — | ᠳᠡᠷᠭᠡᠳᠡ | ᠵᠤᠤᠮᠠᠰ ᠵᠤᠤᠮᠠᠰ︕ | ᠮᠡᠴᠢᠳ ᠤᠳᠤᠨ — | ᠳᠡᠷᠲᠡᠭᠡ | ᠳᠤᠷᠮᠤᠰ ᠳᠤᠷᠮᠤᠰ︕ | ᠮᠦᠰᠦ ᠵᠠᠶᠢᠷᠳᠤᠵᠤ — | ᠬᠤᠶᠠᠷ ᠵᠤᠪᠬᠢ | ᠵᠢᠷᠪᠢᠰ ᠵᠠᠷᠪᠡᠰ︕ | ᠮᠦᠷᠦᠭᠡᠳᠦᠯ ᠲᠤᠷᠠᠰᠤᠯ — | ᠵᠡᠷᠭᠡᠯᠭᠡᠨ ᠰᠢᠭ | ᠵᠢᠷᠦᠪ ᠵᠢᠷᠦᠪ︕ | ᠮᠦᠨᠦᠭᠡᠨ ᠶᠤᠮ ᠰᠢᠭ᠋ ᠴᠤ | ᠵᠠᠯᠠᠭᠤ ᠨᠠᠰᠤ | ᠵᠢᠳᠦᠪ ᠵᠠᠳᠤᠪ︕ | ᠮᠦᠩᠭᠦᠨ ᠳᠤ ᠠᠳᠠᠯᠢᠬᠠᠨ | ᠬᠤᠷᠤᠮ ᠤᠳ | ᠬᠢᠯᠠᠰ ᠬᠢᠯᠠᠰ︕ | |