ᠨᠠᠷᠠ ᠬᠤᠷᠡ ᠳᠡᠩᠴᠠᠵᠦ ᠨᠠᠪᠴᠢ ᠴᠡᠴᠡᠭ ᠪᠦᠵᠢᠭᠯᠡᠭᠰᠡᠨ ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷ ᠡ ᠳᠤ᠂ ᠬᠤᠷᠴᠢᠨ | ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠤᠳᠤ ᠶᠢᠨ ᠳᠠᠯ ᠡ ᠨᠤᠳᠤᠭ ᠢᠶᠠᠷ ᠠᠶᠠᠯᠠᠬᠤᠶ ᠡ᠂ ᠬᠦᠭᠡ | ᠤᠭᠳᠠᠷᠭᠤᠢ ᠳᠤ ᠬᠦᠪᠤᠡᠭ ᠡᠭᠦᠯᠡ ᠬᠦᠪᠪᠦᠯᠵᠡᠨ᠂ ᠬᠦᠳᠡᠭᠡ ᠳᠠᠯ ᠡ ᠪᠠᠷ ᠤᠰᠤ ᠳᠤᠭᠤᠷᠢᠮ ᠳᠤᠨᠤᠯᠵᠠᠵᠦ᠂ | ᠡᠪᠡᠰᠦᠨ ᠤ ᠰᠤᠷᠭᠤᠭ ᠤᠰᠤᠨ ᠤ ᠳᠤᠩᠭᠠᠯᠠᠭ ᠢ ᠲᠠᠭᠠᠨ ᠳᠠᠭᠠᠳᠠᠶᠢᠬᠠᠨ ᠪᠡᠯᠴᠢᠬᠦ ᠦᠬᠡᠷ ᠬᠤᠨᠢᠨ ᠰᠦᠷᠦᠭ ᠤᠳ | ᠰᠠᠨᠠᠭᠠ ᠶᠢ ᠪᠠᠶᠠᠰᠬᠠᠵᠦ ᠰᠡᠳᠬᠢᠯ ᠢ ᠰᠡᠷᠭᠦᠬᠡᠨᠡ᠃ ᠤᠯᠠᠭᠠᠨᠮᠤᠳᠤ ᠰᠤᠮᠤᠨ ᠤ ᠦᠪᠦᠷᠵᠢᠯᠠᠭᠠ ᠭᠠᠴᠠᠭᠠ ᠠᠴᠠ | ᠬᠤᠶᠢᠰᠢ ᠬᠤᠷᠢᠭᠠᠳ ᠭᠠᠵᠠᠷ ᠵᠠᠶᠢᠳᠠᠢ ᠪᠠᠶᠢᠭᠠ ᠰᠠᠷᠠᠨᠳᠠᠢ ᠶᠢᠨ ᠵᠢᠯᠠᠭᠠ ᠶᠢ ᠰᠠᠬᠢᠨ ᠰᠠᠭᠤᠭᠰᠠᠨ ᠮᠠᠯᠴᠢᠨ | ᠪᠠᠭᠠᠨᠠ ᠶᠢᠨ ᠬᠢᠨ ᠳᠤ ᠬᠦᠷᠬᠦ ᠳᠤ᠂ ᠳᠡᠷᠡ ᠪᠦᠰᠡᠭᠦᠢ ᠯᠦᠡᠭ ᠮᠸᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠳᠡᠮᠡᠭᠡ ᠬᠢᠷᠭᠠᠭᠠᠳ | ᠶᠠᠭᠠᠷᠠᠵᠦ ᠪᠠᠶᠢᠯ ᠡ᠃ | ᠡᠨᠡ ᠵᠢᠯ ᠳᠠᠪᠢ ᠶᠢᠨ ᠳᠠᠪᠠᠭᠠ ᠶᠢ ᠬᠦᠭᠡᠭᠡᠵᠦ ᠶᠠᠪᠤᠭᠠ ᠪᠠᠭᠠᠨᠠ ᠭᠤᠸᠠᠢ ᠮᠠᠯ ᠮᠠᠯᠵᠢᠭᠠᠳ ᠨᠢᠭᠡᠨᠳᠡ | ᠭᠤᠴᠢᠭᠠᠳ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠦ᠂ ᠤᠳᠤ ᠡᠳᠡᠨ ᠤ ᠬᠢᠨ 5000 ᠭᠠᠷᠤᠢ ᠮᠦ ᠨᠤᠳᠤᠭ ᠪᠡᠯᠴᠢᠭᠡᠷ ᠲᠤ ᠪᠠᠨ | 40 ᠭᠠᠷᠤᠢ ᠦᠬᠡᠷ᠂ 1000 ᠭᠠᠷᠤᠢ ᠬᠤᠨᠢ ᠢᠮᠠᠭᠠ᠂ 4 ᠮᠤᠷᠢ᠂ 3 ᠳᠡᠮᠡᠭᠡ ᠲᠠᠢ ᠪᠠᠶᠢᠵᠤ᠂ ᠳᠠᠪᠤᠨ ᠬᠤᠰᠢᠭᠤ | ᠮᠡᠯ ᠢᠶᠠᠷ ᠳᠠᠯ ᠡ ᠪᠠᠨ ᠴᠢᠮᠡᠵᠦ ᠳᠠᠩᠰᠤᠭ ᠪᠠᠶᠠᠨ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠶᠠᠪᠤᠨᠡ᠃ | ᠪᠠᠭᠠᠨᠠ ᠬᠤᠷᠢᠭᠠᠳ ᠵᠢᠯ ᠤᠨ ᠡᠮᠦᠨᠡ ᠠᠶᠢᠯ ᠭᠡᠷ ᠪᠠᠶᠢᠭᠤᠯᠬᠤ ᠦᠶᠡ ᠳᠤ᠂ ᠡᠳᠡᠨ ᠤ ᠬᠢᠨ ᠬᠡᠳᠦᠬᠡᠨ ᠠᠯᠠᠰᠢᠨ | ᠬᠤᠨᠢ ᠪᠠ ᠤᠨᠤᠭᠠᠨ ᠤ ᠮᠤᠷᠢ ᠲᠠᠢ ᠰᠠᠭᠤᠷᠢ ᠨᠢᠮᠭᠡᠨ ᠠᠶᠢᠯ ᠪᠠᠶᠢᠪᠠ᠃ ᠬᠤᠵᠢᠮ ᠨᠢ ᠳᠡᠷᠡ ᠬᠡᠳᠦᠨ ᠮᠠᠯ ᠢᠶᠠᠨ | ᠦᠰᠭᠡᠨ ᠳᠤᠳᠤᠮᠳᠠᠬᠤ ᠭᠡᠵᠦ ᠨᠢᠭᠡ ᠯᠡ ᠰᠡᠳᠭᠢᠯ ᠢᠶᠠᠷ ᠴᠢᠷᠮᠠᠶᠢᠨ᠂ ᠴᠢᠳᠠᠬᠤ ᠦᠭᠡᠢ ᠮᠡᠳᠡᠬᠦ ᠦᠭᠡᠢ ᠵᠦᠢᠯᠡᠰ ᠢᠶᠠᠨ | ᠠᠬᠠᠮᠠᠳ ᠳᠤᠮᠤᠭᠠᠳᠠᠨ ᠠᠴᠠ ᠠᠰᠠᠭᠤᠨ ᠯᠠᠪᠯᠠᠵᠦ ᠳᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠤᠨ ᠨᠢᠭᠡ ᠮᠡᠳᠡᠬᠦ ᠳᠤ | ᠠᠮᠢᠳᠤᠷᠠᠬᠤᠢ ᠶᠢᠨ ᠤᠬᠠᠭᠠᠨ᠂ ᠠᠯᠤᠰ ᠤᠨ ᠬᠠᠷᠠᠯᠳᠠ ᠲᠠᠢ ᠬᠠᠰᠢᠷ ᠮᠠᠯᠴᠢᠨ ᠪᠤᠯᠤᠭᠰᠠᠨ ᠶᠤᠮ᠃ ᠮᠠᠯ ᠤᠨ | ᠡᠭᠦᠯᠳᠡᠷ ᠢ ᠰᠠᠶᠢᠵᠢᠷᠠᠭᠤᠯᠵᠦ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠶᠢ ᠠᠯᠢ ᠡᠷᠳᠡ ᠠᠴᠠ ᠰᠡᠷᠡᠵᠦ ᠮᠡᠳᠡᠭᠰᠡᠨ ᠪᠠᠭᠠᠨᠠ | ᠠᠷᠪᠠᠨ ᠬᠡᠳᠤᠨ ᠵᠢᠯ ᠤᠨ ᠡᠮᠦᠨᠡ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠮᠠᠯ ᠬᠤᠳᠠᠯᠳᠤᠨ ᠠᠪᠴᠤ᠂ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ | ᠡᠬᠦᠯᠳᠡᠷ ᠢ ᠰᠠᠶᠢᠵᠢᠷᠠᠭᠤᠯᠵᠦ ᠠᠰᠢᠭ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠪᠠᠷ ᠤᠷᠤᠯᠳᠤᠵᠠᠢ᠃ | ᠪᠠᠭᠠᠨᠠ ᠭᠤᠸᠠᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠶᠢᠨ ᠢᠶᠠᠨ ᠨᠦᠯᠦᠭᠡᠯᠡᠯ ᠢ ᠬᠦᠷᠳᠡᠵᠦ ᠮᠤᠷᠢ ᠪᠠ ᠳᠡᠮᠡᠭᠡᠨ ᠳᠤ | ᠤᠨᠴᠠ ᠬᠤᠷᠤᠬᠠᠢ ᠲᠠᠢ ᠪᠠᠶᠢᠵᠠᠢ᠃ ᠳᠡᠭᠡᠭᠡᠳ ᠳᠡᠷᠡ 2017 ᠤᠨ ᠳᠤ ᠭᠠᠳᠠᠨᠠᠬᠢ ᠮᠠᠶᠢᠮᠠᠶᠢᠴᠢᠨ ᠬᠤᠶᠠᠷ ᠳᠡᠮᠡᠭᠡ | ᠠᠴᠢᠭᠠᠳ ᠡᠭᠦᠳᠡᠨ ᠡᠮᠦᠨᠡᠬᠦᠷ ᠨᠢ ᠦᠡᠭᠭᠡᠷᠡᠬᠦ ᠳᠤ᠂ ᠬᠡᠳᠤᠨ ᠡᠳᠦᠷ ᠳᠡᠷᠭᠡᠨ ᠳᠤ ᠠᠴᠢᠭᠳᠠᠭᠠᠳ ᠦᠯᠦᠰᠴᠤ | ᠤᠮᠳᠠᠭᠠᠰᠴᠤ ᠪᠠᠶᠢᠭᠠ ᠳᠡᠮᠡᠭᠡ ᠶᠢ ᠬᠠᠷᠠᠭᠠᠳ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠦᠷᠦ ᠰᠡᠳᠬᠢᠯ ᠨᠢ ᠦᠨᠳᠡᠯᠵᠡᠨ ᠬᠤᠶᠠᠷ | ᠳᠡᠮᠡᠭᠡ ᠶᠢ ᠬᠠᠮᠳᠤ ᠳᠤ ᠨᠢ ᠬᠤᠳᠠᠯᠳᠤᠨ ᠠᠪᠴᠤ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠪᠦᠷᠢᠳᠦᠭᠦᠯᠵᠦ ᠳᠠᠯᠪᠢᠭᠰᠠᠨ ᠪᠢᠯᠡ᠃ | ᠪᠠᠭᠠᠨᠠ ᠶᠢᠨ ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠂ ᠳᠡᠮᠡᠭᠡ ᠨᠢ ᠦᠷᠡᠵᠢᠯᠳᠡ ᠪᠠᠷ ᠤᠳᠠᠭᠠᠨ ᠪᠠᠶᠢᠵᠦ᠂ ᠳᠡᠳᠡᠨ ᠤ | ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠪᠠᠨ ᠴᠤ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ ᠭᠡᠪᠡᠴᠤ ᠮᠠᠯ ᠤᠨ ᠪᠤᠶᠠᠨ ᠳᠤ ᠪᠠᠨ ᠳᠦᠰᠢᠭᠯᠡᠨ᠂ | ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠦᠭᠡᠳᠡ ᠳᠠᠳᠠᠵᠦ ᠢᠷᠡᠭᠰᠡᠨ ᠪᠠᠭᠠᠨᠠ ᠭᠤᠸᠠᠢ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠳᠤ ᠪᠠᠨ ᠴᠠᠭᠯᠠᠰᠢ | ᠦᠭᠡᠢ ᠬᠠᠶᠢᠷᠠᠳᠠᠢ ᠪᠠᠶᠢᠳᠠᠭ ᠠᠴᠠ ᠪᠠᠶᠢᠭᠠᠯᠢ ᠶᠢᠨ ᠭᠠᠨᠭ᠌ ᠭᠠᠮᠰᠢᠭ᠂ ᠠᠶᠢᠯ ᠡᠷᠦᠬᠡ ᠶᠢᠨ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ | ᠬᠠᠶᠢᠬᠤᠷᠤᠯ ᠦᠭᠡᠢ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠳᠡᠭᠰᠢ ᠪᠠᠷ ᠳᠡᠵᠢᠭᠡᠵᠦ ᠢᠷᠡᠵᠡᠢ᠃ | ︽ᠴᠢᠷᠮᠡᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ︾ ᠭᠡᠳᠡᠭᠴᠢᠯᠡᠨ᠂ ᠪᠠᠭᠠᠨᠠ ᠶᠢᠨ ᠳᠡᠵᠢᠭᠡᠭᠰᠡᠨ ᠠᠳᠤᠭᠤ | ᠮᠠᠯ ᠨᠢ ᠦᠨᠢᠷ ᠦᠰᠴᠤ ᠠᠮᠢᠳᠤᠷᠠᠯ ᠨᠢ ᠴᠤ ᠠᠭᠠᠵᠢᠮ ᠢᠶᠠᠷ ᠰᠠᠶᠢᠵᠢᠷᠠᠵᠠᠢ᠃ ᠭᠡᠪᠡᠴᠤ ᠤᠷᠴᠢᠮ ᠤᠨ ᠵᠢᠯ ᠳᠤ | ᠮᠠᠯ ᠤᠨ ᠳᠤᠭᠠ ᠳᠤᠯᠤᠭᠠᠢ ᠨᠡᠮᠡᠭᠳᠡᠵᠤ ᠪᠡᠯᠴᠢᠭᠡᠷ ᠤᠨ ᠳᠠᠭᠠᠭᠠᠴᠠ ᠠᠴᠠ ᠬᠡᠳᠦᠷᠡᠭᠰᠡᠨ ᠠᠴᠠ ᠡᠪᠡᠰᠦ ᠪᠡᠯᠴᠢᠭᠡᠷ | ᠮᠠᠭᠤᠳᠠᠬᠤ ᠪᠠᠶᠢᠳᠠᠯ ᠢᠯᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠬᠦᠨ ᠳᠤ ᠪᠠᠭᠠᠨᠠ ︽ᠨᠤᠳᠤᠭ ᠤᠰᠤ ᠪᠤᠯ ᠮᠠᠯᠴᠢᠨ ᠬᠦᠮᠦᠨ ᠤ ᠠᠮᠢ | ᠨᠠᠰᠤ ᠮᠦᠨ︾ ᠭᠡᠳᠡᠭ ᠦᠵᠡᠯᠳᠡ ᠳᠠᠨᠢᠯᠳᠠ ᠶᠢ ᠪᠠᠷᠢᠮᠳᠠᠯᠠᠨ᠂ ᠨᠤᠳᠤᠭ ᠤᠰᠤ ᠪᠠᠨ ᠬᠠᠮᠠᠭᠠᠯᠠᠨ ᠨᠤᠭᠤᠭᠠᠷᠠᠭᠤᠯᠵᠦ | ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠳᠡᠩᠴᠡᠭᠦᠷᠢᠰᠢᠯ ᠢ ᠪᠠᠳᠤᠯᠠᠬᠤ ᠵᠢᠮ ᠡ ᠶᠤᠰᠤ ᠶᠢ ᠬᠦᠨᠳᠦᠳᠭᠡᠵᠦ᠂ ᠪᠤᠰᠤᠳ ᠠᠴᠠ 2000 | ᠮᠥ ᠭᠠᠵᠠᠷ ᠳᠦᠷᠢᠶᠡᠰᠦᠯᠡᠨ᠂ ᠪᠡᠯᠴᠢᠭᠡᠷ ᠢᠶᠠᠨ ᠳᠡᠮᠡᠭᠡᠨ ᠳᠤ ᠳᠤᠬᠢᠷᠠᠭᠰᠠᠨ ᠭᠤᠪᠢᠷᠠᠬᠤ ᠨᠤᠳᠤᠭ᠂ ᠮᠠᠯ ᠤᠨ ᠤᠰᠤ | ᠤᠮᠳᠠ ᠳᠤ ᠬᠠᠨᠭ᠍ᠭᠠᠯᠳᠠ ᠲᠠᠢ ᠪᠦᠷᠢᠳᠤ ᠳᠤᠭᠤᠷᠢᠮ᠂ ᠪᠤᠭ ᠮᠠᠯ ᠪᠡᠯᠴᠢᠭᠡᠷᠯᠡᠬᠦᠯᠬᠦ ᠨᠠᠷᠢᠨ ᠰᠢᠷᠬᠢᠭᠳᠤ ᠡᠪᠡᠰᠤᠳᠤ | ᠭᠠᠵᠠᠷ ᠵᠡᠷᠭᠡ ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠮᠠᠯ ᠮᠠᠯᠵᠢᠭᠰᠠᠨ ᠠᠴᠠ ᠵᠢᠯ ᠤᠨ | ᠤᠷᠤᠯᠭᠠ ᠨᠢ 60 ᠳᠦᠮᠡᠨ ᠳᠦᠬᠦᠷᠢᠭ ᠢ ᠳᠠᠪᠠᠵᠦ᠂ ᠨᠤᠳᠤᠭ ᠤᠰᠤᠨ ᠳᠤ ᠪᠠᠨ ᠠᠯᠳᠠᠷ ᠲᠠᠢ ᠬᠦᠳᠡᠯᠮᠦᠷᠢ ᠶᠢᠨ | ᠵᠢᠱᠢᠶᠡᠴᠢ ᠪᠤᠯᠤᠨ ᠭᠢᠯᠠᠷᠠᠭᠤᠯᠵᠦ ᠶᠠᠪᠤᠨᠡ᠃ |