| ᠬᠠᠩᠭᠠᠢ ᠰᠡᠷᠭᠦᠭᠰᠡᠨ ᠬᠠᠪᠤᠷ ᠤᠨ ᠭᠤᠷᠪᠠᠨ ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ | ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠤᠳᠤ ᠶᠢᠨ ᠳᠠᠯᠠ ᠨᠤᠳᠤᠭ ᠢᠶᠠᠷ ᠠᠶᠠᠯᠠᠬᠤ ᠳᠤ ᠠᠭᠤᠯᠠ ᠳᠠᠯᠠ ᠶᠢ ᠳᠠᠭᠠᠭᠰᠠᠨ | ᠴᠠᠰᠤ ᠮᠦᠰᠦ ᠤᠶᠠᠷᠠᠨ ᠬᠠᠶᠢᠯᠵᠤ᠂ ᠭᠤᠤᠯ ᠤᠨ ᠬᠦᠨᠳᠡᠢ ᠪᠠᠷ ᠰᠤᠶᠤᠭᠠᠯᠠᠵᠤ ᠬᠦᠯᠦᠭᠡᠯᠡᠭᠰᠡᠨ ᠪᠤᠳᠠ ᠪᠤᠷᠭᠠᠰᠤ | ᠵᠢᠷᠢᠯᠵᠡᠨ ᠦᠩᠭᠡᠷᠡᠵᠤ᠂ ᠮᠠᠯᠴᠢᠳ ᠤᠨ ᠬᠤᠳᠠ ᠬᠦᠷᠢᠶᠡ ᠪᠠᠷ ᠬᠤᠷᠠᠭᠠ ᠳᠤᠭᠤᠯ ᠤᠨ ᠮᠠᠶᠢᠯᠠᠯᠳᠤᠬᠤ ᠳᠠᠭᠤᠨ | ᠰᠤᠨᠤᠷ ᠢ ᠪᠠᠶᠠᠰᠬᠠᠨ ᠭᠠᠵᠠᠷ ᠪᠤᠯᠭᠠᠨ ᠳᠤ ᠠᠮᠢᠵᠢᠷᠠᠯ ᠡᠰᠡᠨᠢᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠪᠢᠯᠬᠠᠨᠠ᠃ | ᠡᠮᠦᠨᠡᠳᠤ ᠬᠤᠰᠢᠭᠤᠨ ᠤ ᠮᠠᠨᠵᠤᠲ᠋ᠦ᠋ᠨ ᠤ ᠮᠠᠨᠵᠤ ᠦᠨᠳᠦᠰᠦᠳᠡᠨ ᠤ ᠰᠢᠶᠠᠩ ᠤᠨ ᠮᠠᠨᠵᠦᠲ᠋ᠦ᠋ᠨ ᠭᠠᠴᠠᠭᠠᠨ ᠤ | ᠮᠠᠯᠴᠢᠨ ᠪᠦᠷᠢᠨᠳᠡᠯᠭᠡᠷ ᠤᠨ ᠬᠢᠨ ᠳᠤ ᠬᠦᠷᠬᠦ ᠳᠤ᠂ ᠪᠦᠷᠢᠨᠳᠡᠯᠭᠡᠷ ᠪᠦᠰᠡᠭᠦᠢ ᠪᠤᠨᠳᠤᠷᠭᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠬᠠᠰᠢᠶᠠᠨ ᠳᠤ ᠪᠠᠨ ᠬᠤᠴᠤᠷᠠᠭᠤᠯᠤᠭᠰᠠᠨ ᠬᠤᠷᠠᠭᠠ ᠲᠠᠢ ᠬᠤᠨᠢᠳ ᠲᠤ ᠪᠠᠨ ᠡᠪᠡᠰᠤ ᠪᠤᠷᠳᠤᠭᠠ ᠦᠭᠴᠤ᠂ | ᠡᠬᠡ ᠠᠴᠠ ᠪᠠᠨ ᠬᠤᠯᠠᠳᠤᠭᠰᠠᠨ ᠢᠰᠢᠭᠡ ᠬᠤᠷᠠᠭᠠ ᠶᠢ ᠡᠬᠡ ᠲᠠᠢ ᠨᠢ ᠤᠴᠠᠷᠠᠭᠤᠯᠤᠨ ᠪᠤᠷᠪᠢ ᠪᠤᠬᠢᠰᠭᠢᠯ ᠦᠭᠡᠢ | ᠶᠠᠭᠠᠷᠠᠯᠳᠤᠨᠠ᠃ | ᠪᠦᠷᠢᠨᠳᠡᠯᠭᠡᠷ ᠪᠤᠯ ᠬᠠᠰᠢᠷ ᠳᠤᠷᠰᠢᠯᠭᠠ ᠲᠠᠢ ᠮᠠᠯᠴᠢᠨ ᠶᠤᠮ᠃ ᠡᠳᠡᠨ ᠤ ᠬᠢᠨ ᠡᠷᠳᠡ ᠶᠢᠨ ᠳᠦᠯ ᠳᠤᠰᠤᠭᠠᠳ | ᠤᠯᠠᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠵᠡᠢ᠃ ᠡᠨᠡ ᠵᠢᠯ ᠮᠦᠨ ᠴᠤ 1 ᠰᠠᠷᠠ ᠶᠢᠨ ᠡᠭᠢᠨ ᠠᠴᠠ ᠡᠬᠢᠯᠡᠵᠤ ᠳᠦᠯ ᠳᠤᠰᠴᠤ᠂ | ᠬᠠᠬᠢᠷ ᠡᠪᠤᠯ ᠢ ᠬᠠᠩᠬᠢᠨᠠᠬᠤ ᠳᠦᠯ ᠤᠨ ᠳᠠᠭᠤᠨ ᠲᠠᠢ ᠬᠠᠮᠳᠤ ᠦᠩᠭᠡᠷᠡᠭᠦᠯᠦᠯᠡ᠃ ᠪᠦᠷᠢᠨᠳᠡᠯᠭᠡᠷ ᠤᠨ | ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠂ ᠡᠪᠤᠯ ᠤᠨ ᠳᠦᠯ ᠡᠷᠳᠡ ᠪᠤᠶᠢᠵᠢᠵᠤ᠂ ᠵᠤᠨ ᠠᠴᠠ ᠡᠬᠢᠯᠡᠨ ᠵᠠᠬᠠ ᠳᠡᠯᠭᠡᠭᠦᠷ ᠲᠤ | ᠭᠠᠷᠴᠤ ᠠᠰᠢᠭ ᠤᠷᠤᠯᠭᠠ ᠨᠢ ᠦᠨᠳᠦᠷ᠂ ᠡᠬᠡ ᠮᠠᠯ ᠤᠨ ᠳᠠᠷᠭᠤ ᠬᠦᠴᠦ ᠶᠢ ᠭᠠᠮᠨᠠᠵᠤ ᠪᠡᠯᠴᠢᠭᠡᠷ ᠰᠡᠷᠭᠦᠭᠡᠬᠦ ᠳᠤ | ᠴᠤ ᠠᠰᠢᠭᠳᠠᠢ᠃ ᠭᠡᠪᠡᠴᠤ ᠡᠷᠳᠡ ᠶᠢᠨ ᠳᠦᠯ ᠳᠤᠰᠬᠤ ᠳᠤ ᠡᠬᠡ ᠮᠠᠯ ᠤᠨ ᠡᠪᠡᠰᠤ ᠪᠤᠷᠳᠤᠭᠠ ᠶᠢ ᠭᠦᠢᠴᠡᠳ | ᠨᠦᠭᠡᠴᠡᠯᠡᠨ ᠨᠢᠯᠬᠠ ᠳᠦᠯ ᠤᠨ ᠳᠠᠭᠠᠷᠠᠵᠤ ᠪᠡᠭᠡᠷᠡᠬᠦ ᠶᠢ ᠰᠠᠶᠢᠳᠤᠷ ᠰᠡᠷᠭᠡᠶᠢᠯᠡᠬᠦ ᠴᠢᠬᠤᠯᠠ ᠲᠠᠢ᠃ | ᠡᠨᠡ ᠬᠦ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠶᠢᠨ ᠳᠦᠯᠦᠭᠡ᠂ ᠪᠦᠷᠢᠨᠳᠡᠯᠭᠡᠷ ᠤᠨ ᠬᠢᠨ ᠰᠠᠭᠤᠷᠢ | ᠲᠦᠭᠦᠭᠡᠷᠦᠮᠵᠢ ᠶᠢᠨ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠪᠠᠨ ᠨᠡᠮᠡᠭᠳᠡᠭᠦᠯᠵᠤ᠂ ᠨᠢᠳᠤᠨᠤᠨ 150 ᠳᠤᠨ ᠡᠪᠡᠰᠤ᠂ 75 ᠳᠤᠨ | ᠨᠤᠭᠤᠭᠠᠨ ᠳᠠᠷᠤᠰᠢ᠂ 5 ᠳᠤᠨ ᠪᠤᠷᠳᠤᠭᠠ ᠨᠦᠭᠡᠴᠡᠯᠡᠵᠤ᠂ 900 ᠳᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠳ᠋ᠷ ᠳᠠᠯᠠᠪᠠᠢ ᠲᠠᠢ | ᠳᠤᠯᠠᠭᠠᠨ ᠫᠧᠩ ᠪᠠᠶᠢᠭᠤᠯᠵᠤ᠂ ᠬᠤᠨᠢ ᠮᠠᠯ ᠢᠶᠠᠨ ᠡᠷᠳᠡᠯᠡᠵᠤ ᠤᠷᠦ᠋ᠢᠯᠠᠨ ᠰᠠᠶᠢᠳᠤᠷ ᠠᠷᠠᠴᠢᠯᠠᠭᠰᠠᠨ ᠠᠴᠠ ᠤᠳᠤ | ᠨᠢᠭᠡᠨᠳᠡ 300 ᠭᠠᠷᠤᠢ ᠳᠦᠯ ᠳᠤᠰᠴᠤ᠂ ᠨᠢᠭᠡ ᠭᠠᠷᠠᠭ ᠤᠨ ᠳᠤᠳᠤᠷᠠ ᠪᠠᠰᠠ 100 ᠭᠠᠷᠤᠢ ᠳᠦᠯ ᠳᠤᠰᠤᠨᠠ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠪᠦᠷᠢᠨᠳᠡᠯᠭᠡᠷ ᠤᠨ ᠬᠢᠨ ᠪᠠᠰᠠ 50 ᠭᠠᠷᠤᠢ ᠰᠢᠮᠧᠨ᠋ᠳᠠᠷ ᠦᠬᠡᠷ ᠳᠡᠵᠢᠭᠡᠵᠤ᠂ ᠵᠢᠯ ᠤᠨ | ᠤᠷᠤᠯᠭᠠ ᠨᠢ 70 ᠳᠦᠮᠡᠨ ᠲᠦᠭᠦᠷᠢᠭ ᠲᠤ ᠬᠦᠷᠴᠤ ᠦᠶᠦᠭ ᠳᠠᠪᠠᠳᠠᠢ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠤ ᠪᠠᠶᠢᠨᠠ᠃ |