| ᠪᠠᠳᠮᠠ ᠡᠵᠢ ᠪᠣᠯ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠣᠳᠤ ᠰᠤᠮᠤ ᠶᠢᠨ | ᠰᠤᠭᠤᠨᠳᠠᠢ ᠭᠠᠴᠠᠭᠠᠨ ᠤ ᠨᠠᠷᠠᠨ ᠤ ᠪᠣᠷᠣ ᠮᠠᠯᠴᠢᠨ ᠮᠥᠨ᠃ ᠨᠠᠰᠤᠲᠠᠨ ᠮᠠᠨᠢ ᠭᠥᠢᠯᠡᠭᠦ ᠠᠭᠤᠯᠠ ᠶᠢᠨ ᠡᠩᠭᠡᠷ᠂ | ᠭᠥᠢᠯᠡᠷ ᠭᠤᠣᠯ ᠤᠨ ᠲᠡᠨᠵᠢᠨ ᠳᠤ ᠠᠳᠤᠭᠤ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠵᠤ᠂ ᠠᠷᠤᠭ ᠡᠭᠦᠷᠴᠦ ᠠᠷᠭᠠᠯ ᠬᠤᠷᠮᠣᠶᠢᠯᠠᠨ᠂ | ᠦᠨᠢᠶᠡ ᠰᠠᠭᠠᠨ ᠬᠤᠷᠤᠳ ᠨᠤᠬᠤᠨ᠂ ᠠᠶᠢᠷᠠᠭ ᠪᠦᠯᠢᠵᠦ ᠴᠡᠭᠡ ᠨᠡᠷᠡᠵᠦ᠂ ᠨᠠᠷᠠᠨ ᠤ ᠬᠤᠶᠠᠷ ᠦᠵᠦᠭᠦᠷ ᠲᠤ ᠪᠣᠷᠪᠢ | ᠨᠤᠭᠤᠷᠠᠯ ᠦᠭᠡᠢ ᠪᠥᠭᠴᠥᠭᠡᠨᠡᠵᠦ᠂ ᠰᠥᠨᠢ ᠳᠤ ᠪᠠᠨ ᠲᠤᠰᠤᠨ ᠳ᠋ᠧᠩ ᠤᠨ ᠰᠦᠮᠡᠶᠢᠬᠡᠨ ᠭᠡᠷᠡᠯ ᠳᠤ ᠤᠯᠠ ᠵᠤᠯᠤᠭ | ᠨᠡᠶᠢᠯᠡᠭᠦᠯᠦᠨ ᠲᠠᠯᠡᠨ ᠭᠤᠷᠪᠠᠨ ᠬᠠᠪᠤᠷ ᠨᠠᠮᠤᠷ ᠤᠨ ᠡᠭᠡᠯᠵᠢᠨ ᠳᠤ ᠪᠠᠶᠠᠷ᠂ ᠮᠥᠷᠡᠨ᠂ ᠪᠥᠭᠡ᠂ ᠰᠤᠷᠲᠠᠯᠲᠤ᠂ | ᠰᠤᠷᠭᠠᠯᠲᠤ᠂ ᠭᠡᠷᠡᠯ᠂ ᠤᠳᠪᠠᠯᠠ ᠵᠡᠷᠭᠡ ᠲᠤᠯᠤᠭᠠᠨ ᠬᠡᠦᠬᠡᠳ ᠢᠶᠠᠨ ᠭᠠᠷ ᠢ ᠨᠢ ᠭᠠᠨᠵᠤᠭᠠᠨ ᠳᠤ᠂ ᠬᠥᠯ ᠢ ᠨᠢ | ᠳᠥᠷᠥᠭᠡᠨ ᠳᠤ ᠭᠢᠰᠬᠢᠭᠦᠯᠵᠦ ᠲᠥᠷᠪᠡᠨ ᠦᠶᠡ ᠪᠠᠨ ᠦᠵᠡᠵᠦ ᠪᠠᠶᠢᠭᠠ ᠪᠤᠶᠠᠨᠲᠤ ᠪᠤᠭᠤᠷᠤᠯ ᠪᠢᠯᠡ᠃ | ᠪᠤᠶᠠᠨᠲᠤ ᠡᠵᠢ ᠶᠢᠨ ᠠᠮᠠᠨ ᠳᠤ ᠪᠠᠨ ᠬᠢᠪᠡᠯ ᠬᠠᠶᠢᠯᠠᠴᠢᠬᠠᠬᠤ ᠠᠴᠠ ᠠᠶᠤᠵᠤ ᠠᠯᠠᠭᠠᠨ ᠳᠤ ᠪᠠᠨ ᠲᠠᠯᠪᠢᠪᠠᠯ | ᠪᠥᠮᠪᠥᠷᠢᠴᠢᠬᠡᠬᠦ ᠠᠴᠠ ᠬᠢᠴᠢᠶᠡᠵᠦ᠂ ᠠᠷᠢᠭᠤᠨ ᠴᠠᠭᠠᠨ ᠰᠦ ᠪᠠᠨ ᠰᠢᠮᠡᠭᠦᠯᠵᠦ᠂ ᠠᠷᠤ ᠨᠢᠷᠤᠭᠤᠨ ᠳᠤ ᠪᠠᠨ ᠡᠭᠦᠷᠴᠦ | ᠬᠥᠮᠥᠵᠢᠭᠦᠯᠦᠭᠰᠡᠨ ᠲᠤᠯᠤᠭᠠᠨ ᠬᠡᠦᠬᠡᠳ ᠨᠢ ᠡᠵᠢ ᠶᠢᠨ ᠢᠶᠠᠨ ᠲᠠᠯᠡᠨ ᠭᠤᠷᠪᠠᠨ ᠨᠠᠰᠤᠨ ᠤ ᠪᠠᠶᠠᠷ ᠢ ᠪᠡᠯᠭᠡᠯᠡᠬᠦ ᠶᠢᠨ | ᠲᠥᠯᠥᠭᠡ᠂ ᠡᠵᠢ ᠪᠠᠨ ᠤᠳᠠᠢ᠂ ᠪᠡᠭᠡᠵᠢᠩ ᠢᠶᠠᠷ ᠵᠤᠭᠠᠴᠠᠭᠤᠯᠬᠤ ᠶᠢᠨ ᠬᠠᠮᠲᠤ 7 ᠰᠠᠷᠠ ᠶᠢᠨ 25 ᠤ ᠡᠳᠦᠷ᠂ | ᠬᠤᠯᠠ ᠣᠶᠢᠷᠠ ᠬᠤᠪᠣᠩ ᠲᠥᠷᠤᠯ ᠢᠶᠠᠨ ᠴᠤᠭᠯᠠᠭᠤᠯᠵᠤ ᠤᠯᠠᠭᠠᠨᠮᠣᠳᠤ ᠶᠢᠨ ᠲᠠᠯᠠ ᠨᠤᠲᠤᠭ ᠤᠨ ᠠᠯᠳᠠᠨ ᠡᠮᠡᠭᠡᠯ | ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠲᠤ ᠮᠣᠷᠢ ᠤᠷᠤᠯᠳᠤᠵᠤ ᠪᠥᠭᠡ ᠪᠠᠷᠢᠯᠳᠤᠬᠤ ᠨᠠᠶᠢᠷ ᠨᠠᠭᠠᠳᠤᠮ ᠶᠠᠪᠤᠭᠳᠠᠭᠤᠯᠵᠠᠢ᠃ | ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠮᠣᠷᠢᠨ ᠤᠷᠤᠯᠳᠣᠭᠠᠨ ᠳᠤ ᠤᠯᠠᠭᠠᠨᠮᠣᠳᠤ ᠰᠤᠮᠤ ᠶᠢᠨ ᠨᠠᠰᠤᠨᠵᠢᠷᠭᠠᠯ ᠤᠨ ᠮᠣᠷᠢ | ᠲᠡᠷᠢᠭᠦᠯᠡᠵᠦ ᠵᠣᠭᠤᠰ ᠮᠥᠩᠭᠦ ᠪᠠᠷ ᠱᠠᠩᠨᠠᠭᠳᠠᠨ᠂ ᠪᠥᠭᠡ ᠶᠢᠨ ᠤᠷᠤᠯᠳᠣᠭᠠᠨ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ | ᠲᠡᠮᠦᠷᠪᠠᠭᠠᠲᠤᠷ ᠲᠡᠷᠢᠭᠦᠯᠡᠵᠦ ᠲᠡᠮᠡᠭᠡ ᠬᠥᠲᠥᠯᠵᠦ᠂ ᠤᠯᠠᠭᠠᠨᠮᠣᠳᠤ ᠰᠤᠮᠤ ᠶᠢᠨ ᠬᠡᠰᠢᠭ ᠳᠡᠳ᠋ᠯᠡᠵᠦ ᠮᠣᠷᠢ ᠬᠥᠲᠥᠯᠥᠨ | ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠪᠠᠲᠤᠵᠢᠷᠭᠠᠯ ᠭᠤᠷᠪᠠᠳᠤᠭᠠᠷ ᠲᠤ ᠲᠣᠳᠣᠷᠠᠵᠤ ᠦᠬᠡᠷ ᠬᠥᠲᠥᠯᠵᠦ᠂ ᠲᠠᠩᠰᠤᠭ | ᠰᠠᠶᠢᠬᠠᠨ ᠨᠠᠶᠢᠷ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠱᠠᠩᠨᠠᠯ ᠨᠢ ᠦᠵᠡᠭᠴᠢᠳ ᠤᠨ ᠬᠠᠷᠠᠭᠠ ᠶᠢ ᠮᠢᠯᠢᠶᠠᠵᠤ᠂ | ᠨᠠᠭᠠᠳᠤᠮᠴᠢᠳ ᠤᠨ ᠪᠢᠯᠢᠭ ᠢ ᠰᠣᠷᠢᠵᠤ᠂ ᠨᠤᠲᠤᠭ ᠤᠰᠤᠨ ᠤ ᠬᠢ ᠪᠠᠨ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠭᠰᠠᠨ ᠪᠠᠶᠢᠨᠠ᠃ | ᠡᠭᠦᠨ ᠤ ᠬᠠᠮᠲᠤ᠂ ᠪᠠᠳᠮᠠ ᠡᠵᠢ ᠶᠢᠨ ᠲᠤᠯᠤᠭᠠᠨ ᠬᠡᠦᠬᠡᠳ ᠨᠢ ᠠᠯᠠᠭᠠᠨ ᠳᠤ ᠪᠠᠨ ᠬᠠᠳᠠᠭ ᠲᠠᠢ᠂ | ᠠᠶᠤᠤᠯᠢᠬᠠᠢ ᠳᠤ ᠪᠠᠨ ᠵᠥᠩᠨᠡᠯ ᠲᠠᠢ᠂ ᠠᠬᠠᠰᠢᠷᠠᠭᠠ ᠨᠠᠰᠤᠲᠠᠨ ᠤ ᠪᠠᠨ ᠠᠨᠠᠪᠠᠳ ᠲᠠᠯᠠᠢ ᠮᠡᠲᠦ ᠠᠴᠢ ᠡᠨᠡᠷᠢᠯ ᠳᠤ | ᠨᠢ ᠠᠯᠳᠠᠨ ᠪᠠᠭᠤᠤ᠂ ᠡᠭᠡᠮᠦᠭ ᠪᠦᠭᠡᠵᠢ ᠪᠡᠯᠭᠡᠯᠡᠵᠦ ᠪᠠᠶᠠᠷᠯᠠᠭᠤᠯᠤᠨ ᠨᠠᠰᠤᠲᠠᠨ ᠢᠶᠠᠨ ᠬᠦᠨᠳᠦᠯᠡᠵᠦ ᠨᠢᠯᠬᠠᠰ ᠢᠶᠠᠨ | ᠬᠠᠶᠢᠷᠠᠯᠠᠬᠤ ᠲᠤᠮᠳᠠᠳᠣ ᠶᠢᠨ ᠦᠨᠳᠦᠰᠦᠲᠡᠨ ᠤ ᠰᠢᠯᠢᠳᠡᠭ ᠤᠳᠤᠮᠰᠢᠯ ᠢ ᠰᠠᠶᠢᠲᠤᠷ ᠤᠯᠠᠮᠵᠢᠯᠠᠭᠰᠠᠨ ᠪᠠᠶᠢᠨᠠ᠃ |