| ᠳᠠᠷᠢᠶᠠᠨ ᠭᠠᠵᠠᠷ ᠢ ᠨᠠᠷᠠᠭᠳᠠᠬᠤ ᠪᠤᠯ ᠨᠢᠭᠡ ᠵᠥᠢᠯ ᠤᠨ ᠦᠡᠭᠭᠡᠨ ᠬᠦᠷᠥᠰᠥᠨ ᠤ ᠳᠠᠷᠢᠶᠠᠯᠠᠬᠤ ᠠᠷᠭᠠ ᠮᠦᠨ᠂ | ᠳᠡᠷᠡ ᠨᠢ ᠬᠦᠷᠥᠰᠥ ᠶᠢ ᠳᠡᠭᠰᠢᠯᠡᠬᠦ᠂ ᠰᠢᠷᠥᠢ ᠭᠡᠮᠭᠡᠯᠬᠦ᠂ ᠰᠢᠷᠥᠢ ᠪᠤᠷᠳᠤᠭᠤᠷ ᠢ ᠬᠤᠯᠢᠬᠤ᠂ ᠦᠡᠭᠭᠡᠨ ᠬᠦᠷᠥᠰᠥ ᠶᠢ | ᠰᠤᠯᠠᠷᠠᠭᠤᠯᠬᠤ᠂ ᠬᠤᠭ ᠡᠪᠡᠰᠥ ᠶᠢ ᠠᠷᠢᠯᠭᠠᠬᠤ ᠪᠤᠯᠤᠨ ᠦᠨᠳᠥᠰᠥ ᠡᠰᠢᠨ ᠤ ᠦᠷᠡᠵᠢᠯ ᠢ ᠨᠡᠮᠡᠭᠳᠡᠬᠦᠯᠬᠦ ᠵᠡᠷᠭᠡ | ᠥᠢᠯᠡᠳᠥᠯ ᠲᠠᠢ᠃ ᠶᠡᠷᠥ ᠳᠤ ᠪᠠᠨ ᠬᠠᠭᠠᠯᠬᠤ ᠠᠴᠠ ᠡᠮᠥᠨᠡ ᠬᠤᠶᠢᠨᠠ᠂ ᠳᠠᠷᠢᠬᠤ ᠠᠴᠠ ᠡᠮᠥᠨᠡ ᠬᠤᠶᠢᠨᠠ ᠪᠦᠷ | ᠨᠠᠷᠠᠭᠳᠠᠵᠤ ᠪᠤᠯᠤᠨᠠ᠃ ᠨᠠᠷᠠᠭᠳᠠᠭᠤᠷ ᠲᠤ ᠳᠤᠭᠤᠷᠢᠭ ᠨᠠᠷᠬᠠ᠂ ᠬᠦᠨᠳᠥ ᠬᠡᠯᠪᠡᠷᠢ ᠶᠢᠨ ᠳᠤᠭᠤᠷᠢᠭ ᠨᠠᠷᠬᠠ ᠵᠡᠷᠭᠡ | ᠪᠠᠶᠢᠳᠠᠭ᠃ ᠭᠤᠯᠳᠥ ᠴᠢᠭᠯᠡᠯ᠂ ᠬᠦᠨᠳᠡᠯᠡᠨ ᠴᠢᠭᠯᠡᠯ ᠪᠤᠯᠤᠨ ᠡᠰᠡᠷᠬᠦ ᠦᠨᠴᠥᠭ ᠤᠨ ᠴᠢᠭᠯᠡᠯ ᠢᠶᠠᠷ ᠪᠦᠷ ᠨᠠᠷᠠᠭᠳᠠᠵᠤ | ᠪᠤᠯᠥᠨᠠ᠃ ᠪᠤᠳᠠᠳᠠᠢ ᠨᠦᠬᠦᠴᠡᠯ ᠳᠤ ᠪᠠᠨ ᠵᠤᠬᠢᠴᠠᠭᠤᠯᠥᠨ ᠴᠠᠭ ᠬᠤᠭᠤᠴᠠᠭᠠ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠪᠤᠯᠤᠨ | ᠴᠢᠭᠯᠡᠯ ᠢ ᠰᠤᠩᠭᠤᠨ ᠨᠠᠷᠠᠭᠳᠠᠵᠤ ᠪᠤᠯᠤᠨᠠ᠃ | ᠰᠠᠶ᠋ᠢᠬᠠᠨ ᠠᠨᠵᠢᠰᠤᠳᠠᠵᠤ ᠦᠡᠭᠭᠡᠷᠡᠭᠰᠡᠨ ᠬᠦᠷᠥᠰᠥ ᠶᠢ ᠳᠡᠭᠰᠢᠯᠡᠬᠦ ᠳᠤ ᠰᠢᠷᠥᠢ ᠭᠡᠮᠭᠡᠯᠬᠦ ᠪᠤᠯᠤᠨ ᠬᠤᠭ | ᠡᠪᠡᠰᠥᠨ ᠤ ᠦᠨᠳᠥᠰᠥ ᠶᠢ ᠠᠷᠢᠯᠭᠠᠵᠤ᠂ ᠰᠢᠯᠢᠳᠡᠭ ᠰᠠᠶᠢᠨ ᠳᠠᠷᠢᠶᠠᠯᠠᠬᠤ ᠨᠦᠬᠦᠴᠡᠯ ᠪᠤᠢ ᠪᠤᠯᠭᠠᠬᠤ ᠵᠤᠷᠢᠯᠭᠠ ᠪᠠᠷ | ᠠᠷᠠᠭᠠᠳᠥ ᠨᠠᠷᠬᠠ ᠶᠢ ᠬᠡᠷᠡᠭᠯᠡᠨᠡ᠃ ᠳᠡᠵᠢᠭᠡᠯ ᠡᠪᠡᠰᠥ ᠤᠭᠰᠠᠷᠠᠵᠤ ᠳᠠᠷᠢᠬᠤ ᠦᠶᠡᠰ᠂ ᠴᠢᠬᠢᠭ ᠢ ᠵᠠᠪᠳᠥᠨ ᠴᠠᠭ | ᠲᠤᠬᠠᠢ ᠳᠤ ᠨᠢ ᠳᠠᠷᠢᠬᠤ ᠶᠢᠨ ᠲᠦᠯᠥᠭᠡ ᠵᠠᠷᠢᠮ ᠳᠤ ᠪᠠᠨ ᠭᠠᠵᠠᠷ ᠢᠶᠠᠨ ᠬᠠᠭᠠᠯᠪᠤᠷᠢᠯᠠᠬᠤ ᠦᠬᠡᠢ ᠪᠠᠷ ᠰᠢᠭᠤᠳ | ᠳᠤᠭᠤᠷᠢᠭ ᠨᠠᠷᠬᠠ ᠪᠠᠷ ᠨᠠᠷᠠᠭᠳᠠᠴᠢᠬᠠᠭᠠᠳ ᠳᠠᠷᠢᠳᠠᠭ᠃ ᠤᠯᠠᠨ ᠨᠠᠰᠥᠳᠥ ᠳᠡᠵᠢᠭᠡᠯ ᠡᠪᠡᠰᠥᠳᠥ ᠪᠡᠯᠴᠢᠭᠡᠷ ᠢ ᠬᠠᠪᠤᠷ | ᠡᠷᠳᠡ ᠨᠠᠷᠠᠭᠳᠠᠪᠠᠯ ᠬᠦᠷᠮᠡᠭ ᠤᠨ ᠳᠠᠪᠬᠤᠷᠭᠠ ᠪᠤᠯᠤᠨ ᠦᠯᠡᠳᠡᠭᠳᠡᠯ ᠭᠤᠤᠷᠰᠥ ᠶᠢ ᠠᠷᠢᠯᠭᠠᠵᠤ᠂ ᠬᠦᠷᠥᠰᠥᠨ ᠤ | ᠠᠭᠠᠷ ᠤᠨ ᠨᠡᠪᠳᠡᠷᠡᠴᠡ ᠶᠢ ᠰᠠᠶᠢᠵᠢᠷᠠᠭᠤᠯᠥᠨ᠂ ᠳᠡᠵᠢᠭᠡᠯ ᠡᠪᠡᠰᠥᠨ ᠤ ᠨᠤᠭᠤᠭᠠᠷᠠᠭᠤᠯᠤᠯᠳᠠ ᠪᠠ ᠤᠷᠭᠤᠯᠳᠠ ᠶᠢ | ᠠᠬᠢᠭᠤᠯᠳᠠᠭ᠃ | ᠪᠤᠯᠤᠳᠠᠬᠤ ᠪᠠᠭᠠᠵᠢ ᠳᠤ ᠴᠢᠯᠠᠭᠤ ᠪᠤᠯᠤ᠂ ᠮᠧᠬᠠᠨᠢᠭ ᠬᠦᠯᠢᠭᠡᠷ ᠪᠤᠯᠤᠳᠠᠭᠤᠷ᠂ V ᠬᠡᠯᠪᠡᠷᠢᠳᠥ ᠪᠤᠯᠤᠳᠠᠭᠤᠷ᠂ | ᠴᠠᠭᠠᠷᠢᠭ ᠪᠤᠯᠤᠳᠠᠭᠤᠷ ᠪᠤᠯᠤᠨ ᠴᠢᠯᠠᠭᠤ ᠪᠤᠶᠤ ᠳᠡᠮᠥᠷ ᠢᠶᠠᠷ ᠬᠢᠭᠰᠡᠨ ᠬᠡᠰᠡᠭ ᠳᠠᠯᠠ ᠶᠢᠨ ᠪᠤᠯᠤᠳᠠᠭᠤᠷ ᠵᠡᠷᠭᠡ | ᠪᠠᠶᠢᠳᠠᠭ᠃ ᠭᠠᠩ ᠬᠠᠭᠤᠷᠠᠢ᠂ ᠰᠠᠯᠬᠢ ᠶᠡᠭᠡ ᠤᠷᠤᠨ ᠪᠤᠶᠤ ᠤᠯᠠᠷᠢᠯ ᠳᠤ ᠬᠦᠪᠰᠥᠭᠡᠷ ᠵᠦᠭᠡᠯᠡᠨ ᠬᠦᠷᠥᠰᠥᠨ ᠤ | ᠤᠰᠥᠨ ᠤ ᠰᠥᠢᠳᠥᠯ ᠨᠢ ᠬᠤᠷᠳᠥᠨ ᠪᠠᠶᠢᠳᠠᠭ᠃ ᠡᠶᠢᠮᠥ ᠠᠴᠠ ᠪᠤᠯᠤᠳᠠᠵᠤ ᠳᠠᠷᠤᠰᠢᠭᠤᠯᠪᠠᠯ ᠬᠦᠷᠥᠰᠥᠨ ᠤ ᠵᠠᠭᠠᠭ | ᠵᠠᠪᠰᠠᠷ ᠢ ᠪᠠᠭᠠᠰᠬᠠᠵᠤ᠂ ᠬᠡᠢ ᠲᠦᠯᠥᠪᠳᠥ ᠤᠰᠥᠨ ᠤ ᠠᠭᠤᠷᠰᠢᠯᠳᠠ ᠶᠢ ᠬᠤᠷᠢᠭᠯᠠᠨ ᠴᠢᠬᠢᠭ ᠢ ᠬᠠᠮᠠᠭᠠᠯᠠᠬᠤ | ᠥᠢᠯᠡᠳᠥᠯ ᠦᠵᠡᠬᠦᠯᠳᠡᠭ᠃ ᠰᠢᠨᠡᠭᠡᠨ ᠤᠷᠪᠠᠭᠤᠯᠤᠭᠰᠠᠨ ᠭᠠᠵᠠᠷ ᠪᠤᠶᠤ ᠡᠯᠡᠰᠥᠷᠭᠡᠭ ᠬᠦᠪᠰᠥᠭᠡᠷ ᠬᠦᠷᠥᠰᠥᠨ ᠳᠤ | ᠳᠡᠵᠢᠭᠡᠯ ᠡᠪᠡᠰᠥ ᠳᠠᠷᠢᠬᠤ ᠳᠤ ᠡᠷᠬᠡᠪᠰᠢ ᠤᠷᠢᠳᠠᠪᠠᠷ ᠪᠤᠯᠤᠳᠠᠵᠤ ᠳᠡᠭᠡᠷᠠ ᠨᠢ ᠰᠦᠪᠡᠷᠭᠡᠭ ᠳᠤᠤᠷᠠ ᠪᠠᠨ ᠴᠢᠩᠭᠠᠯᠢᠭ | ᠦᠷᠠ ᠶᠢᠨ ᠭᠤᠯᠤᠮᠳᠠ ᠪᠡᠯᠡᠳᠭᠡᠬᠦ ᠬᠡᠷᠡᠭᠳᠡᠢ᠃ | ᠲᠠᠩᠨᠠᠬᠤ ᠨᠢ ᠭᠤᠤᠯᠳᠠᠭᠤ ᠦᠡᠭᠭᠡᠨ ᠬᠦᠷᠥᠰᠥ ᠶᠢ ᠰᠤᠯᠠᠷᠠᠭᠤᠯᠵᠤ ᠤᠰᠥ ᠬᠠᠳᠠᠭᠠᠯᠠᠨ᠂ ᠬᠤᠭ ᠡᠪᠡᠰᠥ ᠶᠢ | ᠠᠷᠢᠯᠭᠠᠬᠤ ᠥᠢᠯᠡᠳᠥᠯ ᠲᠠᠢ᠃ ᠴᠠᠭ ᠲᠤᠬᠠᠢ ᠳᠤ ᠨᠢ ᠳᠠᠩᠨᠠᠵᠤ᠂ ᠬᠦᠷᠥᠰᠥᠨ ᠳᠠᠪᠬᠤᠷᠭᠠ ᠶᠢ ᠬᠦᠪᠰᠥᠭᠡᠷ | ᠵᠦᠭᠡᠯᠡᠨ ᠪᠦᠭᠡᠳ ᠬᠤᠭ ᠡᠪᠡᠰᠥ ᠦᠬᠡᠢ ᠪᠠᠶᠢᠯᠭᠠᠬᠤ ᠬᠡᠷᠡᠭᠳᠡᠢ᠃ ᠤᠨᠴᠠᠭᠠᠢᠢᠯᠠᠨ ᠤᠰᠤᠯᠠᠭᠰᠠᠨ ᠤ ᠳᠠᠷᠠᠭᠠ ᠪᠤᠶᠤ | ᠪᠤᠷᠤᠭᠠᠨ ᠤ ᠳᠠᠷᠠᠭᠠ ᠳᠠᠩᠨᠠᠵᠤ᠂ ᠳᠠᠷᠢᠶᠠᠨ ᠭᠠᠵᠠᠷ ᠤᠨ ᠦᠷᠥᠮᠡᠳᠥᠵᠤ ᠬᠠᠳᠠᠭᠤᠷᠠᠬᠤ ᠶᠢ ᠰᠡᠷᠬᠡᠶᠢᠯᠡᠨ | ᠬᠦᠷᠥᠰᠥᠨ ᠤ ᠤᠰᠥ ᠶᠢ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠳᠡᠢ᠃ ᠲᠠᠩᠨᠠᠬᠤ ᠠᠵᠢᠯ ᠢ ᠠᠯᠢ ᠴᠢᠳᠠᠬᠤ ᠪᠠᠷ ᠤᠰᠤᠯᠠᠬᠤ᠂ ᠰᠢᠷᠥᠢ | ᠨᠡᠮᠡᠬᠦ᠂ ᠪᠤᠷᠳᠤᠭᠤᠷ ᠤᠷᠤᠭᠤᠯᠬᠤ ᠲᠠᠢ ᠤᠶᠠᠯᠳᠤᠭᠤᠯᠵᠤ ᠬᠢᠬᠦ ᠪᠦᠭᠡᠳ ᠴᠢᠬᠢ ᠶᠢ ᠬᠡᠮᠳᠥᠭᠡᠵᠤ᠂ ᠦᠨᠳᠥᠰᠥ | ᠭᠡᠮᠳᠥᠭᠡᠬᠦ ᠠᠴᠠ ᠬᠢᠴᠢᠶᠡᠬᠦ ᠬᠡᠷᠡᠭᠳᠡᠢ᠃ | ︵︽ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠤ ᠬᠡᠷᠡᠭᠯᠡᠭᠡᠨ ᠤ ᠮᠡᠷᠭᠡᠵᠢᠯ ᠴᠤᠪᠤᠷᠠᠯ ᠪᠢᠴᠢᠭ︾ ᠠᠴᠠ ᠠᠪᠤᠪᠠ︶ |